Home ព័ត៌មានអន្តរជាតិ ចិន​សង់​រោងចក...

ចិន​សង់​រោងចក្រ​ផលិត​ម៉ាស់​មុខ​មួយ​ឲ្យហើយ​ក្នុង​រយៈពេល​៦​ថ្ងៃ​

​ចិន​នឹង​ប្រែក្លាយ​អគារ​ឧស្សាហកម្ម​មួយ​ទៅ​ជា​រោងចក្រ​ផលិត​ម៉ា​ស់មុខ​ថ្មី​មួយ​ឲ្យ​ហើយ​រួចរាល់​តែ​ក្នុង​រយៈពេល​៦​ថ្ងៃ​ដើម្បី​បំពេញ​សេចក្តីត្រូវការ​កើនឡើង​ខ្ពស់​​ចំ​ពេល​មាន​ការ​ផ្ទុះឡើង​ជំងឺឆ្លង​COVID-19 នៅក្នុង​ប្រទេស​។​

​រោងចក្រ​នេះ កំពុង​សាងសង់​ដោយ​ក្រុមហ៊ុន​China Construction First Group​ហើយ​រំពឹង​ថា​នឹង​ផលិត​ចេញ​ម៉ាស់​២៥០.០០០​ក្នុង​មួយថ្ងៃ​។​

​ដោយសារ​ការ​ផ្ទុះ​ជំងឺនេះ ម៉ាស់​មុខ​ក្លាយជា​របស់​ដែល​បុគ្គលិក​ពេទ្យ បុគ្គលិក​គ្រប់គ្រង​ជំងឺនិង​សាធារណជន​ត្រូវការ​ខ្លាំង​។​រដ្ឋ​ចិន​ជំរុញ​លើកទឹកចិត្ត​ឲ្យ​ក្រុម​​ហ៊ុន​ផលិត​គ្រឿង​បរិក្ខា​រវេជ្ជសាស្ត្រ​បង្កើន​ផលិតកម្ម​ម៉ា​ស់មុខ​ដើម្បី​ចូលរួម​ប្រយុទ្ធ​ប្រឆាំង​វីរុស និង​បំពេញ​កង្វះ​ខាត​។​

​ឥឡូវ​រោងចក្រ​កាន់តែច្រើន​បាន​ងាក​មក​ផលិត​ម៉ា​ស់មុខ ដូចជា​រោងចក្រ​សម្លៀក​បំពាក់​មួយ​នៅ​ក្រុង​ហ្វ៊ុយ​ស៊ុន ខេត្ត​លី​អាវ​និ​ញ បានចាប់ផ្តើម​ផលិត​ម៉ា​ស់មុខ​​បាន​ប្រមាណ​៥.០០០​ក្នុង​មួយថ្ងៃ​។​រោងចក្រ​ជាច្រើន​ទៀត​នៅ​ចិន ក៏​ផ្អាក​ការផលិត​របស់​គេ និង​ងាក​មក​ផលិត​គ្រឿង​បរិក្ខា​រវេជ្ជសាស្ត្រ​ជំនួស​វិញ​។​

​ក្រុមហ៊ុន​ផលិត​រថយន្ត SGMW​តាំង​នៅ​ក្រុង​លីវ​ចូ​វ ក្នុង​តំបន់​ស្វ័យ​ត​ហ្គ័​ង​ស៊ី​បានប្រកាសថា​ខ្លួន​នឹង​រៀបចំ​ខ្សែសង្វាក់​ផលិតកម្ម​ចំនួន​១៤​ឡើងវិញ​ដើម្បី​ងាក​​មក​ផលិត​ម៉ា​សមុខ N95 និង​ម៉ា​សមុខ​ពេទ្យ​ដទៃទៀត ជាមួយនឹង​ទិន្នផល​ប្រចាំ​ថ្ងៃ​ជាង​១,៧​លាន​។​

​ចិន​ផលិត​ម៉ាស​មុខ​ប្រមាណ​ពាក់កណ្តាល​នៃ​តម្រូវការ​របស់​ពិភពលោក ជាមួយនឹង​ទិន្នផល​២០​លាន​ម៉ាស់​ក្នុង​មួយថ្ងៃ តែ​នៅ​តែ​មិន​គ្រប់គ្រាន់​ទៀត​៕​ប្រែ​សម្រួល​៖​វាសនា​/Ha

កម្មករ​ផលិត​ម៉ា​ស់មុខ​N95​នៅ​រោងចក្រ​មួយ​នៅ​ក្រុង​ចុងឈី​ញ កាលពី​ថ្ងៃ​១៧​កុម្ភៈ ដើម្បី​ផ្គត់ផ្គង់​ទៅ​អោយ​បុគ្គលិក​ពេទ្យ​នៅ​ហ៊ូ​ប៉ី​

ទីតាំងផ្សាយពាណិជ្ជកម្ម

- Advertisment -

Most Popular

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...

ប្រកាស​មុខតំណែង​អភិបាល អភ...

ដោយៈ ទេព មង្គល / បាត់ដំបង...