Home ព័ត៌មានជាតិ អគ្គនាយក​អង្គ...

អគ្គនាយក​អង្គការ​អន្តរជាតិ​ឆ្នេរសមុទ្រ​ស្អាត​បំផុត​លើ​សាកលលោក​ស្ងើចសរសើរ​សកម្មភាព​ដ៏​ក្លាហាន​និង​វិជ្ជមាន​របស់​សម្តេច​ហ៊ុន សែន​ ​

ដោយ​៖​តារា​រិ​ទ្ធ​(​ភ្នំពេញ​)៖ លោក ប្រ៊ុ​យ​ណូ បូ​ដា​ត (Bruno BODARD)​ស្ថាបនិក​និង​ជា​អគ្គនាយក​អង្គការ​អន្តរជាតិ​ឆ្នេរសមុទ្រ​ស្អាត​បំផុត​លើ​សាកល លោក​បាន​ស្ងើចសរសើរ​ចំពោះ​សកម្មភាព​ដ៏​ក្លាហាន​និង​វិជ្ជមាន​របស់​សម្តេច​អគ្គ​មា​ហ​សេនាបតី​តេ​ជោហ៊ុន សែន នាយក​រដ្ឋ​មន្ត្រ​ក្នុងការ​អនុញ្ញាតអោយ នាវា​ទេសចរណ៍ Westerdam ចូល​ចត​នៅ​ខេត្ត​ព្រះសីហនុ​បន្ទាប់ពី​នាវា​បាន​ជាប់គាំង​នៅលើ​សមុទ្រ​អស់​រយៈពេល​ជា​យូរថ្ងៃ ។

​ការ​ស្ងើចសរសើរ​របស់​អគ្គនាយក​អង្គការ​អន្តរជាតិ​ឆ្នេរសមុទ្រ​ស្អាត​បំផុត​លើ​សាកលលោក​បានធ្វើ​ឡើង​តាមរយៈ​លិខិត​មួយច្បាប់​ផ្ញើជូន​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា​នៅ​ថ្ងៃទី​១៥ ខែកុម្ភៈ ឆ្នាំ​២០២០​នេះ​។​

​ក្នុង​លិខិត​នេះ​លោក ប្រ៊ុ​យ​ណូ បូ​ដា​ត បានកត់សម្គាល់​ថា​ការ​រាតត្បាត​នៃ​ជំងឺ​ផ្លូវដង្ហើម​បង្កដោយ​មេរោគ «​កូ​រ៉ូ​ណា​»ឬ «COVID 19» មិន​ត្រឹមតែ​ជះ​ឥទ្ធិពល​ដល់​ប្រទេស​ចិន​តែមួយ​ប៉ុណ្ណោះ​ទេ​ប៉ុន្តែ​បាន​ប៉ះពាល់​ដល់​សេដ្ឋកិច្ចពិភពលោក​ទាំង​មូល​ដោយសារតែ​ការ ថយចុះ​យ៉ាងខ្លាំង​នៃ​ការធ្វើដំណើរ​ដែល​ពិត ជា​ជះឥទ្ធិពល​ជាដំបូង​ដល់​វិស័យ​ទេសចរណ៍ ។ លោក ប្រ៊ុ​យ​ណូ បូ​ដា​ត បន្តថា​ប្រការនេះ​បានធ្វើឱ្យ​រូបលោក​មាន​ក្តីកង្វល់​អំពី​ការថយចុះ​នៃ​សកម្មភាពទេសចរណ៍​នៅ​កម្ពុជា​ជាពិសេស​នៅ​តំបន់​ឆ្នេរសមុទ្រ​ដ៏​ស្រស់ស្អាត​របស់​កម្ពុ ជា​និង​ខេត្ត​ព្រះសីហនុ​ផងដែរ​។​

​លោក ប្រ៊ុ​យ​ណូ បូ​ដា​ត បានបញ្ជាក់​នៅក្នុង​លិខិត​ថា​៖ «​នេះ​ជា​មូលហេតុ​ដែល​ធ្វើ​ឲ្យ​យើងខ្ញុំ​ទាំងអស់​មាន​ក្តីរំភើប​និង​ស្ងើចសរសើរ​ចំពោះ​សកម្មភាព​ដ៏​ក្លាហាន​និង​វិជ្ជមាន​របស់​សម្តេចនាយករ​ដ្ឋ​មន្ត្រី​ក្នុងការ​អនុញ្ញាតអោយ​នាវា​ទេសចរណ៍ Westerdam ​ចូល​ចត​នៅ​ខេត្ត​ព្រះសីហនុ​បន្ទាប់ពី​បាន​ជាប់គាំង​នៅលើ​សមុទ្រ​អស់​រយៈពេល​ជា​យូរ​»​។​

​លោក ប្រ៊ុ​យ​ណូ បូ​ដា​ត បាន​បន្ថែមថា​៖«​អង្គការ​អន្តរជាតិ​ឆ្នេរសមុទ្រ​ដែល​ស្អាត​បំផុត​លើ​សាកលលោក​សូម​បង្ហាញ​នូវ​គុណូបការៈ​ចំពោះ​កាយវិការ​ដ៏​ទន់ភ្ល​ន់​នេះ​ជូន​ចំពោះ​សម្តេចនាយក​រដ្ឋមន្ត្រី​ដែល​បានធ្វើ​ឲ្យ​យើងខ្ញុំ​ទាំងអស់គ្នា​មាន​មោទនភាព​ជាខ្លាំង​»​។

​មេដឹកនាំ​ប្រទេស​និង​មេដឹកនាំ​អង្គការ​អន្តរជាតិ​ជាច្រើន​បាន​ថ្លែងអំណរគុណ​ជា​បន្តបន្ទាប់​ចំពោះ​កម្ពុជា​ដែល​អនុញ្ញាតិ​ឲ្យ​នាវា​ទេសចរណ៍​របស​សហរ​ដ្ឋ​អាមេ​រិ​ក​មួយគ្រឿង​ដែល​ផ្ទុក​មនុស្ស​ជាង​ពីរពាន់​នាក់​ចូល​ចត​នៅ​កំពង់ផែ​ខេត្ត​ព្រះសីហនុ​កាលពី​ថ្ងៃទី​១៣​កុម្ភៈ​។ការដែល​កម្ពុជា​អនុញ្ញាត​ឲ្យ​នាវា​ទេសចរណ៍​ខ្នាត​យក្ស​នេះ​ចូល​ចត​គឺ​បន្ទាប់ពី​ប្រ ទេស​ចំនួន​៤​និង​កោះ​ចំនួន​២ បាន​បដិសេធ​មិន​ឲ្យ​កប៉ាល់​ទេ​ចរណ៍​នេះ​ចូល​ចត​ដោយ​បារម្ភ​ខ្លាច​អ្នកដំណើរ​ឆ្លង​ទ្វីប​ទាំងនោះ​មាន​ឆ្លង​មេរោគ​កូ​រ៉ូ​ណា​។​

​នៅថ្ងៃនេះ​ដែរ​ប្រធានាធិបតី​អាមេរិក លោក ដូ​ណា​ល់ ត្រាំ បាន​បង្ហោះ​សារ​មួយ​តាម​បណ្តាញ​សង្គម Twitter ដោយ​សរសេរថា «​សូម​អរគុណ​ប្រទេស​កម្ពុជា​ដ៏​ស្រស់ស្អាត ដែល​ទទួល​នាវា​ទេសចរណ៍ Westerdam ឱ្យចូល​ចត​នៅ​ប្រទេស​របស់ខ្លួន​។ សហរដ្ឋអាមេរិក នឹង​ចងចាំ​អំពើ​ល្អ​មួយ​នេះ​»​។​

​បន្ថែម​ពី​លោកដូ​ណា​ល់ត្រាំអគ្គលេខាធិការ​នៃ​អង្គការ​ទេសចរណ៍​ពិភពលោក (UNWTO) លោក ហ្ស៊ូ​រ៉ាប់ ប៉ូ​ឡូ​លីកា​ស់​វី​លី (Zurab Pololikashvili) បាន​ផ្ញើលិខិត​មួយ​ជូន​លោក​យក​រដ្ឋមន្ត្រី ហ៊ុន សែន នៅ​ថ្ងៃទី​១៤​កុម្ភៈ ពី​ទីក្រុង​ម៉ា​ឌ្រី​ត ប្រទេស​អេ​ស្ប៉ា​ញ ។​លោក ហ្ស៊ូ​រ៉ាប់ ប៉ូ​ឡូ​លីកា​ស់​វី​លី បានចាត់ទុក​ការអនុញ្ញាត​របស់​កម្ពុ​ជា​ថា​មាន​សេចក្តីក្លាហាន​និង​ការបង្ហាញ​នូវ​ក្តី​ស្រលាញ់​ចំពោះ​អ្នកដំណើរ​ជាង​ពីរពាន់​នាក់​ដែល​នៅ​តែលតោល​លើ​សមុទ្រ ។​បើ​ទោះបី​ស្ថិតក្នុង​ស្ថានភាព​នៃ​ការភ័យខ្លាច​នៃ​វីរុស​កូ​រ៉ូ​ណាក៏ដោយ​តែ​កម្ពុជា​បានបង្ហាញ​នូវ​សាមគ្គីភាព​អន្តរជាតិ​ដែល​នឹង​លើកទឹកចិត្ត​ដល់​ប្រទេស​ផ្សេងៗ​ទៀត​ឲ្យ​ធ្វើតាម និង​ផ្តល់នូវ​ការជួយ​គាំទ្រ​ដ៏​ចាំបាច់​ជាច្រើន​នៅពេលណា​ដែលមាន​តម្រូវការ ។នេះ​ជាការ​កត់សំគាល់​របស់​អង្គការ​ទេសចរណ៍​ពិភពលោក​ខណៈ​អង្គការ​សុខភាព​ពិភពលោក​ក៏បាន​កោតសរសើរ​កម្ពុ​ជាមុន​នោះ​បន្តិច​។​

​លោក​ប្រធាន​អង្គការ WHO ជាថ្មី​ម្តងទៀត​បាន​សរសេរ​នៅលើ​បណ្តាញ Twitter របស់លោក​នៅថ្ងៃនេះ​ផងដែរ​ថា​៖« នេះ​ជា​កាយវិការ​ដ៏​សប្បុរស​របស់ សម្តេចនាយក​រដ្ឋមន្ត្រី​នៃ​ប្រទេស​កម្ពុជា​ដែល​បាន​ទៅដល់​កំពង់ផែ​ខេត្ត​ព្រះសីហនុ​ដើម្បី​ទទួល​ស្វាគមន៍​អ្នកដំណើរ​លើ​នាវា​ទេសចរណ៍ Westerdam​អម ដោយ​ផ្កាកូលាប​ដែលជា​ការបញ្ជាក់​អំពី​ថ្ងៃ​បុណ្យ​នៃ​ក្តី​ស្រឡាញ់​(Valentines Day) ។ ខ្ញុំ​សូម​សម្តែង​ការដឹងគុណ​ចំពោះ​ការបង្ហាញ​ចេញ​នូវ​សាមគ្គីភាព និង​មនុស្សធម៌​»​។​

​លើសពីនេះ​ទៀត​ប្រតិភូ​សហភាព​អឺរ៉ុប​ប្រចាំ​នៅ​កម្ពុជា​តាមរយៈ​ទំព័រ​ហ្វេ​ស​ប៊ុ​ក​របស់ខ្លួន​ក៏បាន​ថ្លែងអំណរគុណ​ដល់​អាជ្ញាធរ​កម្ពុជា​ផងដែរ​ដែល​បានផ្តល់​សិទ្ធិ​ឱ្យ​នាវា Westerdamចូល​ចត​និង​ដោយ​សង្ឃឹមថា​អ្នកដំណើរ​ទាំងនោះ​នឹងធ្វើ​មាតុភូមិនិវត្តន៍​ប្រកបដោយ​សុវត្ថិភាព​។ បើតាម​សហភាព​អឺរ៉ុប​នៅលើនាវា​នេះ​ពលរដ្ឋ​អឺរ៉ុប​ចំនួន ២៦០ នាក់​មកពី​ប្រទេស​នៅ​អឺរ៉ុប​ចំនួន ២០ផ្សេងគ្នា​។​ដោយឡែក​ក្រៅពី​តំណាង​សហភាព​អឺរ៉ុប​ក៏មាន​ស្ថានទូត​បរទេស​នានាដែល​រួ​មាន​ទាំង​សហរដ្ឋអាមេរិកបារាំងជាដើម​សុទ្ធតែ​ក៏ បាន​អរគុណ​ដល់​កម្ពុជា​សម្រាប់​ការអនុញ្ញាត​ឲ្យ​នាវា Westerdam ចូល​ចត​។

​សម្រាប់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​កម្ពុជា​បានបញ្ជាក់​យ៉ាងច្បាស់​ថា​ពេលនេះ​មិនមែនជា​ពេល​ត្រូវ​ភ័យខ្លាច​និង​ធ្វើការ​រើសអើង​ទេ​តែ​ជា​ពេល​ត្រូវ​រួបរួមគ្នា​ដើម្បី​ដោះស្រាយ​បញ្ហា​ប្រឈម​នានា​។​

​កប៉ាល់​ទេសចរណ៍ Westerdam ដែល​ដឹក​មនុស្ស​ជាង ២២០០​នាក់ ក្នុងនោះ​បុគ្គលិក​កប៉ាល់​ចំនួន ៨០២​នាក់ បាន​ចាក​ចេញពី​ទីក្រុង​ហុងកុង ប្រទេស​ចិន កាលពី​ថ្ងៃទី​០១ ខែកុម្ភៈ ឆ្នាំ​២០២០ បំណង​ចូល​ចត​នៅ​កោះ​តៃវ៉ាន់ ហ្វីលីពីន ជប៉ុន កូរ៉េខាងត្បូង កោះ​ហ្គាំ​(​អាមេរិក​) និង​ប្រទេស​ថៃ​។ ប៉ុន្តែ​អាជ្ញាធរ​ប្រទេស​ទាំងអស់នោះ​បដិសេធ​មិន​ឲ្យ​ចូល​ចត​ឡើយ​ដោយ​បារម្ភ​ថា​ក្នុងចំណោម​មនុស្ស​ទាំងនោះ​មាន​ផ្ទុក​វីរុស​កូ​រ៉ូ​ណា​ដែល​ត្រូវបាន​កំណត់​ឈ្មោះ​ជា​ផ្លូវការ​ថា​Covid-19 ។តែ​សម្រាប់​កម្ពុជា​ប្រមុខ​រាជរដ្ឋាភិបាល​បាន​បញ្ចាក់​ថា​ទោះបី​ដឹងថា​នៅលើ​នាវា​មាន​អ្នកជំងឺ​ក៏​យើង​អនុញ្ញាត​ឲ្យ​វា​នា​ចូល​ចត​ដែរ​ដើម្បី​ជួយ សង្គ្រោះ​អ្នក​ទាំងនោះ​យើង​មិនអាច​ឲ្យ​ពួកគេ​ត្រូវស្លាប់​ហើយ​បោះចោល​ទៅក្នុង​ទឹកសមុទ្រ​នោះទេ ៕

ទីតាំងផ្សាយពាណិជ្ជកម្ម

- Advertisment -

Most Popular

ករណីពុល​ស្រាស​៖ ​អ្នកស្លា...

​ដោយ​: ទេ​ពក​ង្រី / ខេត្ត...

លោកទេសាភិបាលធនាគារជាតិធ្វ...

ដោយ:បញ្ញាសាស្រ្ត/ភ្នំពេ...

អភិបាលខេត្ត​បាត់ដំបង​ទស្ស...

​ដោយ​: គ្រញូង / សៀមរាប​: ...

លោក​តំណាងរាស្ត្រ សៀង ណាំ ...

ដោយ​: បាយ័ន / សៀមរាប​: នា...