កីឡា​សិស្ស​បឋមសិក្សា​ខេត្តបន្ទាយមានជ័យ​ឆ្នាំ​សិក្សា​២០១៩-២០​ផុលផុស​ជាង​ឆ្នាំមុនៗ​

​ដោយ​ភ្នំ​ស្វាយ​/​បន្ទាយមានជ័យ​៖​មន្ទីរអប់រំ​យុវជន​និង​កីឡា​ខេត្តបន្ទាយមានជ័យ​គណៈ​គ្រប់គ្រង​សាលារៀន​ក៏ដូចជា​សា​ម៉ី​ខ្លួន​កីឡាករ​កីឡាការិនី​សិស្ស​ថា​កីឡា​សិស្ស​បឋមសិក្សា​ខេត្តបន្ទាយមានជ័យ​ឆ្នាំ​សិក្សា​២០១៩-២០ មាន​បរិមាណ​កីឡាករ កីឡាការិនី​ច្រើន​និង​ផុលផុស​ជាង​ឆ្នាំមុនៗ ។​

​ហេតុនេះហើយ​បានជា​ការិយាល័យ​អប់រំ​កាយ​និង​កីឡា​នៃ​ម​ន្ទិ​រ​និង​គណៈកម្មការ​រៀបចំ​កា​រ​ប្រកួត​បានសម្រេច​រៀប​ចំការ​ប្រកួត​ដាច់ដោយឡែក ។​គឺ​ប្រកួត​រយៈពេល​៣​ថ្ងៃ​ពីថ្ងៃ​ទី​២៥-២៧​កុម្ភៈ​២០២០ នៅ​ទីលាន​៣​កន្លែង មាននៅ ៖​ទី​១-​បរិវេណ​វិទ្យាល័យ​ហ៊ុនសែន​ខ្លា​កូន ទី​២ -​នៅ​មន្ទីរអប់រំ​ខេត្ត​និង​៣ -​នៅ​សាលាបឋមសិក្សា​សម្រស់​កុមា​រនា​ភូមិ​ខ្លា​កូន​ថ្មី​សង្កាត់​កំពង់ស្វាយ​ក្រុង​សិរីសោភ័ណ​។​

​លោក​តាន់​ក្រួច​ប្រធានការិយាល័យ​អប់រំ​កាយ​និង​កីឡា​នៃ​មន្ទីរអប់រំ​យុវជន​យុវជន​និង​កីឡា​ខេត្តបន្ទាយមានជ័យ​ក្នុង​ពី​ធី​បិទ​ការប្រកួត​កីឡា​សិស្ស​បឋមសិក្សា​ជ្រើសរើស​ជើងឯក​ខេត្តបន្ទាយមានជ័យ​កាលពី​ល្ងាច​ថ្ងៃទី​១៧​ខែកុម្ភៈ​ថា ៖​ដំណើរការ​បច្ចេកទេស​រលូន​ពី​ដើម​ដល់​ចប់ ។​ការហូបចុក ស្នាក់នៅ សុវត្ថិភាព សុខភាព មាន​លក្ខណៈ​សមរម្យ ល្អប្រសើរ​ទោះជា​ក្តៅ​បន្តិច ។​ឯ​មហាជន​ក៏​ចូលរួម​ច្រើន​ដែរ ។​

លោក​បន្តថា​៖​ចំពោះ​លទ្ធផល​កីឡា​សិស្ស​បឋមសិក្សា​ខេត្តបន្ទាយមានជ័យ​ឆ្នាំនេះ​៖1-​ប្រភេទ​កីឡាអត្តពលកម្ម មាន​រត់​ល្បឿន​៦០​ម៉ែត្រ​(​កុមារី​)​ចំណាត់ថ្នាក់​លេខ​១​ឈ្មោះ​ហាយ​ឡៃ​សេង​មកពី​ស្រុក​ភ្នំស្រុក ។​រត់​ល្បឿន​៦០​ម៉ែត្រ (​កុមារា​) ចំណាត់ថ្នាក់​លេខ​១ ឈ្មោះ​វ៉ាន់ ចាន់​វៃ មកពី​ស្រុក​ស្វាយចេក ។​៣- លោត​កម្ពស់​(​កុមារី​) ចំណាត់ថ្នាក់​លេខ​១ ឈ្មោះ ស្រៀវ ចន្ថា មកពី​ស្រុក​ម៉ាឡៃ ។​

៤-​លោត​កម្ពស់​(​កុមារា​) ចំណាត់ថ្នាក់​លេខ​១ ឈ្មោះ ឃៀ​ម រ៉ា​យុទ្ធ មកពី​ស្រុក​ថ្មពួក ។​៥-​លោត​ចម្ងាយ (​កុមារី​) ចំណាត់ថ្នាក់​លេខ​១ ឈ្មោះ ធា ភា​រឹទ្ធ មកពី​ក្រុង​សិរីសោភ័ណ ។​៦ – លោត​ចម្ងាយ​(​កុមារា​) ចំណាត់ថ្នាក់​លេខ​១ ឈ្មោះ ធៀ​វ​សីហា​មកពី​ស្រុក​មង្គល​បូរី​។​៧​រត់​បណ្តាក់​(​កុមារី​)​ចំណាត់ថ្នាក់​លេខ​១ ឈ្មោះ ឈួ​ត ស្រី​និ​ច មកពី​ក្រុង​សិរីសោភ័ណ ។​

៨​រត់​បណ្តាក់​(​កុមារា​)​ចំណាត់ថ្នាក់​លេខ​១​ឈ្មោះ​សំ​សូ​សៀង​មកពី​ក្រុង​សិរីសោភ័ណ​។​2-​ប្រភេទ​កីឡាបាល់ទះ​ក​-​ផ្នែក​កុមារី​ចំណាត់ថ្នាក់​លេខ​១​មកពី​ស្រុក​មង្គល​បូរី​។​ខ​-​ផ្នែក​កុមារា​ចំណាត់ថ្នាក់​លេខ​១​មកពី​ស្រុក​មង្គល​បូរី​។​3-​ប្រភេទ​កីឡាបាល់ទាត់​ក​-​ផ្នែក​កុមារី​ចំណាត់ថ្នាក់​លេខ​១​ស្រុក​ថ្មពួក​។​ខ​-​ផ្នែក​កុមារា ចំណាត់ថ្នាក់​លេខ​១ មកពី​ស្រុក​មង្គល​បូរី ។​

​លោក​ឈួ​ប៊ុន​រឿង​ប្រធាន​ម​ន្ទិ​រ​អប់រំ​យុវជន​និង​កីឡា​ខេត្តបន្ទាយមានជ័យ​និយាយថា​៖​ដូច​អស់លោក​លោកស្រី​ជា​ប្រធានការិយាល័យ​អប់រំ​កាយ ការិយាល័យ​អប់រំ​យុវជន និង​កីឡា​ស្រុក នាយក​សាលា គ្រូ​កីឡា​និង​សិស្ស​កីឡា​បានឃើញ​និង​វាយតម្លៃ​ឬ​កត់សម្គាល់ ដែរ​ថា នៅ​ឆ្នាំ​សិក្សា​២០១៩-២០​នេះ កុមារ​សិស្ស​មានការ​ផុលផុស​ស្រឡាញ់​ចូលចិត្ត ហើយ​លេង​កីឡា​៕S/

​រូបថត​៖​លោក​ឈួ​ប៊ុន​រឿង​និង​មន្ត្រី​អប់រំ​ប្រគល់​ពានរង្វាន់​ជើងឯក​ខេត្តបន្ទាយមានជ័យ​ឆ្នាំ​សិក្សា​២០១៩ -២០ ដល់​ជ័យលាភី​ជា​កីឡាករ កីឡាការិនី​សិស្ស​បឋមសិក្សា (​រូប ៖ ភ្នំ​ស្វាយ​)​


ទីតាំងផ្សាយពាណិជ្ជកម្ម

- Advertisment -

Most Popular

អ្នកបើក​រ៉ឺម៉ក​លក់​ផ្កា ស...

ដោយៈ វណ្ណៈ/ព្រះសីហនុៈ បុរ...

កម្មការិនី​រោងចក្រ​ម្នាក់...

ដោយៈ ស​រិ​ទ្ធ/ស្វាយរៀងៈ ក...

អធិការនគរបាល ខណ្ឌ​កំបូល ន...

ដោយៈ រ៉ា​ម៉ន/ភ្នំពេញៈ ដោយ...

អគារ​ធនាគារចំនួនពីរត្រូវប...

ដោយៈ​បូព៌​ព្រឹក្ស​/​ភ្នំព...