Home ព័ត៌មានជាតិ សន្តិសុខ អាវុធហត្ថ​ខេត...

អាវុធហត្ថ​ខេត្ត​បង្ហាញមុខ​ជនសង្ស័យ​៧​នាក់ ពីបទ​ជួញដូរ​គ្រឿងញៀន​ខុសច្បាប់​

ដោយ​: គ្រញូង / បាត់ដំបង​: កម្លាំង​កងរាជអាវុធហត្ថ​ខេត្ត កាលពី​ព្រឹក​ថ្ងៃទី​១៩​ខែកុម្ភៈ​ឆ្នាំ​២០២០ បានបង្ហាញ​មុខសញ្ញា​ជ​ន​សង្ស័យ​រកស៊ី​គ្រឿងញៀន​មួយ​សំបុក​ចំនួន​៧​នាក់ មុន​បញ្ជូន​ខ្លួន​ទៅ​តុលាការ​។

​ជនសង្ស័យ​ទាំង​៧​នាក់​នេះ ត្រូវ​កម្លាំង​មូលដ្ឋាន​អាវុធហត្ថ​ស្រុក​កំរៀង បាន​ចុះបង្ក្រាប​ទីតាំង​ចែកចាយ​គ្រឿងញៀន និង​ឃាត់ខ្លួន​ជា​បន្តបន្ទាប់​កាលពី​រសៀល​ថ្ងៃទី​១៧​ខែកុម្ភៈ នៅ​ចំណុច​មុខ​កាស៊ីណូ​ឃ្វី​ន ស្ថិតក្នុង​ភូមិ​ដូង ឃុំ​បឹងរាំង ស្រុក​កំរៀង ខេត្តបាត់ដំបង​។​

​លោក​វរសេនីយត្រី មុយ សា​លិ​ត មេបញ្ជាការ​មូលដ្ឋាន​ក​ង​រាជ​អាវុធហត្ថ​ស្រុក​កំរៀង បានឱ្យដឹងថា ជនសង្ស័យ​ទាំង​៧​នាក់​មានៈ​១​ឈ្មោះ កៃ លឿង ភេទ​ប្រុស អាយុ​៥៩​ឆ្នាំ​មុខរបរ​មិន​ពិតប្រាកដ ដកហូត​វត្ថុតាង​មាន​ថ្នាំញៀន​ប្រភេទ​មេ​តំ​ហ្វេ​តា​មីន​(​ម៉ា​ទឹកកក​ICE)​ចំនួន​២​ថង់​-​ថ្នាំ​គ្រាប់​រាង​សំប៉ែត​ពណ៌​ក្រហម​២​គ្រាប់​និង​មួយ​កំណាត់​។ ក្រោយ​ជនសង្ស័យ​ឆ្លើយ​សារភាព​កម្លាំង​យើង​បាន​សុំ​បទបញ្ជា​ពី​លោក មាស សុវណ្ណ មេបញ្ជាការ​អាវុធហត្ថ​ខេត្ត​និង​មានការ​អនុញ្ញាតិ​ពី​លោក​នួន សាន​ព្រះរាជអាជ្ញា​អម​សាលា​បូ​ង​ខេត្ត​ទើប​កម្លាំង​យើង​បន្ត​ចុះ​ធ្វើការ​ឃាត់ខ្លួន​ជនសង្ស័យ​បាន​៦​នាក់​ទៀត​រួមមាន​៖ ២.​ឈ្មោះ​ម៉ី សារិន​ហៅ​ឌុ​ង ភេទ​ប្រុស​អាយុ​៥៩​ឆ្នាំ​(​មេខ្លោង​) ៣.​ឈ្មោះ​ឆេង​ភ័​ត្រា​ភេទ​ប្រុស​អាយុ​៣០​ឆ្នាំ (​កូនប្រសារ​) ៤.​ឈ្មោះ ទេព វិឆៃ ភេទ​ប្រុស អាយុ​៣៤​ឆ្នាំ (​អ្នក​នៅ​ជាមួយ​) ៥-​ឈ្មោះ សេង សុខា ភេទ​ប្រុស អាយុ​៣៣​ឆ្នាំ (​ស្នាក់នៅ​ជាមួយគ្នា​) ៦.​ឈ្មោះ​ប៉ិក​ពៀ​វ​ភេទ​ប្រុស​អាយុ​២៤​ឆ្នាំ នៅ​ជាមួយគ្នា និង​៧.​ឈ្មោះ​សោម សុខ​គា ភេទ​ប្រុស អាយុ​២៨​ឆ្នាំ នៅ​ជាមួយគ្នា​។ ជនសង្ស័យ​ទាំង​៧​នាក់​នេះ រស់នៅក្នុង​ភូមិ​ដូង​ឃុំ​បឹងរាំង​ស្រុក​កំរៀង​។ ចំណែក​វត្ថុតាង​ដែល​ចាប់​យកបាន​រួមមាន​៖ ថ្នាំញៀន​ប្រភេទ​មេ​តំ​ហ្វេ​តា​មីន (​ម៉ា​ទឹកកក​ICE) ចំនួន​ចំនួន​៤៨​កញ្ចប់​ទម្ងន់​៨៦,៧៦​ក្រាម​-​ថ្នាំ​គ្រាប់​ពណ៌​ក្រហម​រាង​សំប៉ែត​មាន អក្សរ​(WY)​ចំនួន​៦៩៣​គ្រាប់ រថយន្ត​ចំនួន​២​គ្រឿង​-​ប្រាក់​ដុល្លារ​ចំនួន​២៤,៥០៣​ដុល្លារ​, ប្រាក់​បាត​ថៃ​ចំនួន​៨៣,៩១០​បាត​, ប្រាក់​ខ្មែរ​ចំនួន​២៧,៧១៧.០០០​រៀល​, ខ្សែក​លោហធាតុ​ពណ៌​លឿង​ចំនួន​១៣​ខ្សែ​, ខ្សែដៃ​លោហធាតុ​ពណ៌​លឿង​ចំនួន​១៣​ខ្សែ​, ខ្សែជើង​លោហធាតុ​ពណ៌​លឿង​ចំនួន​០៤​ខ្សែ ចិ​ញ្ជៀ​ន​លោហធាតុ​ពណ៌​លឿង​ចំនួន​១៣​វង់​, កងដៃ​លោហៈធាតុ​ពណ៌​លឿង​ចំនួន​១០​កង បណ្តោង​ខ្សែក​លោហៈធាតុ​ពណ៌​លឿង​ចំនួន​៥​បណ្តោង​និង​ជ័រ​០១​បណ្តោង​, ជញ្ជីង​ថ្លឹង​គ្រឿងញៀន​ចំនួន​០២​គ្រឿង​។​

​បច្ចុប្បន្ន​ជនសង្ស័យ​រួម និង​វត្ថុតាង ត្រូវបាន​លោក​មេបញ្ជាការ​កង​រាជ​អាវុធ​ខេត្ត​បញ្ជា​ឱ្យកម្លាំង​ជំនាញ​កសាង​សំណុំរឿង​បញ្ជូន​ជ​សង្ស័យ​ទាំង​៧​នាក់ រួម​នឹង​វត្ថុតាង​បទល្មើស​មួយចំនួនធំ​ទៅ​តុលាការខេត្ត ដើម្បី​ចាត់ការ​តាម​នីតិវិធី​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...