Home ព័ត៌មានជាតិ សន្តិសុខ របួសធ្ងន់​ម្ន...

របួសធ្ងន់​ម្នាក់​ដោយ​ជិះ​ម៉ូតូ​ពេលយប់​ទៅបុក​រថយន្ត​ធំ​ឈប់​ចត​ស្ងៀម​គ្មាន​ដាក់​ភ្លើង​សញ្ញា​

ដោយ​: គ្រញូង / បាត់ដំបង​: បុរស ម្នាក់ រងរបួស ធ្ងន់​បែក​មុខមាត់​ដោយសារតែ​ជិះ​ម៉ូតូ​ពេលយប់​ទៅបុក​គូទ​រថយន្ត ធុន​ធំ​មួយគ្រឿង មក​ឈប់​ចត​នៅលើ​ទ្រូងផ្លូវ ដោយ​គ្មាន​ដាក់​ភ្លើង​សញ្ញា​អ្វី​ជា​សម្គាល់​ឡើយ​។ ហេតុការណ៍​នេះ បាន​កើតឡើង​កាលពី​យប់​ថ្ងៃទី​១៤ ខែកុម្ភៈ ឆ្នាំ​២០២០ នៅលើ​កំណាត់​ផ្លូវជាតិ​លេខ​៥ ចន្លោះ​បង្គោលគីឡូម៉ែត្រ​លេខ​២២៥-២២៦ ស្ថិតក្នុង​ភូមិ​ថ្នល់​បត់ ឃុំ​ឫស្សី​ក្រាំង ស្រុក​មោងឫស្សី ខេត្តបាត់ដំបង​។

​លោក ឆៃ ច័ន្ទដារ៉ា នាយការិយាល័យ​ចរាចរណ៍​ផ្លូវគោក​ខេត្ត​បានឱ្យដឹងថា ជនរងគ្រោះ​ឈ្មោះ​ខា ស៊ីណា​ភេទ ប្រុស​អាយុ ៣៤ ឆ្នាំ រស់នៅ​ភូមិ​និគម​ន៍​លើ ឃុំ​ស្វាយដូនកែវ ស្រុក​បាកាន ខេត្តពោធិ៍សាត់​។​

​សាក្សី​បាន​ប្រាប់​សមត្ថកិច្ច​ដែល​ចុះ​វាស់វែង​ថា នៅ​មុនពេល​កើតហេតុ គឺមាន​ម៉ូតូ​មួយគ្រឿង ម៉ាក​ហុងដា​ឌ្រី​ម សេ​១២៥ ពណ៌​ខ្មៅ ពាក់​ផ្លាកលេខ ប​.​មានជ័យ 1J-1759 បើកបរ ដោយ​បុរស​ម្នាក់​យ៉ាង​លឿន​។ ពេលមកដល់​ចំណុចកើតហេតុ​ម៉ូតូ​នោះ បាន​បុក​គូទ​រថយន្ត​ធុន​ធំ​មួយគ្រឿង ម៉ាក FUSO ពាក់​ផ្លាកលេខ ភ្នំពេញ 3A 2750 ដែល​ចត​នៅលើ​ទ្រូងផ្លូវ ដោយ​គ្មាន​ដាក់​ផ្លាកសញ្ញា​អ្វី​ជា​សម្គាល់​ធ្វើ​ឲ្យ អ្នកបើកបរ​ម៉ូតូ​រងរបួស​បែក​មុខ​មាត់​ហូរឈាម​កក្លាក់​របួស​យ៉ាងធ្ងន់ធ្ងរ​។ ចំណែក​អ្នកបើកបរ រថយន្ត មិន​ស្គាល់​អត្តសញ្ញាណ​ដោយ​ទុក​រថយន្ត​ចោល ហើយ​រត់​គេចខ្លួនបាត់​ស្រមោល​។​

​ជនរងគ្រោះ ត្រូវបាន​បញ្ជូនទៅ​សង្គ្រោះ នៅឯ​មន្ទីរពេទ្យ​។ ដោយឡែក​ម៉ូតូ និង​រថយន្ត ត្រូវបាន​សមត្ថកិច្ច​ជំនាញ​យកទៅ រក្សាទុក នៅ អធិការ នគរបាល ស្រុក រង់ចាំ​ដោះស្រាយ​នៅពេល​ក្រោយ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ដែល​បាន​រួមភ...

​ដោយៈ​ស​រិ​ទ្ធ​/​ភ្នំពេញៈ...

​ព្រឹកស្អែក​សម្តេច​តេ​ជោ ...

ដោយ​៖​តារា​រិ​ទ្ធ​/​ភ្នំព...

​ស្ត្រី​កម្ពុជា ក្នុង​វិស...

​ដោយៈ ពៅ​និមល / ភ្នំពេញៈ ...

ប្រើ​អំពើហិង្សា​លើ​អតីត​ប...

ដោយ​: ស​រិ​ទ្ធ / កណ្តាល​:...