ស្រោមអនាម័យ​មាន​ប្រសិទ្ធភាព​ខ្ពស់​រហូតដល់​ទៅ​៩៨​ភាគរយ​ក្នុងការ​ការពារ​ឆ្លង​មេរោគ​អេដស៍​និង​ជំងឺ​កាមរោគ​

609
ចែករម្លែក

ដោយៈ​សុផល​/​ភ្នំពេញ​៖​មន្ត្រីជាន់ខ្ពស់​នៃ​អាជ្ញាធរ​ជាតិ​ប្រយុទ្ធ​នឹង​ជំងឺអេដស៍​បាន​អះអាងថា​”​ការប្រើប្រាស់​ស្រា​ម​អនាម័យ​ទៀងទាត់​និង​ត្រឹមត្រូវ​មិន​ត្រឹមតែ​អាច​ការពារ​ការឆ្លង​ជំងឺ​កាមរោគ​និង​មេរោគ​អេដស៍​យ៉ាង​មាន​ប្រសិទ្ធភាព​ប៉ុណ្ណោះ​ទេ​គឺ​ថែមទាំង​អាច​ការពារ​មិន​ឱ្យមាន​ផ្ទៃពោះ​មិន​តាម​បំណងប្រាថ្នា​ផងដែរ​”​។​
​ថ្លែង​នៅក្នុង​ទិវា​ស្រោមអនាម័យ​អន្តរជាតិ​ឆ្នាំ​២០២០​កាលពី​ល្ងាច​ថ្ងៃទី​១៥​ខែ​កម្ភៈ​ឆ្នាំ​២០២០​នៅ​សួនច្បារ​ទីក្រុង​តាខ្មៅ​ខេត្តកណ្តាល​លោក​ឈឹម​ឃិន​ដា​រ៉េត​អគ្គលេខាធិការ​នៃ​អាជ្ញាធរ​ជាតិ​ប្រយុទ្ធ​នឹង​ជំងឺអេដស៍​បាន​មានប្រសាសន៍ថា​”​ស្រោមអនាម័យ​ត្រូវបាន​ប្រើប្រាស់​យ៉ាង​មាន​ប្រសិទ្ធភាព​ខ្ពស់​រហូតដល់​ទៅ​៩៨​ភាគរយ​ក្នុងការ​ការពារ​ឆ្លង​មេរោគ​អេដស៍​និង​ជំងឺ​កាមរោគ​ផ្សេងៗ​”​។​

លោក​ឈឹម​ឃិន​ដា​រ៉េត​បានឱ្យដឹង​ទៀតថា​តាម​ការប៉ាន់ស្មាន​ក្នុង​រយៈពេល​ពីរ​ទសវត្ស​រ៍​កន្លងមកនេះ​ប្រទេស​កម្ពុជា​បាន​បញ្ជៀ​ស​ការឆ្លង​មេរោគ​អេដស៍​ដល់​មនុស្ស​ចំនួន​៩​សែន​នាក់​និង​ការពារ​មនុស្ស​ប្រមាណ​៦​សែន​នាក់​ពី​ការស្លាប់​ដោយសារ​ជំងឺអេដស៍​។​លោក​ឈឹម​ឃិន​ដា​រ៉េត​បាន​បញ្ជាក់ថា​យោងតាម​ការស្រាវជ្រាវ​តាមបែប​វិទ្យាសាស្ត្រ​បាន​បង្ហាញថា​ឆ្នាំ​២០១៨​នៅ​កម្ពុ​ជាមាន​អ្នក​ផ្ទុកមេរោគ​អេដស៍​ប្រមាណ​៧​ម៉ឺន​៣​ពាន់​នាក់​ក្នុងនោះ​មាន​អ្នកទទួលបាន​ការព្យាបាល​ដោយ​ឱសថ​ប្រឆាំង​មេរោគ​អេដស៍​ប្រមាណ​៦​ម៉ឺន​នាក់​។​

​លោក​វេជ្ជបណ្ឌិត ឈឹម​សារ៉ាត់ នាយក អង្គការ​មូលនិធិ​ថែទាំ​សុខភាព​អ្នកជំងឺ​អេដស៍​ប្រចាំ​តំបន់​អាស៊ី​( AHF)​បាន​មានប្រសាសន៍ថា​«​សម្រាប់​ទិវា​ស្រោមអនាម័យ​អន្តរជាតិ​AHF​ចង់ឱ្យ​ប្រជាជន​ទូទៅ​បាន​យល់ថា​ស្រោមអនាម័យ​ជា​ជម្រើស​ល្អ​បំផុត​សម្រាប់​ជីវិត​រស់នៅ​។​ស្រោមអនាម័យ​តែងតែ​ទាន់សម័យ​គ្រប់ពេលវេលា​និង​កាលៈទេសៈ​ជួយ​ចៀស​ផុតពី​ហានិភ័យ​និង​ប៉ះពាល់​ដល់​សុខភាព​និង​ជីវិត​រស់នៅ​។ការចំណាយ​លើ​ស្រោមអនាម័យ​បានទទួល​បាន​នូវ​ការជួយ​សង្គ្រោះ​ជីវិត​មនុស្ស​ជាច្រើន​ជុំវិញ​ពិភពលោក​ហើយ​យើង​កំពុងធ្វើការ​គ្រប់យ៉ាង​ដើម្បី​ធានាថា​ស្រោមអនាម័យ​មាន​គ្រប់គ្រាន់​និង​ងាយស្រួល​ទទួលបាន​តាម​តម្រូវការ​របស់​មនុស្ស​ទាំង​សាកល​»​។

​លោកស្រី​តេ​រី​ហ្វ​ត​(TerriFord)​នាយក​ផ្នែក​គោលនយោបាយ​នឹង​តស៊ូ​សាកល​សាកល​អង្គការ​AHF​បាន​មានប្រសាសន៍ថា​«​ការផ្ដល់ជូន​ស្រោមអនាម័យ​ដែល​ឥតគិតថ្លៃ​សម្រាប់​ប្រជាជន​ដែល​កំពុង​ត្រូវការ​ចាំបាច់​គឺជា​កាតព្វកិច្ច​ដ៏​ចម្បង​របស​AHF​។​ប៉ុន្តែ​យើង​កំពុង​បង្កើន​ការតស៊ូ​មតិ​ឱ្យ​កាន់តែច្រើន​នៅ​ជុំវិញ​ពិភពលោក​សម្រាប់​ឆ្នាំ​២០២០​នេះ​។​ក្នុងការ​កាត់បន្ថយ​នូវ​ឧបសគ្គ​ផ្សេង​នេះ​ក៏​ដោយសារតែ​ស្រោមអនាម័យ​នៅតែ​ជា​ជម្រើស​ដ៏​មាន​ប្រសិទ្ធភាព​សម្រាប់​ការការពារ​ការឆ្លង​មេរោគ​អេដស៍​ជំងឺ​កាមរោគ​និង​ការ​មាន​ផ្ទៃពោះ​ដែលមាន​ដែល​មិនបាន​ព្រាងទុក​»​។​

​លោកស្រី​បាន​បន្ថែមថា​”​ព្រឹត្តិការណ៍​ដែល​រៀបចំឡើង​ដោយ​ក្រុមការងារ​របស់​យើង​តាម​ប្រទេស​នីមួយៗ​ដឹកនាំ​សមាជិក​នៅតាម​បណ្ដាល​សហគមន៍​ផ្សេងៗ​មក​ជុំគ្នា​ដើម្បី​បាន​រៀនសូត្រ​និង​ស្វែងយល់​ពី​វិធី​ការពារ​ខ្លួន​និង​ដៃគូ​របស់​ពួកគេ​ក៏ដូចជា​ការ​បំផុសគំនិត​បង្កើន​ការយកចិត្តទុកដាក់​ពី​ការការពារ​មេរោគ​អេដស៍​ឲ្យ​កាន់តែខ្លាំង​ក្លា​ឡើង​”​។​

“​យើង​លើកទឹកចិត្ត​គ្រប់គ្នា​នៅ​ទូទាំង​៤៣​ប្រទេស​ដែល​អង្គការ​AHF​កំពុង​ប្រតិបត្តិការ​ឲ្យ​ចូលរួម​សកម្មភាព​ក្នុង​ព្រឹត្តិការណ៍​ទិវា​ស្រោមអនាម័យ​អន្តរជាតិ​តែងតែ​ទាន់សម័យ​ដែល​រៀបចំឡើង​នៅតាម​តំបន់​ដែល​ពួកគេ​រស់នៅ​។​យើង​ត្រូវការ​ការគាំទ្រ​របស់​អ្នក​ទាំងអស់គ្នា​ដើម្បី​បង្ហាញ​ឲ្យ​ពិភពលោក​បានដឹង​ពី​តម្រូវការ​ចាំបាច់​និង​លទ្ធភាព​ទទួលបាន​ស្រោមអនាម័យ​ឲ្យ​កាន់តែ​ប្រសើរ​”​។​

​ចំណែក​លោក​ម៉ៃ​ឃើ​វ៉េ​ន​ស្តេ​ន​(Michaelweinstein)​ប្រមុខ​ដឹកនាំ​អង្គការ​AHF​ទូទាំង​សាកល​បាន​មានប្រសាសន៍ថា​«​ទិវា​ស្រោមអនាម័យ​អន្តរជាតិ​ក៏​ជា​ឱកាស​ដ៏​ល្អ​បំផុត​មួយ​ក្នុងការ​រំលឹក​ដល់​មនុស្ស​គ្រប់​ទីកន្លែង​ថា​មេរោគ​អេដស៍​និង​ជំងឺ​កាមរោគ​នៅតែ​ជា​បញ្ហា​គំរាមកំហែង​ដ៏​ចម្បង​នៅក្នុង​ផ្នែក​សុខភាព​សកល​។​ប៉ុន្តែ​ការគំរាមកំហែង​នេះ​អាច​ទប់ស្កាត់បាន​ដោយ​ការប្រើប្រាស់​ស្រោមអនាម័យ​បាន​ទៀងទាត់​និង​ត្រឹមត្រូវ​»​។​

លោក​បាន​បន្ថែមថា​«​មាន​អ្នកជំងឺ​ថ្មី​ឆ្លង​ថ្មី​ប្រមាណ​១​លាន​៧​សែន​នាក់​ជា​រៀងរាល់ឆ្នាំ​និង​អ្នក​ឆ្លង​ជំងឺ​កាមរោគ​ថ្មី​ជាង ១​លាន​ករណី​ជា​រៀងរាល់ថ្ងៃ​បើ​យោងតាម​របាយការណ៍រ​បស់​អង្គការ UNaids​និង​Who​។ យើង​មិនអាច​ទទួល​បានទេ​នៅពេលដែល​ស្ថានភាព​ទាំងអស់​អាច​បង្កា​ការឆ្លង​បាន​១០០​ភាគរយ រដ្ឋាភិបាល​និង​អង្គការ​សុខភាព​ជា​សក​ល​ត្រូវតែ​ប្រឹងប្រែង​បន្ថែមទៀត​ដើម្បី​ធានាបាន​ថា​ប្រជាជន​កាន់​តែមាន​ភាពងាយស្រួល​ក្នុងការ​ទទួលបាន​ស្រោមអនាម័យ​ដោយ​គិតថ្លៃ​ឬក៏​តម្លៃ​មួយ​ដែល​សមរម្យ​»​។​

​នៅក្នុង​ទិវា ស្រោមអនាម័យ​អន្តរជាតិ​នេះ​ក៏មាន​ការធ្វើ​តេស្ត​ឈាម​រក​មេរោគ​អេដស៍​ឥតគិតថ្លៃ ការចែក​ស្រោមអនាម័យ​ដល់​អ្នកចូលរួម​ក៏ដូចជា​សាធារណៈជន​ព្រមទាំង​មាន​រៀបចំ​ការប្រគំ​តន្ត្រី​ដោយមាន​ការចូលរួម​សម្តែង​ដោយ​កំពូល​តារា ចម្រៀង​កញ្ញា​ទេព​បូ​ព្រឹក្ស​និង​តារា​ជាច្រើនរូប​ទៀតផង​ដែរ​។​

​គួរ​បញ្ជាក់ថា​អង្គការ​មូលនិធិ​ថែទាំ​សុខភាព​អ្នកជំងឺ​អេដស៍​(AHF)​គឺជា​អង្គការ​ប្រយុទ្ធ​នឹង​ជំងឺអេដស៍​ធំជាងគេ​បំផុត​នៅ​លី​ពិភពលោក​ដោយ​ច្ចុ​ប្បន្ន​អង្គការ​កំពុងផ្តល់​សេវា​ថែទាំ​បែប​វេជ្ជសាស្ត្រ​និង​ផ្តល់​សេវាកម្ម​ដល់​មនុស្ស​ជាង​១ លាន ៣​សែន​នាក់​នៅក្នុង​៤៣​ប្រទេស​ទូទាំង​សាកលលោក​ដូចជា​សហរដ្ឋអាមេរិក អាហ្វ្រិក អាមេរិក​ឡាទីន កា​រ៉​បៀ​ន ទ្វីបអាស៊ី​អាគ្នេយ៍​និង​អឺរ៉ុប​ខាងកើត​៕S/​