Home ព័ត៌មានជាតិ សេដ្ឋកិច្ច ​វិនិយោគិន​កូ...

​វិនិយោគិន​កូរ៉េ​មក​ឈ្វេងយល់​ពី​ការលក់​មូល​ប​ត្រក​ម្មសិ​ទិ្ធ​ជា​សាធារណៈ​របស់​អេ​ស៊ី​ល​ដា​

​ដោយៈ​សុផល​/​ភ្នំពេញ​៖​វិនិយោគិន​កូរ៉េ​ប្រមាណ​ជាង​៥០​នាក់​បាន​ចាប់អារម្មណ៍​និង​ចូលរួម​ស្ដាប់​នូវ​បទ​បង្ហាញ​និង​ការផ្សព្វផ្សាយ​ការលក់​មូល​ប​ត្រ​កម្មសិទ្ធិ​ជា​សាធារណៈ​របស់​ធនាគារ​អេស៊ីលីដា​ដើម្បី​អាច​សម្រេចចិត្ត​ដាក់ទុន​វិនិយោគ​ជាមួយ​អេស៊ីលីដា​ក្នុងពេល​ធនាគារ​បោះផ្សាយ​លក់​ជា​ផ្លូវការ​នូវ​មូល​ប​ត្រ​នៅ​ផ្សា​រមូល​ប​ត្រ​កម្ពុជា ឆាប់ៗ​ខាងមុខនេះ ។

​ថ្លែង​នៅក្នុង​សិក្ខាសាលា​ផ្សព្វផ្សាយ​ពី​ការលក់​មូល​ប​ត្រក​ម្មសិ​ទិ្ធ​ជា​សាធារណៈ​នៅ​ការិយាល័យ​អេស៊ីលីដា​កាលពី​ល្ងាច​ថ្ងៃទី​១៩​ខែកុម្ភៈ​ឆ្នាំ​២០២០​លោក​បណ្ឌិត​អ៊ិន​ចាន់នី​ប្រធាន​នាយក​ប្រតិបត្តិ​ធនាគារ​អេស៊ីលីដា​ភីអិលស៊ី​បាន​មានប្រសាសន៍ថា​៖​សិក្ខាសាលា​ផ្សព្វផ្សាយ​ស្តីពី​ការលក់​មូល​ប​ត្រក​ម្មសិ​ទិ្ធ​ជា​សាធារណៈ​របស់​អេ​ស៊ី​ល​ដា​មិនមែនជា​លើក​ទី​១​ទេ​គឺ​បានធ្វើ​៤​លើក​កន្លងមកហើយ​។

តែ​កន្លងមក​គឺធ្វើឡើង​សម្រាប់​ប្រជាជន​កម្ពុជា​ដោយ​សំដៅ​ទៅលើ​ការបោះ​ផ្សាយ​សម្រាប់​សាធារណជន​។​សម្រាប់​សិក្ខាសាលា​ផ្សព្វផ្សាយ​នៅ​ល្ងាច​ថ្ងៃទី​១៩​កុម្ភៈ​នេះ​គឺធ្វើឡើង​សម្រាប់​ក្រុមហ៊ុន​ដែល​ចាប់អារម្មណ៍​ក្នុងនោះ​កូរ៉េ​ជា​វិនិយោគិន​មាន​សក្ដានុពល​មួយ​សម្រាប់​ធនាគារ​អេស៊ីលីដា​ដែល​ត្រូវរ​កដៃ​គូរ​វិនិយោគ​នេះ ។​

​លោក​បណ្ឌិត បាន​បន្តថា​៖​ផ្សា​រមូល​ប​ត្រ​មិនមែន​មានតែ​មួយថ្ងៃ ឬ​មិនមែន​សម្រាប់តែ​ក្រុម​ណាមួយ​ទេ វា​គឺជា​ទីផ្សារសេរី​ដែល​ដាក់លក់​ជាប្រចាំ​ថ្ងៃ និង​សម្រាប់​សាធារណជន​ដែលមាន​លុយ​អាច​ទិញ​បាន ។​តែ​សម្រាប់​ធនាគារ​អេស៊ីលីដា​បាន​ផ្ដោតទៅលើ​ប្រជាជន​កម្ពុជា​ជាអាទិ​ភាពជាក់ស្ដែង​សិក្ខាសាលា​៤​វគ្គ​កន្លងមក​គឺ​សម្រាប់​ប្រជាជន​កម្ពុជា​ហើយ​ទើបតែ​លើក​នេះ​គឺ​សម្រាប់​វិនិយោគិន​បរ​-​ទេស ។

​ប្រធាន​នាយក​ប្រតិបត្តិ​ធនាគារ​អេស៊ីលីដា​រូបនេះ​បាន​បន្ថែមថា ចាប់ពី​ថ្ងៃទី​២៦​ខែកុម្ភៈ ដល់​ថ្ងៃទី​២ ខែមីនា​អេស៊ីលីដា​នឹងធ្វើ​សិក្ខាសាលា​លំអិត​ដើម្បី​ផ្សព្វផ្សាយ​ដល់​សាធារណជន​ហើយ​បើតាម​គម្រោង​នៅ​ថ្ងៃទី​៣ និង​ថ្ងៃទី​១០​ខែមីនា ឆ្នាំ ២០២០​នឹង​បង្ហាញ​កាន់តែ​លម្អិត​បន្ថែមទៀត​ពី​ព័ត៌មាន​បោះផ្សាយ ដែលជា​ពេលវេលា​កាន់តែ​ជិត​ដល់​ថ្ងៃ​បោះផ្សាយ​តែម្ដង​។

​លោក​ChangMooShin​ប្រធាន​សមាគម​ក្រុមហ៊ុន​ហិរញ្ញវត្ថុ​កូរ៉េ​នៅ​កម្ពុជា​បាន​មានប្រសាសន៍​ផងដែរ​ថា​ភ្ញៀវ​ដែល​បាន​អញ្ជើញ​ចូលរួម​ក្នុង​សិក្ខាសាលា​ផ្សព្វផ្សាយ​របស់​ធនាគារ​អេស៊ីលីដា ក្នុងថ្ងៃនេះ មកពី​ក្រុមហ៊ុន​ហិរញ្ញវត្ថុ​កូរ៉េ​នៅ​កម្ពុជា និង​ក្រុមហ៊ុន​ដែលមាន​មូលដ្ឋាន​នៅ​ប្រទេស​កូរ៉េ​ផ្ទាល់​តែម្ដង ។

​លោក​បន្តថា​កូរ៉េ​ជា​វិនិយោគិន​ដែលមាន​បទពិសោធន៍​ក្នុងការ​វិនិយោគ​លើ​វិស័យ​មូល​ប​ត្រ​។​ដូច្នេះហើយ​ទើប​យើង​អញ្ជើញ​ពួកគាត់​មក​កម្ពុជា​ដើម្បី​បាន​ស្វែងយល់​ពី​សក្ដានុពល​វិនិយោគ​លើ​វិស័យ​មូល​ប​ត្រ ក្នុងប្រទេស​កម្ពុជា ហើយក៏​ចង់​ផ្ដល់ឱកាស​វិនិយោគ ដល់​វិនិយោគិន​មកពី​កូរ៉េ ក្នុង​វិស័យ​ហិរញ្ញវត្ថុ ក្នុងប្រទេស​កម្ពុជា​ផងដែរ ។

​គួរ​បញ្ជាក់ថា​អេស៊ីលីដា​ជា​ធនាគារ​ទី​១​ដែល​ទទួលបាន​ការអនុញ្ញាត​ឱ្យ​បោះផ្សាយ​លក់​មូល​ប​ត្រ​កម្មសិទ្ធិ​ជា​សាធារណៈ​នៅ​ផ្សា​រមូល​ប​ត្រ​កម្ពុជា​។​ប្រជាជន​និង​វិនិយោគិន​ក្នុង​និង​ក្រៅប្រទេស​ហាក់​មានការ​ចាប់​អារម្មណ៍​និង​ត្រៀមខ្លួន​វិនិយោគ​ជាមួយ​ធនាគារ​អេស៊ីលីដា​នៅពេលដែល​ធនាគារ​នេះ​ចាប់ផ្ដើម​បោះផ្សាយ​លក់​មូល​ប​ត្រក​កម្មសិទ្ធិ​ជា​សាធារណៈ​ជា​ផ្លូវការ​។​

​ធនាគារ​អេស៊ីលីដា​ភីអិលស៊ី​គ្រោង​នឹង​បោះផ្សាយ​លក់​មូល​ប​ត្រ​កម្មសិទ្ធិ​ឬ​ហៅថា​លក់​ភាគហ៊ុន​លើកដំបូង​ជា​សាធារណៈ​នៅ​កម្ពុជា​ក្នុងពេល​ឆាប់ៗ​ខាងមុខនេះ​បន្ទាប់ពី​ទទួលបាន​ការយល់ព្រម​ពី​ធនាគារជាតិ​នៃ​កម្ពុជា​កាលពី​ចុងខែ​វិច្ឆិកា​ឆ្នាំ​២៩០១៩​។​ធនាគារ​នៅ​រង់ចាំ​ការយល់ព្រម​ពី​គណៈកម្មការ​មូល​ប​ត្រ​កម្ពុជា​មួយទៀត នឹង​អាច​បោះផ្សាយ​លក់​មូល​ប​ត្រ​កម្មសិទ្ធិ​បាន​។​

​ការផ្សព្វផ្សាយ​ស្តីពី​ការជួញដូរ​ភាគហ៊ុន​ដល់​វិនិយោគិន​ដែលមាន​សក្តានុពល​នៅ​កម្ពុជា​គឺ​ដើម្បី​ឲ្យ​ពួកគេ​ទទួលបាន​ចំណេះដឹង​ច្បាស់លាស់​ទាក់ទិន​នឹង​ហានិភ័យ​និង​អត្ថប្រយោជន៍​នៃ​ការជួញដូរ​ផ្សារ​ហ៊ុន​នេះ​មុននឹង​ធ្វើការ​សម្រេចចិត្ត​បើក​គណនី​ជូ​ញ​ដូរ​ជាមួយ​ធនាគារ​អេស៊ីលីដា​៕S/​

ទីតាំងផ្សាយពាណិជ្ជកម្ម

- Advertisment -

Most Popular

ដាក់លក់​ឈើ​ដូច​ផ្សារ​ត្រី...

ដោយៈ សុខុម / ស្ទឹងត្រែង​:...

គ្រូពេទ្យនឹងចុះទៅយកវត្ថុស...

ដោយៈ​មុនី​រ័ត្ន​/​ភ្នំពេញ...

ក្រសួង​អប់រំ លើក​ពេល​ប្រក...

​ដោយៈ ដេប៉ូ / ភ្នំពេញៈ ដើ...

សមត្ថកិច្ច ឲ្យ​ស្ត្រី​ម្ន...

ដោយៈ ស​រិ​ទ្ធ / បាត់ដំបងៈ...