ដោយៈគ្រញូង/បាត់ដំបង៖កាលពីរសៀលថ្ងៃទី១៩ខែកុម្ភៈឆ្នាំ២០២០ស្ថិតនៅចំណុចភូមិដង្គត់ឃុំស្តៅស្រុករតនមណ្ឌលខេត្តបាត់ដំបងមានការភ្ញាក់ផ្អើលដោយភ្លើងឆេះព្រៃរាលទៅឆេះដំណាំស្វាយកែវល្មៀតចំនួន២០០ដើមនិងទុយោទឹកមួយចំនួន។
លោកគឹមប៊ុនធឿននាយការិយាល័យបង្ការពន្លត់អគ្គិភ័យនិងសង្គ្រោះបានឱ្យដឹងថាករណីអគ្គិភ័យឆេះដំណាំស្វាយនេះដំបូងឡើយផ្តើមចេញពីភ្លើងឆេះព្រៃ។លុះក្រោយមកក៏បានឆេះរាលដាលជាបន្តបន្ទាប់រហូតចូលដល់ចម្ការស្វាយបណ្ដាលឆេះអស់ដើមខស្វាយចំនួន២០០ដើមនិងទុយោទឹកមួយចំនួនសម្រាប់ស្រោចដើមស្វាយ។
លោកនាយការិយាល័យបានបន្តថាម្ចាស់ចម្ការស្វាយមានឈ្មោះថងបូរ៉ាភេទប្រុសអាយុ៥៩ឆ្នាំរស់នៅចំណុចកើតហេតុខាងលើ។លោកគឹមប៊ុនធឿនបានបញ្ជាក់ថាក្នុងហេតុការណ៍គ្រោះអគ្គិភ័យនោះកម្លាំងនៃនគរបាលស្រុកបានចុះសហការជាមួយកម្លាំងប្រជាការពារនិងប្រជាពលរដ្ឋបាននាំគ្មាចេញអន្តរាគមន៍ពន្លត់ដោយបានចេញរថយន្តពន្លត់អគ្គិភ័យចំនួន១គ្រឿងបាញ់ពន្លត់ដោយប្រើប្រាស់ទឹកអស់ចំនួន១រថយន្តទើបរលត់ទៅវិញ។
មន្ត្រីនគរបាលខេត្តបាត់ដំបងបានឱ្យដឹងថារយៈពេលជិតពីរខែដើមឆ្នាំ២០២០នេះស្រុករតនៈមណ្ឌលជួបគ្រោះអគ្គិភ័យកើតមានចំនួន៤លើកនិងបង្កឱ្យប៉ះពាល់ខូចខាតមាន៖-ឆេះផ្ទះអស់ចំនួន១ខ្នង-ម៉ូតូចំនួន១គ្រឿង-ម៉ាស៊ីនកាត់ឈើចំនួន១គ្រឿង-ស្វាយកែវល្មៀតចំនួន៣៥០ដើម-មៀនចំនួន២០១ដើម-ស្វាយចន្ទីចំនួន៦ដើមនិងទុយោទឹកចំនួនជាង២០០ដើម៕S/
