ដោយ៖តារារិទ្ធ(ភ្នំពេញ)៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជាក៏បានបញ្ជាអោយក្រសួងមហាផ្ទៃធ្វើការត្រួតពិនិត្យនិងចាត់ វិធានការរាល់វីដេអូអាសអាភាសរបស់ស្ត្រីខ្មែរមួយចំនួនដែលបានថតនិងបែកធ្លាយដោយខ្លួនឯងដែលមានតាមវេបសាយមួយចំនួន។ ជាមួយគ្នានោះសម្តេចតេជោនាយករដ្ឋមន្ត្រីក៏បានព្រមានចាត់វិធានការអ្នកដែលផ្សព្វផ្សាយលក់ផលិតផលតាមអនឡាញមួយចំនួនដែលមានការស្លៀកពាក់ស៊ិចស៊ីជ្រុលនិយម ហើយធ្វើការផ្សព្វផ្សាយ(Live)លក់ផលិតផលរបស់ខ្លួនលើបណ្តាញសង្គមផ្សេងៗដែលនេះក៏ជាការប៉ះពាល់ដល់តម្លៃសីលធម៌និងកិត្តិយសស្ត្រីខ្មែរផងដែរ។ នេះបើយោងតាមផេកហ្វេសបុកផ្លូវការរបស់សម្តេចនៅថ្ងៃទី ១៧ ខែ កុម្ភៈ ២០២០នេះ ។
សម្តេចតេជោ ហ៊ុន សែន នាយករដ្ឋមន្ត្រីកម្ពុជានិងជាអនុប្រធានកិត្តិយស«ក្រុមប្រឹក្សាជាតិកម្ពុជាដើម្បីស្ត្រី»បានបញ្ជាឲ្យក្រសួងមហាផ្ទៃចាត់វិធានការបែប នេះនៅក្នុងអញ្ជើញជាអធិបតីដ៏ខ្ពង់ខ្ពស់ក្នុងកិច្ចប្រជុំបូកសរុបលទ្ធផលការងារឆ្នាំ ២០១៩ និងលើកទិសដៅការងារសម្រាប់ឆ្នាំ២០២០របស់« ក្រុមប្រឹក្សា ជាតិកម្ពុជាដើម្បីស្ត្រី» ដែលធ្វើឡើងនៅវិមានសន្តិភាពនាបញរឹកថ្ងៃទី ១៧ ខែ កុម្ភៈនេះ។
ហ្វេសបុកផ្លូវការរបស់សម្តេចតេជោនាយករដ្ឋមន្ត្រីបានសរសេរថា៖«សម្តេចតេជោនាយករដ្ឋមន្ត្រីបានបញ្ជាអោយក្រសួងមហាផ្ទៃធ្វើការងារក្នុងបទល្មើស បច្ចេកវិទ្យាដើម្បីពិនិត្យមើលនិងចាត់វិធានការរល់វីដេអូអាសអាភាសរបស់ស្ត្រីខ្មែរមួយចំនួនដែលបានថតនិងបែកធ្លាយដោយខ្លួនឯងដែលមានតាមវេប សាយមួយចំនួនព្រោះនេះពិតជាមានការប៉ះពាល់យ៉ាងខ្លាំងដល់កិត្តយសនិងសីលធម៌របស់ស្ត្រីខ្មែរហើយណាមួយកម្ពុជាក៏គ្មានច្បាប់អោយធ្វើបែបនោះ ឡើយ ។ ជាមួយគ្នានោះសម្តេចតេជោនាយករដ្ឋមន្ត្រី ក៏បានបានព្រមានចាត់វិធានការអ្នកដែលផ្សព្វផ្សាយលក់ផលិតផលតាមអនឡាញមួយចំនួនដែល មានការស្លៀកពាក់ស៊ិចស៊ីជ្រុលនិយមហើយធ្វើការផ្សព្វផ្សាយ(Live)លក់ផលិតផលរបស់ខ្លួនលើបណ្តាញសង្គមផ្សេងៗដែលនេះក៏ជាការប៉ះពាល់ដល់តម្លៃ សីលធម៌និងកិត្តិយសស្ត្រីខ្មែរយើងផងដែរ» ៕
