ថ្នាំប្រឆាំងវីរុសកូរ៉ូណាទីមួយត្រូវបានអនុម័តឱ្យលក់លើទីផ្សារ

រដ្ឋបាលក្រុងតាយចូវក្នុងខេត្តចឺជាំងបានប្រកាសកាលពីថ្ងៃអាទិត្យទី១៦កុម្ភៈថា ថ្នាំប្រឆាំងវីរុស Favilavir ដែលមានប្រសិទ្ធភាពព្យាបាលវីរុសកូរ៉ូណា ត្រូវបានយល់ព្រមសម្រាប់ដាក់លក់នៅលើទីផ្សារ។

វាជាថ្នាំប្រឆាំងវីរុសកូរ៉ូណាថ្មីដំបូងគេ ដែលត្រូវបានអនុម័តសម្រាប់លក់លើទីផ្សារដោយរដ្ឋបាលផលិតផលវេជ្ជសាស្ត្រជាតិចាប់តាំងពីការផ្ទុះឡើងនៃវីរុស។

ផលិតឡើងដោយក្រុមហ៊ុនឱសថចឺជាំងហ៊ីស៊ុន (Zhejiang Hisun Pharmaceutical Company) ថ្នាំនេះត្រូវគេរំពឹងថានឹងដើរតួយ៉ាងសំខាន់ក្នុងការការពារនិងព្យាបាលជំងឺកូរ៉ូណា។ នេះយោងតាមរដ្ឋបាលក្រុងនិយាយនៅលើគណនីផ្លូវការរបស់ខ្លួនលើ WeChat។

ក្រសួងវិទ្យាសាស្ត្រនិងបច្ចេកវិជ្ជាបាននិយាយកាលពីថ្ងៃសៅរ៍ថា ថ្នាំ Favilavir គឺជាថ្នាំមួយក្នុងចំណោមថ្នាំ ៣ ប្រភេទ ដែលបានបង្ហាញពីប្រសិទ្ធភាពគួរឱ្យកត់សម្គាល់ក្នុងការព្យាបាលវីរុស Covid-19 នៅក្នុងការព្យាបាលសាកល្បង។

ថ្នាំ Favilavir បានចាប់ផ្តើមដាក់ក្នុងដំណើរការផលិតកម្មកាលពីថ្ងៃអាទិត្យ។ ខេត្តចឺជាំងបានរាយការណ៍ករណីវីរុសកូរ៉ូណាចំនួន ១.១៦៧ មកទល់ពេលនេះ៕ ដោយ៖ កញ្ញាដាលីស

ថ្នាំប្រឆាំងវីរុស Favilavir ត្រូវបានអនុម័តដាក់លក់លើទីផ្សារនៅប្រទេសចិន

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...