Home ព័ត៌មានជាតិ សន្តិសុខ ​យុវជន​ម្នាក់...

​យុវជន​ម្នាក់ជិះម៉ូតូ​​រអិលដួល​ខ្ទាតចូល​កង់​ក្រោយ​រថយន្ត​កុងតឺន័រ​កិន​​ស្លាប់​ នៅ​ខណ្ឌ​ពោធិ៍​សែន​ជ័យ​

ដោយ​: ចាន់តូ / ភ្នំពេញ​: យុវជន​ម្នាក់​ជា​និស្សិត​បាន​ស្លាប់ បន្ទាប់ពី​ជិះ​ម៉ូតូ​បាន​រអិលដួល​ខ្ទាតចូល​កង់​ក្រោយ​រថយន្ត​កិន​ខ្ទេច កាលពី​វេលា​ម៉ោង​៧​និង​៣០​នាទី យប់​ថ្ងៃអាទិត្យ ទី​១៦ ខែ​កម្ភៈ ឆ្នាំ​២០២០​ ត្រង់ចំណុច​ជិត​ស្តុ​បទួល​ពង្រ ស្ថិត​តាម​បណ្ដោយ​ផ្លូវ​បេតុង​ទួល​ពង្រ កែង​និង​ផ្លូវ​វេ​ង​ស្រេង ​សង្កាត់ចោមចៅ​ទី​១ ខណ្ឌ​ពោធិ៍​សែន​ជ័យ​។​

​សព​ជនរងគ្រោះ​មានឈ្មោះ ឈន ឌី​ណា ភេទ​ប្រុស អាយុ​២៤​ឆ្នាំ មុខរបរ​និស្សិត សំណង់​ស៊ីវិល ឆ្នាំ​ទី​៤ ស្នាក់នៅ​បន្ទប់​ជួលសង្កាត់​ទឹកថ្លា ខណ្ឌ​សែន​សុខ មានស្រុកនៅ ភូមិ​ធ្លក​យុល ឃុំ​ពន្លៃ ស្រុក​អង្គរបុរី ខេត្តតាកែវ ជិះ​ម៉ូតូ​ម៉ាក​ឌ្រី​ម​សង់ ពណ៌​ខ្មៅ ស៊េរី​ឆ្នាំ​២០១៣ ពាក់​ផ្លាកលេខ ភ្នំពេញ 1CF 4750 ជិះ​តែម្នាក់ឯង​បាន​ស្លាប់​។ ចំណែក​រថយន្ត​កុងតឺន័រ ពណ៌​ស ពាក់​ផ្លាកលេខ​ភ្នំពេញ 3A 3581 អ្នកបើក​រត់​បាត់ស្រមោល​។​

​ប្រភព​បាន​ឲ្យ​ដឹងថា មុនពេល​កើតហេតុ​គេ​ឃើញ​យុវជន​ម្នាក់​ជិះ​ម៉ូតូ​ធ្វើដំណើរ​តាម​បណ្ដោយ​ផ្លូវ​បេ​តុ​ទួល​ពង្រ ទិសដៅ​ពី​ត្បូង ទៅ​ជើង ខណៈ​មកដល់​ចំណុចកើតហេតុ​ខាងលើ បាន​រអិលដួល ខណៈ​ផ្លូវ​កំពុង​ជួសជុល ខ្ទាតចូល​ក្រោម​កង់​រថយន្ត​បើកស្របគ្នា​កិន​ចំក្បាល​ស្លាប់​មួយ​រំពេច រួចហើយ​រថយន្ត​បង្កព្យាយាម​បើក​រត់​រហូតដល់​ស្ត​ុប​ទួល​ពង្រ ទើប​អ្នកបើកបរ​ទុក​រថយន្ត​ចោល​រត់គេចខ្លួន​បាត់ស្រមោល​។​

​ក្រោយ​កើតហេតុ សមត្ថកិច្ច​មូលដ្ឋាន​ទាក់ទង​ជំនាញ​វាស់វែង យក​រថយន្ត​បង្ក​និង​ម៉ុ​តូ​រងគ្រោះ​យកទៅ​រក្សាទុក​ការិយាល័យ​ចរាចរផ្លូវគោក រង់ចាំ​ម្ចាស់​ក្រុមហ៊ុន​ចូលខ្លួន​មក​ដោះស្រាយ​នៅពេល​ក្រោយ​។​ ​ចំណែក​សព​ជនរងគ្រោះ ក្រោយពី​ធ្វើ​កំណត់ហេតុ រួច​សមត្ថកិច្ច​ប្រគល់​ឲ្យ​សាច់ញាតិ​ដឹក​ទៅ​ស្រុកកំណើត​ធ្វើបុណ្យ​តាម​ប្រពៃណី​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...