Home ព័ត៌មានជាតិ សេដ្ឋកិច្ច ​ក្រុមហ៊ុន​ស្...

​ក្រុមហ៊ុន​ស្មា​ត​គាំទ្រ​កម្មវិធី​អនាគត​ឌីជីថល​របស់​កម្ពុជា​

ដោយៈ​សុផល​/​ភ្នំពេញ​៖​ក្រុមហ៊ុន​ស្មា​ត​អ៊ិ​ច​សៀ​តា​(SmartAxiata)​ដែលជា​ក្រុមហ៊ុន​ផ្ដល់​សេវា​ទូរគមនាគមន៍​ឈានមុខ​គេ​នៅ​កម្ពុជា​នឹងធ្វើ​ការបង្ហាញ​អំពី​ការចូលរួមចំណែក​ក្នុងសង្គម​សមិទ្ធផល​និង​ផែនការ​អនាគត​។​ដើម្បី​កសាង​ប្រព័ន្ធ​បច្ចេកវិទ្យា​ព័ត៌មាន​អេកូ​លូ​ហ្ស៊ី​ICT​នៅ​ប្រទេស​កម្ពុជា​ក្នុង​កម្មវិធី​ប្រព័ន្ធ​ឌីជីថល​កម្ពុជា ឆ្នាំ​២០២០ នាពេលខាងមុខ​ដែល​រៀបចំ​ដោយ​វិទ្យាស្ថាន​ជាតិ​ប្រៃសណីយ៍ ទូរគមនាគមន៍ និង​បច្ចេកវិទ្យា ព័ត៌មានវិទ្យា (NIPTICT)​។

​កម្មវិធី​កម្ពុជា​ឌីជីថល​ឆ្នាំ​២០២០​ឬ​ហៅ​ខ្លី​ថា​DC2020​ជា​ព្រឹត្តិការណ៍​សម្រាប់​ប្រព័ន្ធ​ឌីជីថល​និង​បច្ចេកវិទ្យា​ដ៏​ធំ​បំផុត​នៅ​អាស៊ីអាគ្នេយ៍​មានការ​គាំទ្រ​ដោយ​ភាគី​ពាក់ព័ន្ធ​ជាច្រើន​ទាំង​វិស័យ​សាធារណៈ និង​វិស័យ​ឯកជន​ដែលមាន​ការចូលរួមចំណែក​យ៉ាងសកម្ម​និង​ការប្តេជ្ញាចិត្ត​កសាង​មូលដ្ឋានគ្រឹះ​ដ៏​រឹងមាំ​សម្រាប់​កំណើន​យ៉ាង​ឆាប់រហ័ស​និង​ការវិវត្តន៍​សេដ្ឋកិច្ចកម្ពុជា​។​

​ស្ថាប័ន​ដែល​បានអនុញ្ញាត​និង​គាំទ្រ​កម្មវិធី​DC2020​រួមមាន​ក្រសួង​ប្រៃសណីយ៍​និង​ទូរគមនាគមន៍​,​ក្រសួង​សេដ្ឋកិច្ច​និង​ហិរញ្ញវត្ថុ​,​ក្រសួង​អប់រំ​យុវជន​និង​កីឡា​,​ក្រសួង​ឧស្សាហកម្ម​និង​សិប្បកម្ម​,​ក្រសួងពាណិជ្ជកម្ម​និង​ក្រសួង​ការងារ​និង​បណ្ដុះបណ្ដាល​វិជ្ជាជីវៈ​។

​លោក ត្រាំ អ៊ីវតឹក រដ្ឋមន្ត្រីក្រសួង​ប្រៃសណីយ៍ និង​ទូរគមនាគមន៍ និង​ជា​ប្រធាន​ក្រុមប្រឹក្សា​មូលនិធិ CBRD​បាន​មានប្រសាសន៍ថា​“​ក្រសួង​ប្រៃសណីយ៍​និង​ទូរគមនាគមន៍​មាន​មោទនភាព​យ៉ាងខ្លាំង​ក្នុងការ​ដើរតួនាទី​សំខាន់​ក្នុងការ​បោះជំហាន​ដឹកនាំ​នាវា​នុ​វត្ត​ន៍​នៅ​កម្ពុជា​។​មកទល់ពេលនេះ កម្មវិធី DC2020 មាន​តួនាទី​សំខាន់​ក្នុងការ​ផ្សព្វផ្សាយ​ការយល់ដឹង​អំពី​សារសំខាន់​នៃ​ប្រព័ន្ធ​បច្ចេកវិទ្យា​ឌីជីថល ក៏ដូចជា​ការផ្ដល់​ឱកាស​ដើម្បី​បង្ហាញ​អំពី​សមិទ្ធផល​រីកចម្រើន​របស់​យើង​ជម្រុញ​ឱ្យ​យើង​ខិត​ទៅជិត​ការសម្រេចបាន ប្រព័ន្ធ​ឌីជីថល​កម្ពុជា​” ។

​ដូចគ្នា​នឹង​ពិធី​ដាក់​សម្ភោ​ធន៍​ប្រព័ន្ធ​ឌីជីថល​កម្ពុជា​នៅ​ឆ្នាំមុន​ដែរ​ក្រុមហ៊ុន​ស្មា​ត​ប្តេជ្ញាចិត្ត​សារជាថ្មី​ម្ដងទៀត​ក្នុងការ​ធ្វើជា​អ្នក​ឧបត្ថម្ភ​ចម្បង​សម្រាប់​ស​ន្និ​សិទ្ធ​ដ៏​ធំ​មួយ​នេះ​ដែល​នឹង​ក្លាយជា​វេទិកា​សម្រាប់​អ្នក​អាជីព​វិជ្ជា​ជី​វះ​បច្ចេកវិទ្យា សហគ្រិន​។​អ្នក​ដែលមាន​ចំណាប់អារម្មណ៍​លើ​ឌីជីថល បញ្ញា​វ័​ន្ត សិស្ស​និ​សិ​ត្ស និង​អ្នកតាក់តែង​គោលនយោបាយ​បានមក​ជួបជុំគ្នា​ពិភាក្សា​ដោយមាន​ការធ្វើ​បទ​បង្ហាញ និង​ការផ្លាស់ប្ដូរ​មតិ​អំពី​វិធី​ជម្រុញ​ប្រព័ន្ធ​អេកូ​លូ​ហ្ស៊ី​ឌីជីថល​របស់​ប្រទេស​យើង​ឲ្យ​ឈានឡើង​ទៅមុខ​មួយកម្រិត​ទៀត​។

ក្រុមហ៊ុន​ស្មា​ត​ជា​ក្រុមហ៊ុន​ឈានមុខ​ក្នុងការ​ជំរុញ​គោលដៅ​បច្ចេកវិទ្យា​និង​ប្រព័ន្ធ​ឌីជីថល​ប្រទេស​កម្ពុជា​បង្កើត​ហេដ្ឋារចនាសម្ព័ន្ធ​ចល័ត​ដ៏​រឹងមាំ​និង​ប្រកបដោយ​ការទុកចិត្ត​ដែលជា​តួនាទី​ចម្បង​ក្នុង​ការបង្កើត​ឱកាស​ឲ្យ​វិស័យ​ទូរគមនាគមន៍​កម្ពុជា​ធ្វើការ​អភិវឌ្ឍន៍​យ៉ាងខ្លាំង​។​ក្រៅពី​សមិទ្ធផល​“​ដំបូងៗ​”​ជាច្រើន​ក៏ដូចជា​ការដាក់ចេញ​ឱ្យ​ស្គាល់​ពី​ការបង្កើត​បែបផែន​ជីវិត​ប្រកបដោយ​ភាពសម្បូរ​បែប​។​

​ការផ្ដល់ជូន​នូវ​ការកែ​កម្សាន្ត​ក្រុម​ហ៊ុម​ស្មា​ត​នៅ​បន្ត​វិនិយោគ​៧០​ទៅ​៨០​លាន​ដុល្លារ​អាមេរិក​ក្នុង​មួយឆ្នាំ​ដើម្បី​ពង្រីក​បណ្ដាញទូរស័ព្ទ​ចល័ត​និង​ធនធាន​សំខាន់ៗ​ផ្សេងទៀត​ដើម្បី​កសាង​ប្រព័ន្ធ​អេកូ​លូ​ហ្ស៊ី​ដោយមាន​ការសហការ​ជាមួយ​ដៃគូ​រាជរដ្ឋាភិបាល​និង​សហគមន៍​បច្ចេកវិទ្យា​។​

​មូល​នី​ធិ​វិនិយោគ​លើ​ប្រព័ន្ធ​ឌីជីថល​របស់​ក្រុមហ៊ុន​ចំនួន​៥​លាន​ដុល្លារ​ត្រូវ​បានផ្ដល់​រួចជាស្រេច​ដើម្បី​គាំទ្រ​ដល់​ក្រុមហ៊ុន​ទើប​ចាប់ផ្តើម​ថ្មី​ចំនួន​៨​នៅ​ចុងឆ្នាំ​២០១៩​។​ទាំងនេះ​គឺជា​កិច្ច​ផ្ដួចផ្ដើម​មួយចំនួន​ក្នុងចំណោម​កិច្ច​ផ្ដួចផ្ដើម​ផ្សេងៗ​ជាច្រើន​ទៀត​ដែល​ក្រុមហ៊ុន​ស្មា​ត​បាន​ដឹកនាំ​ខណៈដែល​ក្រុមហ៊ុន​យើង​ទទួលស្គាល់​សក្ដានុពល​ដ៏​ធំធេង ដែល​កម្មវិធី​ឌីជីថល​កម្ពុជា បាន​សំដែង​ចេញ ។

​លោក​ThomasHundt​អគ្គនាយក​ក្រុមហ៊ុន​ស្មា​ត​អ៊ិ​ច​សៀ​តា​(SmartAxiata)​បាន​មានប្រសាសន៍ថា​”​យើង​រំពឹងថា​ភាពជឿនលឿន​នៃ​ប្រព័ន្ធ​បច្ចេកវិទ្យា​ព័ត៌មាន ICT និង​បច្ចេកវិទ្យា​ឌីជីថល​នាពេល​អនាគត អាច​សម្រប​សម្រួលការ​ប្រើប្រាស់​កម្មវិធី​នានា​ជាច្រើន​ទៀត​។​មានដូចជា​ការពង្រឹង​សិទ្ធ​អំណាច​ដល់​ស្ត្រី​បង្កើន​ការងារ​លើកស្ទួយ​កំណើនសេដ្ឋកិច្ច​កែលម្អ​ការអប់រំ​ជម្រុញ​ផលិតកម្ម​កសិកម្ម​។​លើកកម្ពស់​សុខភាព​ឲ្យ​កាន់តែ​ប្រសើរឡើង​នៅ​កម្ពុជា​។​ប៉ុន្តែ​ដើម្បី​សម្រេចបាន​នូវ​គោលដៅ​ទាំងអស់នេះ​វិស័យ​បច្ចេកវិទ្យា​ព័ត៌មាន​ICT​ទាំងមូល​ត្រូវការ​ធនធានមនុស្ស​ប្រកបដោយ​សមត្ថភាព​និង​ភាព​ឆ្លាត​វៃ​។

​ក្នុងនាម​ជា​ដៃគូ​អភិវឌ្ឍន៍​ដ៏​ខ្លាំងក្លា​ជាមួយនឹង​រាជរដ្ឋាភិបាល​យើងខ្ញុំ​ប្ដេជ្ញាចិត្ត​គាំទ្រ​ដុសខាត់​ជំនាញ​ប្រព័ន្ធ​ឌីជីថល​នាពេល​អនាគត​សម្រាប់​ប្រទេស​កម្ពុជា​ហើយ​ទន្ទឹមគ្នា​នេះដែរ​យើងខ្ញុំ​សង្ឃឹមថា​បាន​ជួប​ជាមួយ​អ្នកចូលរួម​ទាំងអស់គ្នា​ក្នុង​ព្រឹត្តិការណ៍​ឌីជីថល​កម្ពុជា​ឆ្នាំ​២០២០​នេះ​”​។​ប្រធានបទ​របស់​កម្ម​វិធី​DC2020​ស្របគ្នា​ទៅនឹង​កិច្ចខិតខំ​ប្រឹងប្រែង​រប​ស់​ក្រុមហ៊ុន​ស្មា​ត​ក្នុងការ​លើកកម្ពស់​និង​អភិវឌ្ឍន៍​ទេពកោសល្យ​បច្ចេកវិទ្យា​ព័ត៌មាន​ICT​ដើម្បី​គាំទ្រ​ទិដ្ឋភាព​លូតលាស់​រីកចម្រើន​នៃ​ប្រព័ន្ធ​បច្ចេកវិទ្យា​របស់​ជាតិ​។

​ទោះ​មុនពេល​មានការ​ដាក់ចេញ​ឱ្យមាន​មូល​នី​ធិ​កសាង​សមត្ថភាព​និង​ការស្រាវជ្រាវ​និង​ការអភិវឌ្ឍន៍​(CBRD)​ក៏ដោយ​។​ក៏​ក្រុមហ៊ុន​ស្មា​ត​បានរួម​ចំណែក​ក្នុងការ​គិតទុក​ជាមុន​ដោយ​សហការ​ជាមួយ​រាជរដ្ឋាភិបាល​វិស័យ​ឯកជន​ក្រុមហ៊ុន​បង្កើត​ថ្មីៗ​។​មហាវិទ្យាល័យ​នានា​ក្នុងការ​បង្កើតជា​កម្មវិធី​ផ្សេងៗ​ដូចជា​ផ្ដួចផ្ដើម​នវានុវត្តន៍​បច្ចេក​វិទ្យា​ថ្មី​ដើម្បី​អភិវឌ្ឍន៍​ធនធាន​បច្ចេកវិទ្យា​ព័ត៌មាន​ICT​ខាងក្នុង​និង​ខាងក្រៅ​ប្រទេស​កម្ពុជា​។​

កម្មវិធី​គួរកត់សម្គាល់​(​នៅ​សាកលវិទ្យាល័យ​)​រួមមាន​កម្មវិធី​អ្នក​នវានុវត្តន៍​វ័យក្មេង​ជាមួយ​ការចាប់ផ្ដើម​ឆ្លាត​វៃ​(SmartStartYoungInnovator)​និង​កម្មវិធី​SmartEdu​ពីរ​ទៀត​–​កម្មវិធី​អាហារូបករណ៍​និង​កម្មវិធី​អភិវឌ្ឍន៍​និ​សិ​ត្ស​សាកលវិទ្យាល័យ​–​ដែលជា​ផ្នែក​មួយ​នៃ​ទឹកប្រាក់​១,៥​លាន​ដុល្លារ​នៃ​អា​នុ​ស្សា​រណៈ​នៃ​ការយោគយល់​ជាមួយនឹង​ក្រសួង​អប់រំ​យុវជន​និង​កីឡា​និង​ក្រសួង​ប្រៃសណីយ៍​ទូរគមនាគមន៍​ដើម្បី​អភិវឌ្ឍន៍​ទេពកោសល្យ​ប្រព័ន្ធ​ឌីជីថល​នៅ​ព្រះរាជាណាចក្រ​កម្ពុជា​៕S/

​ ​ ​ចំណងជើង​រូបថត​៖ កម្មវិធី​ឌីជីថល​ខេ​ម​បូ​ឌា កាល​ឆ្នាំ​២០២៩​

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ទីទ័លក្រ​នៅ​ក...

​ដោយ​: រិ​ទ្ធិ​សែន / ខេត្...

ជនសង្ស័យ​ម្នាក់ រួម​នឹង​វ...

​ដោ​យៈ រិ​ទ្ធិ​សែន / ពោធិ...

ប្រកាស​បិទ​ផ្សាយ ឯកសារ​កា...

​ដោយៈ ទេ​ពក​ង្រី / កំពង់ឆ...

​អនុគណៈកម្មការ​សុវត្ថិភាព...

​ដោយៈ ទេ​ពក​ង្រី / កំពង់ឆ...