លោក អ៊ុក ចន្ថា ៖ ការប្រកួត នាពេលនេះ ជាការ​ត្រៀមខ្លួន ដើម្បី​ចូលរួម​ប្រកួត​កីឡា បឋមសិក្សា​ថ្នាក់ជាតិ​

ដោយ​៖​រ៉ូ​ហ្សា
​ភ្នំពេញ​៖
លោក អ៊ុក ចន្ថា អនុប្រធាន​មន្ទីរអប់រំ យុវជន និង​កីឡា នា​ថ្ងៃទី​១៨ ខែកុម្ភៈ ឆ្នាំ​២០២០ បាន​អញ្ជើញ​ចូលរួម ក្នុងឱកាស​ពិធី​បិទ​ការប្រកួត​កីឡា សិស្ស​បឋមសិក្សា​ជ្រើសរើស​ជើងឯក រាជធានី​ភ្នំពេញ ប្រចាំ​២០១៩-២០២០ លើ ៤ ប្រភេទ​កីឡា នៅ​វិទ្យាល័យ​ឥន្ទ្រ​ទេវី ដើម្បី​ចម្រាញ់​រក​ក្រុម​កីឡាករ -​កីឡាការិនី​ឆ្នើមៗ ត្រៀម​ការប្រកួត​កីឡា សិស្ស​បឋមសិក្សា ជ្រើសរើស​ជើងឯក​ទូទាំងប្រទេស នា​ខែមីនា ខាងមុខនេះ​។​

ប្រគល់​រង្វាន់​ដល់​ជ័យលាភី​

​លោក ម៉ក ច័ន្ទ​រិ​ទ្ធិ៍ អនុប្រធាន​ការិយាល័យ​អប់រំ​កាយ និង​កីឡា បាន​ប្រាប់​ឲ្យ​ដឹងថា ការប្រកួត ឆ្នាំនេះ ដោយមាន​សមាគម​កីឡា​ខ័​ណ្ឌ​ទាំង ១៤ និង​សាលា​ឯកជន​មួយ នៅ​ទូទាំង​រាជធានី​ភ្នំពេញ លើ ៤ ប្រភេទ​កីឡា ដូចជា កីឡាបាល់ទាត់ បាល់ទះ បាល់បោះ និង អត្តពលកម្ម ដែលមាន កីឡាករ​-​កីឡាការិនី ចូលរួម​ចំនួន ៥៩៤ នាក់ ក្នុងនោះ​មាន​កីឡាការិនី ២២២ នាក់​។​

​លោក អ៊ុក ចន្ថា បាន​មានប្រសាសន៍ថា ក្រសួង​អប់រំ យុវជន និង​កីឡា បានរៀបចំ​ការអភិវឌ្ឍ​ន៍​កីឡា ដែលជា​យុទ្ធសាស្ត្រ ក្នុងការ​ធ្វើកំណែទម្រង់ វិស័យ​អប់រំ​កាយ និង​កីឡា ដើម្បី​ឆ្លើយតប ចំពោះ​ការកសាង​ធនធានមនុស្ស ប្រកបដោយ​គុណភាព និង​ប្រសិទ្ធភាព​ខ្ពស់ រីកចម្រើន​ទាំង​ធនធាន និង​ហេដ្ឋារចនាសម្ព័ន្ធ ដើម្បី​ត្រៀមខ្លួន ធ្វើជា​ម្ចាស់ផ្ទះ រៀបចំ​ការប្រកួត​ភាព និង​កិត្តិយស​របស់ ប្រជាជន​កម្ពុជា​ទាំងមូល​។​

ប្រគល់​រង្វាន់​ដល់​ជ័យលាភី​

​លោក​បាន​បន្តថា ជោគជ័យ នៃ​ការប្រកួត នាពេលនេះ វា​ជាការ​បង្ហាញ ពី​ភាព​រីកចម្រើន​មួយ កីឡាករ​-​កីឡាការិនី ត្រូវខិតខំ​ប្រឹងប្រែង​ហ្វឹកហាត់ ទាំង​កម្លាំង ទាំង​បច្ចេកទេស និង​ស្វែងយល់​ពី​ការប្រកួត បន្ថែមទៀត​ដែរ ដើម្បី​ក្លាយខ្លួន​កីឡាករ កីឡាការិនី អាជីព​ថ្នាក់ជាតិ នាពេល​អនាគត​។ កីឡាករ​-​កីឡាការិនី ជា​ក្រុម​តំណាង ឲ្យ​រាជធានី​ភ្នំពេញ ដូច្នេះ​ត្រូវ​បន្ត​ហ្វឹកហាត់ ដើម្បី​ត្រៀមលក្ខណៈ ចូលរួម​ជ្រើសរើស​ជើងឯក​ថ្នាក់ជាតិ ដែល​នឹង​ប្រព្រឹត្តទៅ នៅ​ថ្ងៃទី​២៥ ខែមីនា ដល់​ថ្ងៃទី​៣ ខែមេសា ឆ្នាំ​២០២០ នៅ​រាជធានី​៕v

ប្រគល់​រង្វាន់​ដល់​ជ័យលាភី​

ទីតាំងផ្សាយពាណិជ្ជកម្ម

- Advertisment -

Most Popular

ករណី​ពុល​ស្រាស ជា​រឿង​ចាស...

ដោយៈ ម៉េង​ឆៃ​/​កំពង់ឆ្នាំ...

ការទប់ស្កាត់​ការចម្លង​កូ​...

​ដោយ​: ម៉េង​ឆៃ​/ ភ្នំពេញ​...

​ ​ហោរាសាស្ត្រ​

ប្រចាំថ្ងៃអង្គារ ទី១ ខែធ្...

យុវជន​ម្នាក់​ស្លាប់​ដោយ​ប...

​ដោយៈ​ចាន់តូ​/​ភ្នំពេញ​: ...