គណៈកម្មកា​ទី​១០​ព្រឹទ្ធសភា​និយាយ​រឿង​ទប់ស្កាត់​ការរំលោភ​ដោយ​អំណាច និង​ប្រឆាំង​អំពើពុករលួយ​ជាមួយ​រដ្ឋបាលខេត្ត​បន្ទាយមានជ័យ​

276
ចែករម្លែក

ដោយ​: ភ្នំ​ស្វាយ / បន្ទាយមានជ័យ​: ប្រតិភូ​គណៈកម្មការ​អង្កេត​ស្តីពី​ការ​បោសសំអាត និង​ប្រឆាំង​អំពើពុករលួយ​ព្រឹទ្ធសភា ជួប​ជាមួយ​រដ្ឋបាលខេត្ត​បន្ទាយមានជ័យ​ដោយ​ពិភាក្សា​លើ​ការទប់ស្កាត់​ការរំលោភ​ដោយ​អំណាច និង​រួមចំណែក​ប្រឆាំង​អំពើពុករលួយ​។​

​លោក ម៉ម ប៊ុននាង ប្រធាន​គណៈកម្មការ​ទី​១០​ឬ​គណៈកម្មការ អង្កេត បោសសំអាត​និង​ប្រឆាំង​អំពើពុករលួយ នៃ​ព្រឹទ្ធសភា កាលពី​ថ្ងៃទី​១៨​ខែកុម្ភៈ បាន​មានប្រសាសន៍ថា​៖ ប្រតិភូ​គណកម្មការ​មកជួប​ខេត្ត​នេះ​ដើម្បី​សិក្សា ស្វែងយល់ និង​ប្រមូល​ព័ត៌មាន​ស្តីពី​យុទ្ធសាស្ត្រ និង​គោលនយោបាយ​ប្រឆាំង​អំពើពុករលួយ
​វឌ្ឍនភាព និង​បញ្ហា​ប្រឈម​នានា នៃ​ការអនុវត្ត​ច្បាប់​ស្តីពី​ការប្រឆាំង​អំពើពុករលួយ​វិធានការ​ប្រឆាំង​អំពើពុករលួយ និង​ការរំលោភ​អំណាច ការកសាង​ឯកសារ​គតិយុត្ត​ផ្សេង​ដើម្បី​បង្កើន​ប្រសិទ្ធភាព តម្លាភាព និង​គណនេយ្យភាព​ក្នុងការ​ប្រឆាំង​អំពើពុករលួយ ។​

​លោក​អោម​ចន្ថា អភិបាលរង​ខេត្ត និង​ជា​អភិបាលខេត្ត​ស្តីទី​ខេត្តបន្ទាយមានជ័យ មន្ត្រី​ពាក់ព័ន្ធ​បានទទួល​ល​ជួប​នឹងធ្វើ​របាយការណ៍ ។​

​ប្រធាន​គណៈកម្មការ​ទី​១០ បាន​បន្ថែមថា ៖ ក្នុង​ការងារ​អធិការកិច្ច ជាការ​ងារ​ដែល​លំបាក​ស្មុគស្មាញ ដែល​ទាមទារ​ឲ្យ​ថ្នាក់ដឹកនាំ និង​មន្ត្រីរាជការ ក្រសួង ស្ថាប័ន ត្រូវមាន​សមត្ថភាព និង​ជំនាញ​ច្បាស់លាស់ ក្នុង​កិច្ចការ​បច្ចេកទេស​អធិការកិច្ច និង​សមត្ថភាព​ច្បាប់ ព្រមទាំង​មាន​សីលធម៌​ស្អាតស្អំ​។​
​កន្លងមកនេះ ក្រសួង​ជំនាញ​នានា​បាន​ចុះ​ធ្វើ​អធិការកិច្ច និង​អង្កេត​ស្រាវជ្រាវ​ដើម្បី​ទប់ស្កាត់​ការរំលោភ​ដោយ​អំណាច និង​រួមចំណែក​ប្រឆាំង​អំពើពុករលួយ​។ បាន​អង្កេត​ស្រាវជ្រាវ នៅតាម​អង្គភាព​ថ្នាក់ក្រោម​ជាតិ​ដោយបាន​រកឃើញ​ចំណុច​ខ្វះខាត និង​ភាព​អសកម្ម​មួយចំនួន បានធ្វើការ​កែតម្រូវ ដោយ​បានធ្វើ​សេចក្តីណែនាំ ជា​លិខិតបទដ្ឋាន​គតិយុត្តិ​ជាច្រើន​ជូន​ដល់​បណ្តា​អង្គភាព ដែលមាន​បញ្ហា​ឲ្យ​កែលម្អ​នូវ​រាល់​ចំណុច​ខ្វះខាត​ទាំងឡាយ ដើម្បី​លើកកម្ពស់​អភិបាលកិច្ច​ល្អ ជម្រុញ​ប្រសិទ្ធភាព ផលិតភាព និង​គុណភាព​សេវាសាធារណៈ ដើម្បី​បម្រើ​ប្រជាពលរដ្ឋ​ឲ្យ​កាន់តែ​ប្រសើរ​។​

​លោក​បាន​បន្តថា កន្លងមក ថ្នាក់ដឹកនាំ​មន្ទីរ អង្គភាព និង​មន្ត្រី​ជំនាញ​ពាក់ព័ន្ធ បាន​ខិតខំ​អនុវត្ត​នូវ​តួនាទី​ភារកិច្ច​របស់ខ្លួន ទទួលបាន​លទ្ធផល​ល្អប្រសើរ​។​
ប៉ុន្តែ​ទោះជា​យ៉ាងណាក៏ដោយ ការអនុវត្ត​នូវ​ភារកិច្ច​ទាំងនេះ មិនអាច​ល្អឥតខ្ចោះ​នោះទេ តែងតែមាន​ភាពខ្វះ​ចន្លោះ​ដោយ​ប្រការ​ណាមួយ​ដោយ​អ​ចេតនា ដោយ​កំហុស​បច្ចេកទេស ឬ​ដោយសារ​កម្រិតយល់ដឹង អំពី​ការអនុវត្ត​គោលនយោបាយ ច្បាប់ លិខិតបទដ្ឋាន​គតិយុត្តិ​នានា​ដែល​ថ្នាក់លើ​បានដាក់ចុះ​។​

​តាមរយៈ​ការធ្វើ​អធិការកិច្ច​នោះ គឺជា​កញ្ចក់​សម្រាប់​ឆ្លុះ​ប​ញ្ចំ​ង​ឲ្យ​ឃើញ​នូវ​ចំណុចខ្លាំង បញ្ហា​ប្រឈម​នានា ដែល​យើង​បាន​ជួបប្រទះ ហើយ​ដែល​ក្រុមការងារ​បាន​រកឃើញ និង​ផ្តល់នូវ​អនុសាសន៍​ជា​មូលដ្ឋាន​សម្រាប់​កែលម្អ​ឡើងវិញ ដែលជា​ការរួមចំណែក​លើកកម្ពស់​នូវ​ការអនុវត្ត​តួនាទី ភារកិច្ច​កាន់តែ​មាន​ប្រសិទ្ធភាព​៕ ល​

អាជ្ញាប័ណ្ណចែកចាយផ្តាច់មុខ