សាកលវិទ្យាល័យ​ជាតិ​គ្រប់គ្រង​និង​ក្រុមហ៊ុន​Sunwah​សហការគ្នា​លើ​វិស័យ​អប់រំ​ស្រាវជ្រាវ​វប្បធម៌​និង​នវានុវត្តន៍​សាជីវកម្ម​

ដោយៈ​សុផល​/​ភ្នំពេញ​៖​សាកលវិទ្យាល័យ​ជាតិ​គ្រប់គ្រង​និង​ក្រុមហ៊ុន​SunwahGroup​កាលពី​ព្រឹក​ថ្ងៃទី​១៨​ខែកុម្ភៈ​ឆ្នាំ​២០២០​នៅ​ទីស្តីការក្រសួង​បាន​ចុះហត្ថលេខា​លើ​អនុស្សរណ​យោគយល់​គ្នា​(MOU)​ដើម្បី​សហ​ប្រិត​ប​ត្តិ​ការ​ភាពជា​ដៃគូ​ដើម្បី​ជួយ​គ្នា​ទៅវិញទៅមក​ក្នុង​វិស័យ​អប់រំ​,​ការស្រាវជ្រាវ​,​អាហារូបករណ៍​,​វប្បធម៌​និង​នវានុវត្តន៍​សាជីវកម្ម​។​

​ភាគី​ទាំង​ពីរបាន​ឯកភាពគ្នា​លើ​គម្រោង​៣​ចំណុច គឺ​គម្រោង​ទី​១​ការផ្តល់​អាហារូបករណ៍​និង​កម្មវិធី ExchangProgram​របស់​និស្សិត​និង​សាស្ត្រាចារ្យ​សម្រាប់​គោលដៅ​ស្រាវជ្រាវ​និង​កិច្ចសហប្រតិបត្តិការ​ជុំវិញ​ដៃគូ​របស់​Sunwah(​ពីរ​នាក់​រៀន​នៅ​MacoaUniversity​និង​ពីរ​នាក់​ទៀត​JinanUniversity
​ទីក្រុង​គ័​រង​ចូ​វ​)​ក្នុង​មួយឆ្នាំ​។​គម្រោង​ទី​២​រៀបចំ​បង្កើត​មជ្ឈមណ្ឌល​វប្បធម៌​និង​នវានុវត្តន៍​រួមគ្នា​គឺ​JonathanKSChoiCulturalCentreandSunwahInnovationCentre​នៅ​សាកលវិទ្យាល័យ​ជាតិ​គ្រប់គ្រង​ដែល​ភ្ជាប់​ទំនាក់ទំនង​ជាមួយ​បណ្តា​មជ្ឈមណ្ឌល​នានា​របស់​ក្រុមហ៊ុន​Sunwah នៅ​ជុំវិញ​ពិភពលោក​។​

​ចំណែក​គម្រោង​ទី​៣​ក្រុមហ៊ុន​នឹង​ផ្តល់​ថវិកា​ជំនួយ​សម្រាប់​គម្រោង​ដែល​ស្នើសុំ​ដោយ​សាកលវិទ្យាល័យ​ទៅលើ​ការរៀបចំ​ជណ្តើរយន្ត​ចំនួន​ពីរ​នៅ​អគារ​A​របស់​សាកលវិទ្យាល័យ​ជាតិ​គ្រប់គ្រង​។​គម្រោង​ទាំង​៣​នេះ គ្រោង​ចំណាយ​ថវិកា​ដោយ Sunwah Group ក្នុង​ទំហំ​ទឹកប្រាក់​៥០​ម៉ឺន​ដុល្លារ​អាមេរិក​។​

​ថ្លែងប្រាប់​អ្នកសារព័ត៌មាន​ក្រោយ​អញ្ជើញ​ជា​អធិបតីភាព​ក្នុង​ពិធី​ចុះហត្ថលេខា​យោគយល់​គ្នា​រវាង​សាកលវិទ្យាល័យ​ជាតិ​គ្រប់គ្រង និង​ក្រុមហ៊ុន​វិនិយោគ​ចិន ហុង កុង ឈ្មោះថា សាន់​វ៉ា គ្រុប​(SUNWAH Group) នៅ​ទីស្តីការក្រសួង​អប់រំ យុវជន និង​កីឡា​កាលពី​ថ្ងៃទី​១៨ ខែកុម្ភៈ​ឆ្នាំ​២០២០​។​

លោក បណ្ឌិតសភា​ចា​រ្យ​ហង់​ជួនណា​រ៉ុ​ន​រដ្ឋមន្ត្រីក្រសួង​អប់រំ​យុវជន​និង​កីឡា​បាន​មានប្រសាសន៍ថា​មជ្ឈមណ្ឌល​នវានុវត្តន៍​ដែល​បង្កើត​នៅក្នុង​សាកលវិទ្យាល័យ​ជាតិ​គ្រប់គ្រង​នេះ​ទទួលបាន​ជំនួយ​គាំទ្រ​ពី​វិស័យ​ឯកជន​របស់​ប្រទេស​ចិន​គឺ​ក្រុមហ៊ុន​សាន់​វ៉ា​គ្រុប​ដែល​បាន​បោះទុន​វិនិយោគ​នៅ​កម្ពុជា​អស់​រយៈពេល​ជាង​២០​ឆ្នាំ​។​

លោក​រដ្ឋមន្ត្រី​បាន​បន្តថា​មជ្ឈមណ្ឌល​នវានុវត្តន៍​នេះ​នឹង​ផ្តល់ឱកាស​ឱ្យ​កម្ពុជា​ធ្វើការ​អភិវឌ្ឍ​ធនធានមនុស្ស​លើ​ផ្នែក​សិក្សា​ស្រាវជ្រាវ​វិស័យ​វប្បធម៌​និង​នវានុវត្តន៍​ផ្នែក​សាជីវកម្ម​ឱ្យ​កាន់តែ​ប្រសើរឡើង​ដើម្បី​ឆ្លើយតប​ទៅនឹង​ការអភិវឌ្ឍ​សេដ្ឋកិច្ច​របស់​កម្ពុជា​ក្នុង​បរិបទ​នៃ​ឧស្សាហកម្ម​ជំនា​ន់ទី​៤​នាពេលខាងមុខ​។

​លោក​បណ្ឌិត​ចូ​ណា​ថា​ន​ឆ​យ​(JonathanChoi)​ប្រធាន​ក្រុមហ៊ុន​SUNWAHGroup​បានឱ្យដឹងថា​មជ្ឈមណ្ឌល​នវានុវត្តន៍​នេះ​អាច​ភ្ជាប់​ទំនាក់ទំនង​ជាមួយ​បណ្តា​មជ្ឈមណ្ឌល​នានា​របស់​ក្រុមហ៊ុន SUNWAH ដែល​មាននៅ​ជុំវិញ​ពិភពលោក​។​លោក​បន្តថា​គម្រោង​នៃ​មជ្ឈមណ្ឌល​នេះ​នឹងធ្វើ​ការកែលម្អ​អគារ​A​នៅក្នុង​សាកលវិទ្យាល័យ​ជាតិ​គ្រប់គ្រង​ដោយ​ការបំពាក់​នូវ​ជណ្តើរយន្ត​ចំនួន​២​ក្នុង​ទឹកប្រាក់​សរុប​ប្រមាណ​៥០​ម៉ឺន​ដុល្លារ​អាមេរិក​។ ជាមួយគ្នានេះ​ក៏​អនុញ្ញាតឱ្យ​និស្សិត​កម្ពុជា​ទៅ​បន្ត​ការសិក្សា​ថ្នាក់​បរិញ្ញាបត្រ​និង​ថ្នាក់​បរិញ្ញាបត្រ​ជាន់ខ្ពស់​នៅក្នុង​ប្រទេស​ចិន ក្នុង​មួយឆ្នាំ​ចំនួន​៤​នាក់ លើ​ផ្នែក​ស្រាវជ្រាវ​វប្បធម៌​និង​សាជីវកម្ម​៕S/

​ចំណងជើង​រូបថត​៖​សាកលវិទ្យាល័យ​ជាតិ​គ្រប់គ្រង​និង​SunwahGroup​បាន​ចុះហត្ថលេខា​លើ​អនុស្សរណ​យោគយល់​គ្នា​ដើម្បី​សហ​ប្រិត​ប​ត្តិ​ការ ភាពជា​ដៃគូ​ដើម្បី​ជួយ​គ្នា​ទៅវិញទៅមក​ក្នុង​វិស័យ​សិក្សា ការស្រាវជ្រាវ វប្បធម៌​និង​នវានុវត្តន៍​សាជីវកម្ម​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...