Adidas​នៅ​ចិន​ធ្លាក់ចុះ​៨៥​ភាគរយ​ដោយសារ​កូរ៉ូណា​វីរុស​

​ក្រុមហ៊ុន​ផលិត​សម្ភារ​កីឡា​ម៉ាក​Adidas​របស់​អាឡឺម៉ង់​បាន​និយាយ​កាលពី​ថ្ងៃ​ពុធ​ទី​១៩​កុម្ភៈ​ថា​អាជីវកម្ម​របស់​ខ្លួន​នៅ​ចិន​ដីគោក បាន​ធ្លាក់ចុះ​៨៥​ភាគរយ​ធៀប​​នឹង​ពេល​ដូច​គ្នា​កាលពី​ឆ្នាំមុន ដោយសារតែ​ការផ្ទុះ​កូរ៉ូណា​វីរុស ដែលនាំអោយ​ហាង​បិទ និង​អតិថិជន​តិចតួច​ដើរ​ចូល​មើល​ទំនិញ​នៅ​តាម​ហាង​នៅ​បើក​លក់​ខ្លះ​។​

​ក្រុមហ៊ុន​បាន​និយាយថា ខ្លួន​បាន​សង្កេតឃើញ​ការធ្លាក់​ចុះ​ចរាចរណ៍​មនុស្ស នៅ​ជប៉ុន​និង​កូរ៉េខាងត្បូង​តែ​មិន​ដែល​ឃើញ​ការធ្លាក់ចុះ​ខ្លាំង​ដូច​នៅ​មហា​ចិន​ដី​​គោក​នាពេល​បច្ចុប្បន្ន​នេះ​ទេ​។​

​ក្នុងពេល​ជាមួយគ្នា ក្រុមហ៊ុន​ឯកជន​ចិន​កាន់តែច្រើន​កំពុង​កាត់បន្ថយ​ថ្លៃឈ្នួល​ការងារ ឬ​ពន្យារ​ការបើក​ប្រាក់ខែ​ដល់​បុគ្គលិក​កម្មករ​ដោយសារ​តែ​ដំណើរការ​​អាជីវកម្ម​ត្រូវ​ស្ទះ ឬ​រអាក់រអួល​ដោយសារ​កូរ៉ូណា​វីរុស​។​

​សូមបញ្ជាក់​ថា ដើម្បី​ទប់ស្កាត់​ការឆ្លង​រាលដាល​វីរុស អាជ្ញាធរ​ចិន​និង​និយោជក​បាន​លើក​ទឹក​ចិន​អោយ​បុគ្គលិក​កម្មករ​នៅ​ផ្ទះ ផ្អាក​ការធ្វើដំណើរ​ទៅ​ធ្វើការ បិទ​​ហាង បិទ​ការិយាល័យ ភោជនីយដ្ឋាន សារមន្ទីរ​និង​រោងភាពយន្ត ។​ការធ្វើដំណើរ​មិនចាំបាច់​នានា​ត្រូវ​ហាមឃាត់​។​

​ទោះជា​យ៉ាងណា​ដើម្បីអោយ​សេដ្ឋកិច្ច​ដំណើរការ​ឡើង​វិញ នៅ​សប្តាហ៍​នេះ​បណ្តា​មជ្ឈមណ្ឌល​ផលិតកម្ម​ឧស្សា​កម្ម​នៅ​ឆ្នេរ​ខាងកើត​ចិន​កំពុង​បន្ធូរបន្ថយ​ការ​រឹត​​ត្បិត​ចលនា​មនុស្ស​នៅពេល​បណ្តាល​រដ្ឋាភិបាល​មូលដ្ឋាន​ប្រាប់​ទៅ​ម្ចាស់​រោងចក្រ​អោយ​ចាប់ផ្តើម​ផលិត​ឡើង​វិញ ក្រោយ​ការ​ឈប់សម្រាក​តាំងពី​មុន​ចូលឆ្នាំ​ចិន​។​

​ក្នុងពេល​ជាមួយគ្នា អាជ្ញាធរ​ចិន​កំពុង​ប្រមូល​និង​ជ្រើសរើស​ក្រុមហ៊ុន​សហគ្រាស​រាប់រយ​ដើម្បី​ទទួល​ប្រាក់​ឥណទាន​អនុគ្រោះ ដើម្បី​ជំរុញ​សកម្មភាព​សេដ្ឋកិច្ច​​ឡើង​វិញ​ឬ​បន្ថយ​ការលំបាក​ដែល​បង្កឡើង​ដោយ​កូរ៉ូណា​វីរុស​៕​ប្រែ​សម្រួល​៖​វាសនា​

កម្មករ​ចិន​វិល​មក​ធ្វើការ​វិញ​នៅ​រោងចក្រ​ក្នុង​ក្រុង​ហ្វូ​សាន កាលពី​ថ្ងៃ​១៨​កុម្ភៈ​

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...