Home ព័ត៌មានជាតិ សន្តិសុខ ​ផ្ទះមួយ​ល្វែ...

​ផ្ទះមួយ​ល្វែង​ត្រូវ​អគ្គិភ័យ​លេប​ត្របាក់​២​លើក​ខ្ទេច​ទាំងស្រុង​

​ដោយៈ​ចាន់តូ​/​ភ្នំពេញ​៖​ផ្ទះមួយរ​ល្វែង​ត្រូវបាន​ជនសង្ស័យ​មិន​ស្គាល់មុខ ដុត​ឱ្យ​ឆេះ​យ៉ាង​សន្ធោសន្ធៅ កាលពី​វេលា​ម៉ោង​២​រំលងអធ្រាត្រ​ចូល​ថ្ងៃ​ពុធ​ទី​១៩​ខែកុម្ភៈ​ឆ្នាំ​២០២០​ត្រង់ចំណុច​ផ្លូវលំ​ក្នុងភូមិ​ក្រាំង​អង្ក្រង​សង្កាត់​ក្រាំងធ្នង់​ខណ្ឌ​សែន​សុខ​។​ម្ចាស់ផ្ទះ​មានឈ្មោះ​ប៊ុន​សុ​ភ័​ក្ត​ភេទ​ប្រុស​អាយុ​៣៥​ឆ្នាំ​ប្រពន្ធ​ឈ្មោះ​សូ​សុភា​អាយុ​២៨​ឆ្នាំ​។​ផ្ទះ​គ្មាន​លេខ​ទំហំ​៥​ម៉ែត្រ​គុណ​នឹង​១៤​ម៉ែត្រ​ជញ្ជាំង​ថ្ម​ប្រក់​ស័ង្កសី​។​

​តាម​សម្ដី​ម្ចាស់ផ្ទះ​បាន​ប្រាប់​ឱ្យដឹងថា​ដំបូង​ឡើយ​មានទឹក​អាកុល​ស្រក់​លើ​មុខ​គាត់​។​គាត់​ក៏​ស្ទាប​យកមក​ហិត​មើល​ដឹងថា​ជា​ទឹក​អាកុល​ក៏​ងើបឡើង​មើលឃើញ​អណ្ដាតភ្លើង​ឆេះ​នៅលើ​ឡាវ​តឿ​បាន​ដាស់​ប្រពន្ធ​កូន​និង​ម្ដាយក្មេក​ហើយក៏​ស្រែក​ឱ្យ​អ្នកជិតខាង​ជួយ​ពន្លត់​។​ពេល​បើកទ្វារ​ចេញ​ស្រាប់តែ​ទ្វារផ្ទះ​មុខក្រោយ​ត្រូវបាន​គេ​ចាក់សោរ​ពី​ក្រៅ​បំណង​ឱ្យ​គ្រួរ​សារ​មួយ​នេះ​ឆេះ​ស្លាប់​។​ក៏​ត្រូវបាន​ម្ចាស់ផ្ទះ​ធាក់​ទ្វារ​និង​ស្រែក​ឱ្យ​អ្នកជិតខាង​ជួយ​វ៉ៃ​ផ្ដាច់​សោរ​ទើប​ចេញ​រួចហើយ​ក៏បាន​ពន្លត់​ឱ្យ​រលត់​។​

​ប្រភព​ដដែល​បាន​បន្តថា​ទ្វារផ្ទះ​របស់គាត់​ពេល​គាត់​ដេក​កម្រ​ចាក់សោរ​ពី​ក្នុង​ណាស់​គ្រាន់តែ​ថ្ពួ​ក​តែប៉ុណ្ណោះ​។​ចុះ​ហេតុ​អី​ស្រាប់តែ​ជាប់​សោរ​ពី​ក្រៅ​ទៅវិញ​?​ក្រោយពី​ពន្លត់ភ្លើង​រួច​ដោយសារតែ​មានទឹក​លិច​ពេញ​ផ្ទះ​គាត់​បាន​នាំ​គ្រួសារ​ចេញពី​ក្នុងផ្ទះ​ទៅ​ដេក​ផ្ទះសំណាក់​បាន​ចាក់សោ​ពី​ក្រៅ​បិទ​បារ៉ែត​ភ្លើង​បាន​ត្រឹមត្រូវ​។​មិនទាន់បាន​ប៉ុន្មាន​ផង​ស្រាប់​តែមាន​អ្នកជិតខាង​ខ​ល​ទៅប្រាប់​ថា​ភ្លើង​ចាប់ផ្ដើម​ឆេះ​ផ្ទះ​គាត់​ម្ដង​ទៀតហើយ និង​ឆេះ​ខ្លាំង​សន្ធោសន្ធៅ ទៀតផង ។

​ទ្រព្យសម្បត្តិ​របស់គាត់​នៅក្នុង​ផ្ទះ​នោះ​គឺ​ឆេះ​អស់រលីង​នៅសល់តែ​ម៉ូតូ​២​គ្រឿង​កង់​ចំនួន​២​គ្រឿង​របស់​កូន​គាត់​។​ចំណែក​តួ​ផ្ទះ​ត្រូវបាន​ភ្លើង​ឆេះ​ទាំងស្រុង​ដោយ​ពួកគាត់​នៅសល់តែ​ខោអាវ​មួយ​សម្រាប់​ជាប់​ខ្លួន​តែប៉ុណ្ណោះ​។​ម្ចាស់ផ្ទះ​បានបញ្ជាក់​ថា​ករណី​អគ្គិភ័យ​នេះ​គឺ​បណ្ដាលមកពី​មាន​ជនសង្ស័យ​មក​លួច​ដុត​ផ្ទះ​របស់គាត់ បំណង​សម្លាប់​មួយ​គ្រួសារ​។
​ចំណែកឯ​រថយន្ត​ពន្លត់​អគ្គិភ័យ​វិញ​មកដល់​កន្លែងកើតហេតុ​នេះ​ចំនួន​៣​គ្រឿង​បាញ់​អស់ពី​រគ្រឿង​ឱ្យ​រលត់ទៅវិញ​នៅវេលា​ម៉ោង​៣​យប់​នៅ​ខែ​ឆ្នាំ​ដដែល​ចំពោះ​សមត្ថកិច្ច​និង​ម្ចាស់ផ្ទះ​កំពង់ធ្វើការ​ស្រាវជ្រាវរ​ក​ជនសង្ស័យ​បន្តទៀត​៕S/​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...