ម៉ូតូ​បុក​ជាមួយ​គោយន្ត​កន្ត្រៃ​ដឹកឈើ ​បណ្តាល​ឲ្យ​ស្លាប់​មនុស្ស​ម្នាក់​

223
ចែករម្លែក

ដោយ​: សុខ​សុ​ភ័​ណ្ឌ / កំពង់ស្ពឺ​: គ្រោះថ្នាក់​ចរាចរណ៍​រវាង​ម៉ូតូ​បុក​ជាមួយ​គោយន្ត​កន្ត្រៃ​ដឹកឈើ​នៅលើ​ផ្លូវលំ​ត្រង់ចំណុច​ភូមិ​ថ្មី ឃុំ​តាំង​សំរោង ស្រុក​ភ្នំស្រួច​ខេត្តកំពង់ស្ពឺ​ កាលពី​យប់​ថ្ងៃទី​១៧​ខែ​កម្ភៈ​ឆ្នាំ​២០២០ ​​បណ្តាល​ឲ្យ​ស្លាប់​មនុស្ស​ម្នាក់​។​

​នគរបាល​ស្រុក​ភ្នំស្រួច​បាន​ឲ្យ​ដឹងថា ​មុន​កើតហេតុ​គេ​ឃើញ​បុរស​ម្នាក់​មានឈ្មោះ ឃីម ឃឿន អាយុ​២០​ឆ្នាំ រស់នៅ​ភូមិ​ថ្មី​ឃុំ​តាំង​សំរោង ស្រុក​ភ្នំស្រួច​ ជិះ​ម៉ូតូ​មួយគ្រឿង​ម៉ាក​ហុងដា​សេ​១២៥​សេរី​២០១៧​ពណ៌​ខ្មៅ ពាក់​ផ្លាកលេខ កំពង់ស្ពឺ 1K 9365 បើកបរ​ពី​កើ​តទៅ​លិច លុះ​មកដល់​ចំណុចកើតហេតុ​ខាងលើ បាន​បុក​គោយន្ត​កន្ត្រៃ​ដឹកឈើ​ដុល​មួយគ្រឿង​ម៉ាក​គូ​ប៊ូ​តា ពណ៌​ក្រហម បើកបរ​ពី​លិចទៅ​កើត​អ្នកបើកបរ​មិន​ស្គាល់​អត្តសញ្ញាណ​ពេញទំហឹង បណ្តាល​ឲ្យ​អ្នកជិះ​ម៉ូតូ​បាក់ក​ស្លាប់​ភ្លាមៗ​នៅនឹងកន្លែង​។​

​ប្រភព​បាន​បន្តថា អ្នកបើកបរ​គោយន្ត​កន្ត្រៃ​ដឹកឈើ​ដុល​ពេល​បុក​រួច​រត់​គេចខ្លួនបាត់​។ សព​បានប្រគល់​ឲ្យ​ក្រុម​គ្រួសារ​យកទៅ​ធ្វើបុណ្យ​តាម​ប្រពៃណី ចំណែក​វត្ថុតាង​ម៉ូតូ​និង​គោយន្ត បាន​យកទៅ​រក្សាទុក​នៅ​ប៉ុស្តិ៍នគរបាល​រដ្ឋបាល​តាំង​សំរោង រង់ចាំ​ដោះស្រាយ​នៅពេល​ក្រោយ​៕ ល​/Ha