Home ព័ត៌មានជាតិ សង្គម មន្ទីរជំនាញ​ខ...

មន្ទីរជំនាញ​ខេត្ត​កែប​បង្កើន​ការងារ​ជួសជុល និង​ស្ថាបនា​ផ្លូវ​ឱ្យ​កាន់តែ​ល្អប្រសើរ​

ដោយ​: បូកគោ / កែប​: ក្នុង​បំណង​សម្រួល​ដល់​ការធ្វើដំណើរ​កម្សាន្ត​សម្រាប់​ភ្ញៀវទេសចរ​នាឱកាស​បុណ្យ​ចូលឆ្នាំថ្មី​ប្រពៃណីជាតិ​ខាងមុខ កម្លាំង​នៃ​មន្ទីរ​សា​ធា​រណា​ការ​ខេត្ត​កែប​បាន និង​កំពុង​ជួសជុល ស្ថាបនា​បណ្តា​ផ្លូវ​សំខាន់ៗ​ទូទាំង​ខេត្ត​ឱ្យ​កាន់តែ​ល្អប្រសើរ​ឡើង​។

​លោក ជិន វុទ្ធី អនុប្រធាន​មន្ទីរ​សាធារណការ និង​ដឹកជញ្ជូន​ខេត្ត​កែប​បាន​មានប្រសាសន៍ថា​នា​អំឡុងពេល​ចុងក្រោយ​នេះ កម្លាំង​នៃ​មន្ទីរ​របស់លោក​បាន និង​កំពុង​មមាញឹក​ក្នុង​ការងារ​ជួលជុល ថែទាំ​ផ្លូវ​សំខាន់ៗ ជាច្រើន​ខ្សែ​នៅ​ទូទាំង​ខេត្ត ពិសេស​ផ្លូវ​លេខ​១៣៣២ ដោយ​ប្រែក្លាយជា​ប្រភេទ​ផ្លូវ​ប៉េ​តុង​សរសៃដែក​។ ជាធម្មតា​រាល់​ចុង​សប្តាហ៍ ឬ​ថ្ងៃ​បុណ្យទាន​ម្តងៗ ភ្ញៀវ​ជាតិ និង​អន្តរជាតិ​តែង​មក​កម្សាន្ត​នៅ​រមណីយដ្ឋាន​នានា​ក្នុង​ខេត្ត​កែប​យ៉ាងច្រើន​កុះករ​។ លោក​អនុប្រធាន​មន្ទីរ​បាន​បន្តថា ដើម្បី​លម្អ​សោភ័ណភាព​ផ្លូវ ក៏ដូចជា​សម្រួល​ដល់​ការធ្វើដំណើរ​របស់​ប្រជាពលរដ្ឋ និង​ភ្ញៀវទេសចរ​ទូទៅ​ក្នុងឱកាស​បុណ្យចូលឆ្នាំថ្មី​ប្រពៃណីជាតិ​ខាងមុខ មន្ទីរ​បានធ្វើ​ការបែងចែក​ជាច្រើន​ក្រុម​សម្រាប់​កិច្ចការងារ​ដ៏​មមាញឹក​នេះ​។ កម្លាំង​ទាំងនោះ រួមមាន​ក្រុម​ប៉ះ​អ៊ុត​ផ្លូវ ក្រុម​រៀបចំ​សួនច្បារ​តាម​បណ្តោយ​ផ្លូវជាតិ​លេខ​៣៣ ត​ភ្ជាប់​ជាមួយ​ផ្លូវ​ទៅ​ខេត្តកំពត​ជាដើម​។

​លោក ជិន វុទ្ធី បាន​បញ្ជាក់ថា ចំណែក​ក្រុម​ស្ថាបនា​សាងសង់​ផ្លូវ​បេតុង​សរសៃដែក​បាន និង​កំពុង​បញ្ចេញ​សកម្មភាព​យ៉ាង​សស្រោកសស្រាំ​នៅលើ​កំណាត់​ផ្លូវ​លេខ​១៣៣២ ស្ថិតក្នុង​ឃុំ​អង្កោល ស្រុក​ដំណាក់​ចង្អើរ ខេត្ត​កែប​ដើម្បីឱ្យ​រួចរាល់​មុន​ពិធីបុណ្យ​ចូលឆ្នាំថ្មី​មកដល់​។ ផ្លូវ​មួយ​ខ្សែ​នេះ​មាន​សារសំខាន់​ក្នុង​ការតភ្ជាប់​រវាង​ខេត្ត​កែប និង​ខេត្តកំពត​ឆ្ពោះទៅកាន់​ច្រកទ្វារព្រំដែន​អន្តរជាតិ​ព្រែក​ចាក​ដែលជា​សរសៃឈាម​សេដ្ឋកិច្ច ក៏ដូចជា​ការធ្វើដំណើរ​ប្រចាំថ្ងៃ​៕

ទីតាំងផ្សាយពាណិជ្ជកម្ម

- Advertisment -

Most Popular

អ្នកនាំពាក្យ:ការបិទស្ថានទ...

ដោយ:មុនីរ័ត្ន/ភ្នំពេញ:លោក...

ក្រោយ​ប្រកួត​ជាមួយ រ៉​យ ច...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន អបអ...

ដោយៈ តារា​រិ​ទ្ធ / ភ្នំពេ...

សម្ដេច​ក្រឡាហោម ស ខេង ៖ ម...

ដោយ​:​មុនី​រ័ត្ន / ភ្នំពេ...