ដោយ: ភ្នំស្វាយ / បន្ទាយមានជ័យ: ដីរដ្ឋនៃស្ថានីយផ្សព្វផ្សាយនិងស្តារព្រៃឈើតាបែន២ នៅស្រុកស្វាយចេក ខេត្តបន្ទាយមានជ័យ នឹងឈានទៅរកការបោះបង្គោលព្រំ និងលើកប៉ាណូបញ្ជាក់ទីតាំងដើម្បីការពារ ។
វិធានការនេះ ធ្វើឡើងបន្ទាប់ពីបន្ទាប់ពីក្រុមជនអណាធិបតេយ្យដែលមានរចនាសម្ព័ន្ធ និងមេខ្លោងដឹកនាំ បាននិងកំពុងបន្តរំលោភបំពានទន្ទ្រានឥតឈប់ឈរយកជាកម្មសិទ្ធិឯកជនខុសច្បាប់ ។
កាលពីថ្ងៃទី១៨ខែកុម្ភៈឆ្នាំ២០២០ ក្រុមការងារអន្តរក្រសួងដឹកនាំដោយលោកលាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនិយ័កម្ម និងសំណង់ ,តំណាងក្រសួងកសិកម្ម រដ្ឋបាលព្រៃឈើនិងលោក លីសារី អភិបាលរងខេត្តបន្ទាយមានជ័យ ព្រមទាំងមន្ទីរជំនាញ និងកងកម្លាំងបានអញ្ជើញចុះត្រួតពិនិត្យលើផ្ទៃរាបនិងពីលើអាកាស ដោយកំណត់ព្រំតាមប្រព័ន្ធកំណត់ភូមិសាស្ត្រ(ជីភីអេសៈGPS) និងបង្ហោះដ្រូនថត យកទិដ្ឋភាពជាក់ស្ដែងទីតាំង ។
នៅក្នុងលិខិតលេខ៣១២ដនស/អសដក ចុះថ្ងៃទី៥កុម្ភះ២០២០ បានចែងថា ៖ សកម្មភាពក្រុមអណាធិបតេយ្យ រំលោកចូលរករានទន្ទ្រាន កាន់កាប់ វាស់វែង លក់ដូរ បែកចែកដីធ្លី ក្នុងស្ថានីយ៍ផ្សព្វផ្សាយនិងស្តារព្រៃឈើតាបែន២ផង និងដីកម្មសិទ្ធិស្របច្បាប់ ឬមានប័ណ្ណសម្គាល់អចលនវត្ថុ(ប្លង់រឹង) របស់ប្រជាពលរដ្ឋ ស្ថិតក្នុងភូមិសាស្ត្រឃុំស្លរក្រាម ស្រុកស្វាយចេក និងឃុំសិង្ហ ស្រុកអូរជ្រៅ របស់ក្រសួងរៀបចំដែនដីនគរោបនីយកម្មនិង សំណង់ប្រគល់ជូន ឯកឧត្ដមអភិបាលខេត្ត ចាតកម្លាំងចម្រុះទៅបោះបង្គោលព្រំដីរដ្ឋ និងលើកស្លាកសំគាល់ដីស្ថានិយ៍ដែលត្រូវរក្សាជាសម្បត្តិរដ្ឋ។
ហើយមានមន្ទីរកសិកម្មរុក្ខាប្រមាញ់ និងនេសាទខេត្ត រដ្ឋបាលព្រៃឈើ ត្រូវដោះស្រាយសម្ភារះនិងមធ្យោបាយផ្សេងៗ ក្នុងការចុះបោះបង្គោលព្រំដីនិងលើកស្លាក ។
ចំនែកមន្ទីររៀបចំដែនដី នគរូបនិយ៍កម្មសំណងនិងសុរយោដីខេត្ត ជាអ្នកចុះវាស់វែងកំណត់និយាមការ(TA) ព្រំស្ថាននិយ៍ និងមិនចុះបញ្ជីដល់លក្រុមអាណាធិបតេយ្យនោះទេ។
លោក លី សារី អភិបាលរងខេត្តបន្ទាយមានជ័យ និងមន្ត្រីក្រុមការងារចម្រុះខេត្ត ស្រុក និងមេបញ្ជាការង ស្នងការរង កងកម្លាំរាជអាវុធហត្ថ កងកម្លាំងនគរបាលបានប្រាប់ថាកន្លងមកក្រុមការងារជាថ្មីម្តងទៀត ក៏បានបន្តចុះទៅទប់ស្កាត់ ក្រុមជនអនាធិបតេយ្យ ដែលចូលរុករាននិងបោះបង្គោល ,សាងសង់ខ្ទមឬសំណង់អនាធិបតេយ្យនៅលើដីដែលមានកម្មសិទ្ធិស្របច្បាប់(ប្លង់រឹង) របស់ប្រជាពលរដ្ឋ និងដីរដ្ឋ នៅទីតាំងភូមិសាស្ត្រ ភូមិកណ្តាល ឃុំសិង្ហ ស្រុកអូរជ្រៅ ជាប់ព្រំប្រទល់ ជាមួយឃុំស្លរក្រាម ស្រុកស្វាយចេក ។
ក្នុងបេសកម្មការងារយ៉ាងសស្រាក់សស្រាំដើម្បីទប់ស្កាត់ភាពអាណាធិបតេយ្យដែលបង្ករការលំបាក់ដល់ប្រជាពលរដ្ឋនោះ កន្លងមក លោក អ៊ុ រាត្រី អភិបាលខេត្តនិងជាប្រធានគណៈបញ្ជាការកងឯកភាពរដ្ឋបាលខេត្តបន្ទាយមានជ័យ ក៏បានដឹកនាំមន្ត្រីនិងកងកម្លាំងចុះទប់ស្កាត់ បង្ក្រាបនិងក៍បានផ្ញើសារអំពាវនាវដល់ប្រជាពលរដ្ឋទាំងអស់ សូមមេត្តាឈប់ធ្វើសកម្មភាព រុកទន្ទ្រាន ចាប់ដីកម្មសិទ្ធឯកជនស្របច្បាប់របស់ជាពលរដ្ឋ និងដីរដ្ឋទៀត ។
ពិសេសនោះសូមកុំជឿការឃោសនា បោកប្រាស់ផ្សេងៗរបស់ ក្រុមមេខ្លោងនិងមេខ្យល់ ។
សូមបញ្ជាក់រំលឹកថា៖ជនរំលោភដីធ្លីទាំងនោះជា ពលរដ្ឋមកពីច្រើនប្រភព ច្រើនក្រុមមានមកពីខេត្តកំពត កំពង់ធំ សៀមរាប ប៉ៃលិន បាត់ដំបងនិងពីខេត្តបន្ទាយមានជ័យ រួមទាំងនៅឃុំសឹង្ហស្រុកអូរជ្រៅ មកពីក្រុងសិរីសោភ័ណ ពីឃុំនានាក្នុងស្រុកស្វាយចេក។
ពួកគេបានឭតៗគ្នា និងមានមេខ្លោងបំផុសអោយមកចាប់រំលោភ កាន់កាប់ដីនៅចំណុចដីរដ្ឋនៃស្ថានីយ៍ផ្សព្វផ្សាយនិងស្តារព្រៃឈើតាបែន២ស្ថិតក្នុងភូមិសាស្ត្រឃុំស្លក្រាមនិងឃុំតាបែនស្រុកស្វាយចេក នាពេលថ្មីៗនេះផងនិងពីដើមឆ្នាំ២០១៩មកផង៕ ល
