កម្ពុជា​កំពុង​បណ្តុះបណ្តាល​មនុស្ស ដើម្បី ធ្វើ​អង្កេត​រហ័ស​ជនអនាថា​ទូទាំងប្រទេស​នៅ​ខែ ឧសភា​

ដោយៈ មេសា​/ភ្នំពេញៈ លោក ឈួ​រ សុ​បញ្ញា ប្រធាន​នាយកដ្ឋាន​សុខុមាលភាព​សង្គម នៃ ក្រសួង​សង្គមកិច្ច អតីតយុទ្ធជន និង យុវនីតិសម្បទា បានលើកឡើង​អំពី​សារសំខាន់ នៃ ការប្រមូល​ទិន្នន័យ​ជនអនាថា​នៅ​ទូទាំងប្រទេស​ថា កន្លងមក​ទិន្នន័យ នៃ ជនអនាថា​នៅ​ទូទាំងប្រទេស យើង​មិនទាន់មាន​ភាបច្បាស់លាស់ ម្យ៉ាងទៀត​ទិន្នន័យ​នោះ​ជា​លក្ខណៈ​ប្រពៃណី ។ ហេតុនេះ​នៅ​ខែ ឧសភា ខាងមុខនេះ យើង​នឹងធ្វើ​អង្កេត​រហ័ស​ទៅលើ​ជនអនាថា​ក្នុង​ក្របខណ្ឌ​ទូទាំងប្រទេស ហើយ​ទិន្នន័យ​នោះ​ពិតជា​សំខាន់​ណាស់ សម្រាប់​យកមក​វិភាព និង រៀបចំ​ផែន​ឆ្លើយតប ដោះស្រាយ​បញ្ហា​ជនអនាថា​ឱ្យ​ប្រកបដោយ​ប្រសិទ្ធភាព​ខ្ពស់ ហើយ​ទិន្នន័យ​នោះ យើង​នឹង​ផលិតឡើង​បែប​ឌីជីថល ដើម្បី ឱ្យស្រប​ទៅនឹង​ទស្សនវិស័យ​របស់​រាជ​រដ្ឋាភិបាល ដែល​កំពុង​ធ្វើ​បណ្តើរៗ​ឱ្យ​ក្លាយជា​រាជរដ្ឋាភិបាល​បែប​ឌីជីថល ។​


​លោក ឈួ​រ សុ​បញ្ញា ថ្លែង​បែបនេះ នៅក្នុង​វគ្គ​បណ្តុះបណ្តាល​គ្រូឧទ្ទេស​អង្កេត​រហ័ស​ជនអនាថា ដែល​វគ្គ​បណ្តុះបណ្តាល​នេះ​ធ្វើ​នៅឯ​ក្រសួង​សង្គមកិច្ច រយៈបេល​ថ្ងៃ គឺ​នៅ​ថ្ងៃទី ១៩ ទី ២០ និង ទី ២១ ខែ កុម្ភៈ ឆ្នាំ ២០២០ ។​


​កន្លងមក​អ្នកពាក់ព័ន្ធ​ទាំងឡាយ ដែល​ធ្វើការ​លើ​វិស័យ​ជន​អានា​ថា គឺ​ធ្វើការ​ដោយ​ផ្អែកទៅលើ​តែ​ទិន្នន័យ​ជាក់ស្តែង​ដែល​គេ​រកបាន​តាម​លទ្ធភាព​ប៉ុណ្ណោះ ដែល​ទិន្នន័យ​ទាំងនោះ​មាន​លក្ខណៈ​មិនទាន់​ចុះសម្រុង​គ្នា​ផង ហើយ​ត្រូវបាន​គេ​ជឿថា មិនទាន់មាន​សុក្រឹតភាព​នៅឡើយ​ផង ហើយក៏​ប្រហែលជា​ដោយសារ​ហេតុ​នោះដែរ ទើប​ការឆ្លើយតប​ចំពោះ​បញ្ហា​ជនអនាថា​កន្លងមក មិនសូវមាន​ប្រសិទ្ធភាព​តាម​ការចង់បាន ហើយ​ជា​លទ្ធផល ទើប​បញ្ហា​ជនអនាថា ដោះស្រាយ​មិនចេះ​អស់​មិនចេះហើយ ។​


​ដូច្នេះ ប្រសិនបើ​បានធ្វើ​ដូច​ការលើកឡើង​របស់​លោក ឈួ​រ សុ​បញ្ញា មែន​នោះ វា​នឹង​ជា​លើក​ទី ១ ហើយ​នៅ​កម្ពុជា ដែលមាន​ការប្រមូល​ចងក្រង​ទិន្នន័យ​ជនអនាថា​នៅ​ទូទាំងប្រទេស​បែប​វិទ្យាសាស្ត្រ ហើយ​ទិន្នន័យ​នោះ ក៏​នឹង​ជា​ក្តី​រំពឹង​មួយ​ដែលថា បញ្ហា​របស់​ជនអនាថា​នៅ​ទូទាំងប្រទេស នឹង​ត្រូវបាន​ដោះស្រាយ​មាន​ប្រសិទ្ធភាព​ជាង​មុន ព្រោះ​ ​ដើម្បី ធ្វើ​អង្កេត​រហ័ស​ជនអនាថា តាម​ការគ្រោងទុក​មក​នោះ បន្ទាប់ពី​វគ្គ​បណ្តុះបណ្តាល​គ្រូឧទ្ទេស​នេះ​ទៅ នាយកដ្ឋាន​សុខុមាលភាព​សង្គម នៃ ក្រសួង​សង្គមកិច្ច និង អ្នកពាក់ព័ន្ធ នឹង នៅ​ត្រូវ​បណ្តុះបណ្តាល គ្រូ​បង្គោល និង ជន​បង្គោល​ជា​បន្តបន្ទាប់​ទៀត​សរុប​ជាង ៥០០ នាក់​នៅ​ទូទាំងប្រទេស ហើយ​ការងារ​ដ៏​សំខាន់​មួយ​នេះ មានការ​ចូលរួម​ពី​អន្តរក្រសួង​ដែល​ក្នុងនោះ​មាន​ក្រសួង​សង្គមកិច្ច​ជា​សាមីក្រសួង ក្រសួងមហាផ្ទៃ ជាដើម និង អង្គការក្រៅរដ្ឋាភិបាល​ជាតិ អន្តរជាតិ​មួយចំនួនទៀត ដោយបាន​ការគាំទ្រ​ដោយ​អង្គការ UNICEF៕ Kh

លោក ឈួ​រ សុ​បញ្ញា នៅក្នុង​វគ្គ​បណ្តុះបណ្តាល​គ្រូឧទ្ទេស​អង្កេត​រហ័ស​ជនអនាថា ( រូបៈ មេសា )
​អ្នកចូលរួម​ក្នុង​វគ្គ​បណ្តុះបណ្តាល​គ្រូឧទ្ទេស​អង្កេត​រហ័ស​ជនអនាថា ( រូបៈ មេសា )

ទីតាំងផ្សាយពាណិជ្ជកម្ម

- Advertisment -



Most Popular