Home ព័ត៌មានជាតិ សេដ្ឋកិច្ច ​លើកកម្ពស់​ផល...

​លើកកម្ពស់​ផលិតផល​ខ្មែរ​ត្រៀម​ដាក់តាំង​លក់​នៅ​បន្ទាយមានជ័យ​ក្នុងឱកាស​ចូលឆ្នាំ​ខ្មែរ​ខាងមុខ

ដោយ​៖​ប​.​ជ័យ​/​បន្ទាយមានជ័យ​៖​ការលើកកម្ពស់​ផលិតផល​របស់​ខ្មែរ​ត្រៀម​ដាក់តាំង​លក់​នៅក្នុង​សួន​មានជ័យ​ក្រុង​សិរីសោភ័ណ​ខេត្តបន្ទាយមានជ័យ​ក្នុងឱកាស​បុណ្យចូលឆ្នាំ​ខ្មែរ​ខាងមុខ​ត្រូវបាន​លើក​មក​និយាយ​ក្នុង​កិច្ចប្រជុំ​មួយ​។​
លោក​អោម​ចន្ថា​អភិបាលរង​ខេត្តបន្ទាយមានជ័យ​និង​មន្ត្រី​ពាក់ព័ន្ធ​លើកឡើង​កាលពី​ថ្ងៃទី​១៨​ខែកុម្ភៈ​ឆ្នាំ​២០២០​ថា​៖​ដើម្បី​លើកកម្ពស់​ផលិតផល​របស់​ខ្មែរ​ឱ្យ​កាន់តែ​ល្បីឈ្មោះ​នៅលើ​ឆាក​អន្តរជាតិ​។​ត្រូវ​ពលរដ្ឋ​យើង​ទទួលស្គាល់​និង​យកទៅ​ប្រើប្រាស់​ក្នុងឱកាស​ចូលឆ្នាំ​ខ្មែរ​ជិត​ចូល​មកដល់​។​

​អាជ្ញាធរ​ដែនដី​និង​ជំនាញ​ពាណិជ្ជកម្ម​ខេត្ត​នឹង​បាន​រៀប​ចាំ​ដាក់តាំង​លក់​ផលិតផល​ខ្មែរ​នៅក្នុង​ស្តង់​តាំង​បង្ហាញ​និង​តាំង​លក់​នានា​នៅ​សួន​មានជ័យ​ឬ​សួន​វេទិកា​ខេត្ត​ស្ថិតនៅ​កណ្តាល​ទីប្រជុំជន​ខេត្ត​។​គម្រោង​នេះ​គឺ​ដើម្បី​សាង​ទំនុកចិត្ត​លើ​ផលិតផល​ខ្មែរក្រោម​ប្រធានបទ​៖”​ការលើក​កំពស់​ផលិតផល​កម្ពុជា​”​។​លោក​បន្តថា​៖​គម្រោង​នេះ​មាន​គោលបំណង​ទូងស្គរ​ពញ្ញាក់​ស្មារតី​មហាជន​ទូទៅ​ដើម្បីឱ្យ​ងាក​មករក​កា​គាំទ្រ​ការប្រើប្រាស់​ផលិតផល​ក្នុងស្រុក​ដែលជា​ផលិតផល​ដោយ​សហគ្រាស​កម្ពុជា​ឱ្យបាន​ច្រើន​ជា​អភិ​បរមា​។​

លោក​ប៉ុក​ឡាយ​ជី​និយាយ​បន្ថែមថា​៖​មន្ទីរ​ពាណិជ្ជកម្ម​កំពុង​ប្រមូល​គៀងគរ​ផលិតផល​របស់​ខ្មែរ​ដែលមាន​គុណភាព​ខ្ពស់​មាន​អនាម័យ​ហើយ​មាន​សុវត្ថិភាព​សម្រាប់​អ្នកប្រើប្រាស់​ដូចជា​មានការ​វេច​ខ្ចប់​ដាក់​ស្លាក​សញ្ញា​សំគាល់​ស៊ី​ជំរៅ​និង​ទូលំទូលាយ​ឱ្យបាន​ត្រឹមត្រូវ​។​គឺ​អនុលោម​តាម​ស្តង់ដារ​ផលិតកម្ម​ពី​គ្រប់ទិសទី​ទូទាំងប្រទេស​មក​ដាក់តាំង​លក់​ដើម្បី​បង្ហាញ​ឱ្យ​មហាជន​បាន​ដឹងបាន​ស្គាល់​អំពី​ផលិតផល​ខ្មែរ​យើង​។​

​លោក​ស៊ា​ង​ថៃ​អនុរដ្ឋលេខាធិការ​ក្រសួងពាណិជ្ជកម្ម​បាន​មានប្រសាសន៍​ថស​នេះ​ជា​ឱកាសល្អ​សម្រាប់​អ្នកចូលរួម​ទាំងអស់​ឱ្យបាន​យល់ដឹង​អំពី​ការពាក់ព័ន្ធ​ចង្វាក់​ផលិតកម្ម​ដើម្បី​រក​ដំណោះស្រាយ​ឱ្យ​អាជីវករ សហគ្រាស​សិប្បកម្ម ធុន​តូច មធ្យម​។​គឺ​ពួកគេ​នឹង​យក​ចំណេះដឹង​បន្ថែម​ក្នុងការ​ស្វែងរក​ទីផ្សារ បច្ចេកទេស​ដាំ​ដុះ​បច្ចេកទេស​ផលិត​កែច្នៃ​បង្កើត​ថ្មី​នូវ​ផលិតផល​ឬ​ទំនិញ​ដោយ​ផ្តើមចេញពី​ការប្រើប្រាស់​វត្ថុធាតុដើម​ដែលមាន​ស្រាប់​ក្នុងស្រុក​៕S/

​រូបថត​៖​មន្ត្រី​ថា​សូម​ទូងស្គរ​លើក​កំពស់​ផលិតផល​របស់​ខ្មែរ​ត្រៀម​ដាក់តាំង​លក់​នៅ​បន្ទាយមានជ័យ​ក្នុងឱកាស​បុណ្យចូលឆ្នាំ​ខ្មែរ​ឆ្នាំជូត​ខាងមុខ​(​រូប​៖ ប​.​ជ័យ​)​

ទីតាំងផ្សាយពាណិជ្ជកម្ម

- Advertisment -

Most Popular

ព្រឹត្តិការណ៍​សហគមន៍ ២៨ វ...

​ដោយៈ ស​រិ​ទ្ធ / ភ្នំពេញៈ...

ពលរដ្ឋ​ខេត្តតាកែវ សម្រុក​...

ដោយៈ តាកែវ / តាកែវៈ ប្រជា...

រថយន្ដ​និង​រថយន្ដបុក​គ្នា...

ដោយៈ​ស​រិ​ទ្ធ​/​កំពង់ស្ពឺ...

សកម្មភាព​រោងចក្រ​ចិន​កើន​...

​ប្រែ​សម្រួល : កញ្ញា​ដា​ល...