ដើម្បី​សប្បាយ និង​លុយ តែ​ក៏​គួរ​គិតពី​លទ្ធផល​ខ្លះ​ផង​!

379
ចែករម្លែក

ក្នុង​កិច្ចប្រជុំ​បូកសរុប​ការងារ​របស់ «​ក្រុមប្រឹក្សា​ជាតិ​កម្ពុជា​ដើម្បី​ស្ត្រី​» កាលពី​ព្រឹក ថ្ងៃទី​១៧ ខែកុម្ភៈ ឆ្នាំ​២០២០ សម្តេច​តេ​ជោ​នាយករដ្ឋមន្ត្រី ហ៊ុន សែន​បាន​បញ្ជា​ឲ្យ​ក្រសួង​ស្ថាប័ន ពាក់ព័ន្ធ ចាត់វិធានការ​លើ​វីដេ​អូ​អាសអាភាស​របស់​ស្ត្រី​ខ្មែរ​មួយចំនួន ដែលបាន​ថត និង​បែកធ្លាយ​តាម​វេ​ប​សាយ ព្រមទាំង​ចាត់វិធានការ​លើ​អ្នកឡាយ​(Live) លក់​ផលិតផលតាម​អន​ឡាញ ដែល​ស្លៀកពាក់​ស៊ិ​ច​ស៊ី ជ្រុលនិយម​។

​ក្នុង​កិច្ចប្រជុំ​ប្រចាំ​ឆ្នាំនេះ សម្តេច​តេ​ជោ ហ៊ុន សែន បាន​បញ្ជា​ឲ្យ​ក្រសួងមហាផ្ទៃ​ធ្វើ​ការងារ ក្នុង​បទល្មើស​បច្ចេកវិទ្យា ដើម្បី​ពិនិត្យមើល​និង​ចាត់វិធានការ​លើ​វីដេអូ​អាសអាភាស​របស់​ស្ត្រីខ្មែរ​មួយចំនួន ដែល​បាន​ថត និង​បែកធ្លាយ​ដោយ​ខ្លួនឯង ដែលមាន​តាម​វេ​ប​សាយ​មួយចំនួន ព្រោះនេះ​ពិតជា​មានការ​ប៉ះពាល់​យ៉ាងខ្លាំង​ដល់​កិត្តិយស និង​សីលធម៌​របស់​ស្ត្រី​ខ្មែរ ហើយ​ណាមួយកម្ពុជា ក៏​គ្មាន​ច្បាប់​ឲ្យ​ធ្វើ​បែប​នោះឡើយ​។

​ជាមួយគ្នា​នោះ សម្តេច​តេ​ជោ​នាយករដ្ឋមន្ត្រី ក៏បាន​បាន​ព្រមាន​ចាត់វិធានការ​លើ​អ្នក​ដែល ផ្សព្វផ្សាយ​លក់​ផលិតផល​តាម​អន​ឡាញ​មួយចំនួន ដែល​មានការ​ស្លៀកពាក់​ស៊ិ​ច​ស៊ី ជ្រុលនិយម ហើយ​ធ្វើការ​ផ្សព្វផ្សាយ​ឡាយ​លក់​ផលិតផល​របស់ខ្លួន លើ​បណ្តាញ​សង្គម​ផ្សេងៗ ដែល​នេះក៏​ជាការ​ប៉ះពាល់​ដល់​តម្លៃ សីលធម៌ និង​កិត្តិយស​ស្ត្រី​ខ្មែរ​យើង​ផងដែរ​។​

​នៅពេល​សម័យ​បច្ចេកវិទ្យា​ទំនើប​នា​ប៉ុន្មាន​ឆ្នាំ​ចុងក្រោយ​នេះ នៅ​កម្ពុជា​យើង​ក្រៅពី​ប្រើប្រាស់ទូរស័ព្ទអាច​និយាយ​ឆ្លងឆ្លើយ​គ្នា ក៏មាន​ប្រព័ន្ធ​អ៊ីនធឺណិត​ដែល​អាច​ឆែក​ស្វែងរក​អ្វី​ក៏បានតាមចិត្ត​។ ក្រោយមក អ្នកមាន​កុំ​ព្យួ​ទ័​រ អាច​ប្រើប្រាស់​អ៊ី​ម៉ែ​ល ទាក់ទង​គ្នា ជំនួស​សារ​ជា​សំបុត្រ និង​សំឡេង​តាម​ទូរស័ព្ទ​។​

​ចុងក្រោយ​នេះ ប្រព័ន្ធ​ទំនាក់ទំនង​សង្គម​កើតឡើង ពិសេស​ហ្វេ​ស​ប៊ុ​ក​ក៏​អាចទាក់ទង​រហូតដល់ខ​ល​វិ​ដេ​អូ ឃើញ​គ្នា​ទៅវិញទៅមក​។ ដោយសារតែ​បច្ចេកវិទ្យា​ទំនើប​នេះហើយ​បានជា​យុវជន​មួយចំនួន ភ្លើតភ្លើន​ជ្រុល ធ្វើតាម​សម្រើប តាមចិត្ត​ចង់​នៃ​តណ្ហា រហូតដល់​ថតរូប ថត​វីដេ​អូ​អាក្រាត អាសអាភាស ផ្ញើ​ឲ្យ​ដៃគូ​ស្នេហា តាម​សារ​ហ្វេ​ស​ប៊ុ​ក ឬក៏​សារ​តាម​ប្រព័ន្ធសង្គម​ផ្សេងទៀត ដូចជា Skype ឬ តេ​ឡេ​ក្រាម ជាដើម​។

​កន្លងមក​ក៏មាន​ក្រុម​យុវវ័យ​ខ្លះ រហូតដល់​ស្រឡាញ់គ្នា​ស្លុង​ចិត្ត ក៏​ថត​វិ​ដេ​អូ នៅពេល​រួមភេទ ឬក៏​ខាង​ប្រុសថតរូប​អាក្រាត​របស់​ខាង​ស្រី ជាដើម​។ នៅពេល​មាន​បញ្ហា ឈ្លោះ​គ្នា ខាង​ប្រុសបាន​គំរាម និង​រហូតដល់​បង្ហោះ​រូប​អាសអាភាស​ទាំងនោះតាម​បណ្តាញ​សង្គម ក៏មាន​។ បើ​មិន​ដូច្នេះ​ទេ នៅពេល​ទូរស័ព្ទ​ខូច ឬ​បាត់​ក៏​ស្រាប់តែ​រូប​អាសអាភាស​ទាំងនោះ​ត្រូវបែកធ្លាយ​តាម​បណ្តាញ​សង្គម ឬក៏​នៅលើ​វេ​ប​សាយ​អាសអាភាស​។​

​ទាំងនេះ គឺជា​ចំណង់​ដ៏​គ្រោះថ្នាក់ ដែល​យុវវ័យ​យើងត្រូវ​ជៀសវាង ព្រោះថា​សប្បាយ​មួយភ្លែត បែរជា​នាំទុក្ខ​អស់​មួយជីវិត នៅពេល​រូបភាព​អាសអាភាស​ទាំងនោះ ត្រូវបាន​ផ្សព្វផ្សាយ បែកធ្លាយ​ដោយ​ចេតនា ឬ​អ​ចេតនា តាម​បណ្តាញ​សង្គម​។​

​រឿង​មួយទៀត ក៏​មិន​ខុសពី​រូប​អាសអាភាស​ប៉ុន្មាន​ទេ​។ ក្រុម​ស្ត្រី​មួយចំនួន​តូច​ដែល​ប្រក​បរបរ លក់​ផលិតផល​អន​ឡាញ ដោយ​ផ្សាយ​ផ្ទាល់​តាម​ហ្វេ​ស​ប៊ុ​ក ជាពិសេស​អ្នកលក់​ខោអាវ​ក្នុង ឬ​ខោអាវ​ទ្រនាប់​សម្រាប់​ស្ត្រី ក៏ដូចជា អ្នកលក់​ឡេ លាប​ពង្រីក​សុដន់ ជាដើម គឺ​មុខរបរ និង​មុខ​អ្នកលក់​អន​ឡាញ​ទាំងនេះ កើតឡើង​យូរ​ឆ្នាំ​មកហើយនៅ​កម្ពុជា​យើង​។

​អ្នក​ទាំងនោះ ដើម្បី​តែ​លុយ សុខចិត្ត​ស្លៀក​ឈុត​ក្នុង ថត live តាម​ហ្វេ​ស​ប៊ុ​ក​។ បើ​អ្នកលក់​ឡេ វិញ ក្រៅពី​បង្ហាញ​សាច់​សខ្ចី ក៏​នៅមាន​អា​ម៉ាកលក់​ឡេ​ពង្រីក​សុដន់ ដោយ​ផ្សាយ Live លាប​ឡេ​លើ​សុដន់ ដែល​បិទ​តែ​ក្បាលដោះ ក៏មានដែរ​។​

​បើ​លក់​អី បង្ហាញ​ហ្នឹង​ដូច្នេះ ចុះបើ​អ្នកលក់​ថ្នាំ​ប៉ូវ​លិង្គ ឬក៏​ឧបករណ៍​សិប្ប​និ​មិ្ម​តរបស់​បុរសៗ តើ​ស្ត្រី​អ្នកលក់​តាម​អន​ឡាញ​ទាំងនោះ ឱ្យគេ​សាក​ដែរ ឬ​យ៉ាងណា​?

​យ៉ាងណា​ក៏ដោយចុះ ទាំងនេះ ជា​មុខរបរ​របស់គេ ក៏ប៉ុន្តែ​មុខរបរ​នេះ​ក៏​ទទួលរង​ការរិះគន់​មិនតិច​ទេពី​សង្គម​។ ដូច្នេះ​គួរតែ​ស្ត្រី​មួយចំនួន​តូច ដែល​ភ្លេចខ្លួន រហូតដល់ Live លក់​ផលិតផល ដោយ​ស្លៀកពាក់​បែប​ស៊ិ​ច​ស៊ី ជ្រុលនិយម ដូច​ពេល​កន្លងមកនេះ គួរតែ​រក​វិធី​លក់​ផ្សេង ហើយ​កុំ​ឲ្យ​ជ្រុល​ពេក ព្រោះថា ពេលនេះ ប្រមុខ​រាជរដ្ឋាភិបាល​បានដាក់​បទបញ្ជា​ឲ្យ​ក្រសួងជំនាញចាត់វិធានការ​ហើយ​។​

​ម្យ៉ាងទៀត​វិញ ក្រសួង​ជំនាញ ក៏​គួរតែមាន​វិធានការ​អប់រំ ណែនាំ​ផង កុំ​ចាំតែ​ដល់​នាយ រដ្ឋមន្ត្រី​ដាក់​បញ្ជា ទើប​កម្រើក​សរសៃ​។ សូម​មន្ត្រី​ជំនាញ អនុវត្ត​មុខងារ តួនាទី ភារកិច្ច​តាមក្រសួង មន្ទីរជំនាញ ដែល​ច្បាប់​បានកំណត់​។ បើ​ថា ធ្វើទៅ​ប៉ះ​ខ្សែ​អ្នកធំ​ណា​ក៏​ហ៊ានប្រឈម ព្រោះថា បើ​មន្ត្រី​ជំនាញ​នោះ ត្រូវគេ​ដកតំណែង ដោយសារតែ​អនុវត្ត​តួនាទី​ភារកិច្ច​ក៏​សម្តេចតេ​ជោ នាយករដ្ឋមន្ត្រី ហ៊ុន សែន មិន​ឱបដៃ​ឱ្យគេ​ធ្វើបាប​មន្ត្រី​បម្រើ​រាស្ត្រ​នោះឡើយ​។​

​ដូចគ្នានេះដែរ ក្រសួង​ស្ថាប័ន​ជំនាញ​យើង ក៏​គួរតែ​ចាត់វិធានការ​លើ​ក្រុម​អ្នករកស៊ី​ផ្លូវភេទ ពិសេស​ស្ត្រី​ប្រកាស​លក់ខ្លួន​ជា​ចំហរតាម​អន​ឡាញ​ផងដែរ​។ សូមកុំ​រង់ចាំ​រហូតដល់​សម្តេចតេ​ជោ មានប្រតិកម្ម ដាក់បទបញ្ជា ទើប​នាំគ្នា​ចាត់ការ​។​

​សរុបមក ស្ត្រី​ខ្មែរ​យើង អ្នក​និយម​លេង​តាម​បណ្តាញ​សង្គម គួរតែ​ឈប់​ថត​វិ​ដេ​អូ​អាសអាភាស បង្ហោះ​តាម​បណ្តាញ​សង្គម ឬក៏​ផ្ញើឱ្យ​ដៃគូ​ស្នេហា​មើល​តទៅទៀត ព្រោះ​វា​គ្រោះថ្នាក់​ណាស់ ដោយ​នៅពេល​បែកធ្លាយ ពិតជា​មិន​ត្រឹមតែ​ប៉ះពាល់​យ៉ាងខ្លាំង​ដល់​កិ​ត្ត​យស និង​សីលធម៌ របស់​ស្ត្រី​ខ្មែរ​ជាទូទៅ​ទេ ប៉ុន្មាន​កិត្តិយស សេចក្តីថ្លៃថ្នូរ​ផ្ទាល់ខ្លួន និង​ក្រុមគ្រួសារ​ក៏​មិនដឹងយកមុខ​ទៅ​ទុក​នៅឯណា​ទេ​។

​ជាមួយគ្នា​នោះ អ្នក​ដែល​ផ្សព្វផ្សាយ លក់​ផលិតផល​តាម​អន​ឡាញ​មួយចំនួន​ដែលមាន ការ​ស្លៀកពាក់​ស៊ិ​ច​ស៊ី ជ្រុលនិយម ហើយ​ធ្វើការ​ផ្សព្វផ្សាយ Live លក់​ផលិតផល​របស់ខ្លួន ក៏ត្រូវ​តែ​ឈប់​ជាបន្ទាន់​។ បើ​មិន​ដូច្នេះ​ទេ អាជ្ញាធរ​សមត្ថកិច្ច នឹង​អនុវត្ត​តាមច្បាប់ ដែល​ចំពោះមុខ​អាច​ប្រើ​វិធាន​ការអប់រំ និង​បិទ​ហ្វេ​ស​ប៊ុ​ក​នោះ​។ តែបើ​នៅតែ​មិន​រាងចាល​គឺអាច​នឹងត្រូវ អនុវត្ត​វិធានការ​ផ្តន្ទាទោស​តាមច្បាប់​ជា​ធរមាន ជាក់​ជាមិនខាន​។ ខ្វះ​អី​មុខរបរ​​ហើយ​បើលក់​តែ​តាម​ធម្មតា ក៏មាន​អ្នកទិញ​ដែរ ឲ្យ​តែ​ផលិតផល​របស់របរ​ល្អ និង​តម្លៃ​សមរម្យ​៕ ដោយ​: ម៉េង​ឆៃ/Ha

អាជ្ញាប័ណ្ណចែកចាយផ្តាច់មុខ