ណា​រី​ម និង ឆ​ពុំ ចេញ​បទ WESTERDAM THANK YOU CAMBODIA ធ្វើឲ្យមាន​ការ​គាំទ្រ យ៉ាងខ្លាំង​

479
ចែករម្លែក

​ភ្នំពេញ​៖ តារាម្រៀង​នៅក្នុង​កម្មវិធី ចម្រៀង​គ្រួសារ​ខ្មែរ “​លោក អ៊ុក ណា​រី​ម និង​អ្នកនាង ឆោម ឆ​ពុំ បានចេញ​ចម្រៀង​មួយ​បទ ដែលមាន​ចំណងជើង​ថា “WESTERDAM THANK YOU CAMBODIA” ដែល​បទ​នេះ មាន​អត្ថន័យ​ជ្រៀលជ្រៅ​ចាក់​ដោត​ដល់​បេះដូង​កូន​ខ្មែរ​ដែល​គាំទ្រ ដល់​សម្ដេច​អគ្គមហាសេនាបតី​តេ​ជោ នាយករដ្ឋមន្ត្រី នៃ​ព្រះរាជណាចក្រ​កម្ពុជា​ដែល​បាន សង្គ្រោះ​និង​អនុញ្ញាតឲ្យ​នាវា​ទេសចរណ៍ Westerdam ចូល​ចត​នៅលើ​ទឹកដី​កម្ពុជា ។​

​អត្ថន័យ​បទ​ចម្រៀង ” WESTERDAM THANK YOU CAMBODIA” នេះ បាន​និយាយ​រៀបរាប់ អំពី​ថ្ងៃ ១៣ កុម្ភៈ ឆ្នាំ​២០២០ ដែល​កូន​ខ្មែរ និង បណ្ដា​ប្រទេស​នៅ​ជុំវិញ​ពិភពលោក​ចងចាំមិន​ភ្លេច ដែល​នាវា Westerdam ផុត​កម្ម​ពី​ជំងឺ​ភ័យ ដោយសារ​សមុទ្រ​កម្ពុជា​បើក​ជំហរ​ផ្ដល់ក្ដីសង្ឃឹម​ថ្មី ចម្រុះ​ជាតិ​សាសន៍ ៤១ សញ្ជាតិ ដែល​នៅលើ​នាវា​នោះ ។

ចំណែក​ថ្ងៃ ១៤ កុម្ភៈ​វិញ សម្ដេច​អគ្គមហាសេនាបតី​តេ​ជោ ហ៊ុន សែន បានបញ្ជាក់​ក្ដីស្រឡាញ់​ដល់​ភ្ញៀវទេសចរ​ជាង ២​ពាន់នាក់ ដែល​បានមក​ជូន​ដំណើរ​ពួកគាត់ ​ហើយ​ថែមទាំង ជូន​បាច់ផ្កា​ម្នាក់​មួយ​ដើម ដោយ​បង្ហាញ​ក្តី​ស្រឡាញ់ និង​យកចិត្តទុកដាក់​ពីស​ម្ដេច​តេ​ជោ ក៏ដូចជាបងប្អូន​ប្រជាពលរដ្ឋ​ខ្មែរ ទូទាំងប្រទេស ពេលនោះ​ធ្វើឲ្យ​ពួកគេ រំភើប​ទះដៃ​អបអរ អគុណ​ដល់​កម្ពុជា ក្រោម​ការដឹកនាំ​របស់​សម្ដេច​អគ្គមហាសេនាបតី​តេ​ជោ ហ៊ុន សែន ដោយ​មិន​ប្រកាន់ ឬ​រើសអើង​ពូជសាសន៍​ដទៃ ក្នុងពេល​ជួប​គ្រោះភ័យ​អាសន្ន​។

ចំពោះ​អត្ថន័យ​បទ​ចម្រៀង “WESTERDAM THANK YOU CAMBODIA” ក្រោម​មេឃ​តែមួយ រួមគ្នា​ជួយ​គិត​ដោះស្រាយ បញ្ហា​ទាំងឡាយ ខ្វល់ខ្វាយ​ឱ្យបាន​ធូរស្បើយ ប្រទេស​តូច​ពិតតែ ចិត្ត​មិន​ចង្អៀត​ឡើយ សន្តិភាព​កម្ពុជា ត្រូវ​ដោះស្រាយ​ជោគជ័យ បេះដូង​គុណធម៌ មនុស្សធម៌ សម្ដេច​តេ​ជោ ដ៍​ថ្លាថ្លៃ លោក​មិន​រើសអើង​ពូជសាសន៍​ដទៃ ក្នុងពេល​ទុក្ខ​ភ័យ ជួប​ក្ដី​អាសន្ន មនុស្សជាតិ​ក្នុង​លោក រ​ភើ​ប​ពេកពន់ រីករាយ​អគុណ​គ្នា​អ្វី​ប្រៀប​បានឡើយ​។ បទ​ចម្រៀង WESTERDAM THANK YOU CAMBODIA ទទួលបាន​កោតសរសើ​រ​និង​គាំទ្រ យ៉ាងខ្លាំង​ពី​សំណាក់​ពុក​ម៉ែ​បងប្អូន និង​មហាជន​គ្រប់​មជ្ឈដ្ឋាន​ដោយ​ពួកគាត់​បានលើកឡើង​ថា ក្រៅពី​កាន់​កម្មវិធី “​ចម្រៀង​គ្រួសារ​ខ្មែរ​” ឲ្យ​ល្បីល្បាញ​ដែល​កម្មវិធី​នោះ តែងតែមាន​តារា ចម្រៀង​ល្បីៗ​ក្មេង​ចាស់​ជាច្រើន​ហើយ​នោះ លោក អ៊ុក ណា​រី​ម និង​អ្នកនាង ឆោម ឆ​ពុំ ឆ្លៀត​ដាក់​មួយ​បទ​ខាងលើ ធ្វើឲ្យ​ចាក់​ចំ​បេះដូង​កូន​ខ្មែរ ឲ្យ​ចងចាំ​មិន​ភ្លេច​ទៀត​ក្នុង​ព្រឹត្តិការណ៍​១៣ កុម្ភៈ​៕ ដោយ​៖ បូ​រិ​ន​/Ha

អាជ្ញាប័ណ្ណចែកចាយផ្តាច់មុខ