អគារសិក្សា​ថ្មី​និង​សមិទ្ធផល​ជាង​២៣​ម៉ឺន​ដុល្លារ​នៅ​វិទ្យាល័យ​ហ៊ុនសែន​ក្រវ៉ា​សម្ពោធ​ឱ្យប្រើ​ប្រាស់​

​ដោយៈ​សុផល​/​កំពង់ធំៈ​អគារសិក្សា​ថ្មី​ចំនួន​២​ខ្នង​និង​សមិទ្ធផល​នានា​ដែលមាន​តម្លៃ​ជាង​២៣​ម៉ឺន​ដុល្លារ​នៅ​វិទ្យាល័យ​ហ៊ុនសែន​ក្រវ៉ា​ក្នុងស្រុក​បារាយណ៍​ខេត្តកំពង់ធំ​បាន​សម្ពោធ​ឱ្យប្រើ​ប្រាស់​ជា​ផ្លូវការ​កាលពី​ព្រឹក​ថ្ងៃទី​១៥​ខែកុម្ភៈ​ឆ្នាំ​២០២០​។​លោក​បណ្ឌិត​ងួន​ញ៉ិល​តំណាង​ដ៏​ខ្ពង់ខ្ពស់​សម្តេច​អគ្គមហាសេនាបតី​តេ​ជោ​ហ៊ុនសែន​និង​សម្តេច​កិត្តិ​ព្រឹទ្ធ​បណ្ឌិត​ប៊ុនរ៉ានី​ហ៊ុនសែន​អញ្ជើញ​ជា​អធិបតី​ក្នុង​ពិធី​សម្ពោធ​ដាក់ឱ្យ​ប្រើប្រាស់​ជា​ផ្លូវការ​អគារសិក្សា​ថ្មី​នេះ​។

​លោក ញឹក បាន​ខេង អភិបាល​ស្តីទី​ខេត្តកំពង់ធំ បាន​មានប្រសាសន៍ថា​៖​វត្តមាន​របស់លោក​ប​ណ្ឌិ​ត ងួន ញ៉ិល នាពេលនេះ​បាន​សបញ្ជាក់​ឱ្យឃើញ​កាន់តែច្បាស់​ថែមទៀត ពី​ការយកចិត្តទុកដាក់រ​បស់ សម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​និង​សម្តេច​កិត្តិ​ព្រឹទ្ធ​បណ្ឌិត​ប៊ុនរ៉ានី​ហ៊ុនសែន​។​លោក​បណ្ឌិត​ចំពោះ​សំណូមពរ​របស់​គណៈ​គ្រប់គ្រង​សាលា លោកគ្រូ អ្នកគ្រូ​សិស្សានុសិស្ស​និង​បងប្អូន​ប្រជាពលរដ្ឋ​ក្នុង​ឃុំ​ក្រវ៉ា​បាក់ស្នា​គគីរ​ធំ​និង​ឃុំ​ចើ​ង​ដើ​ង​ស្រុក​បារាយណ៍ និង​ជារួម​សម្រាប់​ខេត្តកំពង់ធំ​ទាំងមូល ។

​លោក​អភិបាល​ស្តីទី​ខេត្តកំពង់ធំ បាន​បញ្ជាក់ថា​៖ ដោយមាន​ការផ្តួចផ្តើម​គំនិត​ពី​លោក បណ្ឌិត ងួន ញ៉ិល វិទ្យាល័យ ហ៊ុន សែន ក្រវ៉ា បាន​កសាងឡើង​នៅ​ថ្ងៃទី​៩ ខែធ្នូ ឆ្នាំ​១៩៩៥ មាន​អគារ​ចំនួន ២​ខ្នង ១០​បន្ទប់ ជា​អំណោយ​ដ៏​ថ្លៃថ្លា​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី ហើយ​បាន​អនុញ្ញាតឱ្យ​បើក​ជា អនុវិទ្យាល័យ ហ៊ុន សែន ក្រវ៉ា ជា​ផ្លូវការ​នៅ​ឆ្នាំ​១៩៩៦ ។​

​ក្រោយមក លោក បណ្ឌិត ងួន ញ៉ិល បានផ្តល់​អគារសិក្សា​មួយ​ខ្នង ក្រសួង​អប់រំ យុវជន និង​កីឡា បានផ្តល់​អគារសិក្សា​១​ខ្នង សម្តេច​អគ្គមហាសេនាបតី​តេ​ជោ ហ៊ុន សែន បានផ្តល់​អគារ​ទីចាត់ការ ១​ខ្នង អគារ​កាត់ដេរ ១​ខ្នង (​បច្ចុប្បន្ន​អគារ​កាត់ដេរ​នោះបាន​ប្រែក្លាយជា​អគារសិក្សា​វិញ​) ។​ប៉ុន្តែ​ទោះបី​អគារសិក្សា​ទាំងអស់​មាន​រហូត​៤​ខ្នង​ស្មើ​២០​បន្ទប់​ក៏ដោយ​ក៏​នៅតែមាន​ការខ្វះ​បន្ទប់​សំរាប់​សិស្សានុសិស្ស សិក្សា​ដដែល ។

​ដោយ​ពិនិត្យឃើញ​ផ្ទាល់​អំពី​ស្ថានភាព​លំបាក​នេះ​លោក បណ្ឌិត ងួន ញ៉ិល បានសម្រេច​ផ្តល់​អគារ ២​ខ្នង ១២​បន្ទប់ បន្ទប់​អនាម័យ ២​កន្លែង ជួសជុល​អគារ​ចាស់​ទាំង​៤​ខ្នង អគារ​ទីចាត់ការ​មួយ​ខ្នង របង ខ្លោងទ្វារ និង​កែលំអ​ទីធ្លា​សាលា​ឡើងវិញ ដោយបាន​ចំណាយ​ថវិកា​សរុប​ចំនួន ២៣២.៦៦៨ ដុល្លារ​អាមេរិក ដែល​យើង​កំពុង​ធ្វើ​ពិធី​សម្ពោធ​ដាក់​ឲ្យ​ប្រើប្រាស់​ជា​ផ្លូវការ​នេះ​។

​លោក បណ្ឌិត ងួន ញ៉ិល បាន​ផ្តាំផ្ញើ​នូវ​ការសាកសួរ​សុខទុក្ខរ​បស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន​ជូន​ដល់​បងប្អូន​ប្រជាពលរដ្ឋ លោកគ្រូ អ្នកគ្រូ​សិស្សានុសិស្ស​មន្ត្រីរាជការ​និង​ថ្នាក់ដឹកនាំ​ទាំងអស់ ទូទាំង​ខេត្តកំពង់ធំ ។​

​លោក​បណ្ឌិត បាន​បន្តថា​តាងនាម​ប្រជាពលរដ្ឋ​ទូទាំងប្រទេស ពិសេស​ប្រជាពលរដ្ឋ​នៅ​ខេត្តកំពង់ធំ និង​រូបលោក​បណ្ឌិត​ផ្ទាល់​សូម​ថ្លែងអំណរគុណ​យ៉ាង​ជ្រាលជ្រៅ​បំផុត​ចំពោះ​សម្តេច​អគ្គមហាសេនាបតី​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ដែល​តែងតែ​លើក​កំពស់ និង​យកចិត្តទុកដាក់​បំផុត​ក្នុង​វិស័យ​អប់រំ​ពិសេស​គឺ​ការសាងសង់​អគារសិក្សា​ថ្មី​ជាច្រើន​នៅ​ទូទាំងប្រទេស ក្នុងនោះ​ក៏មាន​វិទ្យាល័យ ហ៊ុន សែន ក្រវ៉ា ផងដែរ​។​

​លោក​បណ្ឌិត ក៏បាន​ថ្លែងអំណរគុណ​ចំពោះ ឯកឧត្តម លោកជំទាវ សប្បុរសជន លោកគ្រូ អ្នកគ្រូ មាតាបិតា​សិស្ស និង​អាជ្ញា​រមូល​ដ្នា​ន​គ្រប់លំដាប់​ថ្នាក់ ដែល​បាន​ឧបត្ថម្ភ និង​សហការគ្នា​បាន​យ៉ាង​ល្អ ក្នុងការ​ធ្វើ​ឲ្យ​សមិទ្ធផល​នៅក្នុង​វិទ្យាល័យ នេះ​លេច​ជា​រូបរាង​ឡើង​ជាទី​មោទនៈ ។​

​លោក​បណ្ឌិត​ងួន​ញ៉ិល​មានប្រសាសន៍​បញ្ជាក់ទៀតថា​លទ្ធភាព​ទាំងនេះ​អាច​ប្រព្រឹត្តទៅបាន​ក៏​អាស្រ័យ​ដោយ​ប្រទេសជាតិ​មាន​ស្ថិរភាព​និង​សុខសន្តិភាព​ដូច្នេះ​យើងទាំងអស់គ្នា​ត្រូវ​ចងចាំ​ថា​មាន​សន្តិភាព ទើប​មានការ​អភិវឌ្ឍន៍ មាន​សន្តិភាព​ទើប​មាន​សិទ្ធិមនុស្ស មាន​សន្តិភាព​ទើប​មាន​លទ្ធិ​ប្រជា​ធិ​តេ​យ្យ ដូច្នេះ​យើង​ត្រូវ​រួមគ្នា​រក្សា​សន្តិភាព​ឲ្យ​បាន​ទោះ​ក្នុង​កាលៈទេសៈ​ណាក៏ដោយ « អរគុណ​សន្តិភាព » ។

​សូម​ជម្រាប​ផងដែរ​ថា​៖​លោក​បណ្ឌិត ងួន ញ៉ិល ក៏បាន​បំពាក់​គ្រឿង​ឥស្សរិយយស​ជូន​សប្បុរសជន ចែកជូន​ថវិកា សំភារៈ ជូន​ប្រជាពលរដ្ឋ​និង​សិស្សានុសិស្ស​ផងដែរ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

មន្ត្រី​អភិរក្ស​សត្វព្រៃ ...

​ដោយៈ ដេប៉ូ / មណ្ឌលគិរីៈ ...

អាជ្ញាធរ​ខណ្ឌចំការមន និង​...

​ដោយៈ រ៉ា​ម៉ន ភ្នំពេញៈ អា...

​សមត្ថកិច្ច ឲ្យ​ម្ចាស់​ហា...

​ដោយៈ ស​រិ​ទ្ធ / កណ្តាលៈ ...

​ក្រុមការងារ​សុខាភិបាល​ខេ...

ដោយៈ ទេ​ពក​ង្រី / កំពង់ឆ្...