ឈ្មោះ​បេក្ខជន​ប្រឡង​ជាប់​ក្នុង​ក្របខ័ណ្ឌ​បញ្ជាការដ្ឋាន​កងទ័ពជើងគោក​ប្រកាស​ថ្ងៃ​២១​កុម្ភៈ​

565
ចែករម្លែក

ដោយៈ​មុនី​រ័ត្ន​/​ភ្នំពេញៈ​លទ្ធផល​នៃ​ការជ្រើសរើស​ពលទាហាន​បំពេញ​ក្របខ័ណ្ឌ​បញ្ជាការដ្ឋាន​កងទ័ពជើងគោក នឹងត្រូវ​ប្រកាស នៅ​ថ្ងៃ ទី​២១​កុម្ភៈ​ស្អែក​នេះ​។ យោងតាម​គណៈកម្មការ​ជ្រើសរើស​យុវជន​ស្ម័គ្រចិត្ត​បំពេញ​ក្របខ័ណ្ឌ​ឲ្យ​កងទ័ពជើងគោក ការប្រកាស​លទ្ធផល​នឹងត្រូវ​បិទ នៅតាម​បណ្តា​ទីតាំង​មួយចំនួន​ដូចជា​នៅ​ការិយាល័យ​ទី​១​នៃ​កងទ័ពជើងគោក ដែល​ស្ថិតនៅក្នុង​ខណ្ឌ​កំបូល រាជធានី​ភ្នំពេញ​, ទីបញ្ជាការ​យោធភូមិភាគ​ទី​១ ដែល​ស្ថិតក្នុង​ក្រុង​ស្ទឹងត្រែង ខេត្ត ស្ទឹងត្រែង , នៅ​យោធភូមិភាគ​ទី​២​ដែល​ស្ថិតក្នុង​ក្រុង​កំពង់ចាម ខេត្តកំពង់ចាម​, នៅ​យោធភូមិភាគ​ទី​៣ ស្ថិតក្នុង ក្រុង​ច្បារមន ខេត្តកំពង់ស្ពឺ​, នៅ​ទីបញ្ជាការ​យោធភូមិភាគ​ទី​៤ ស្ថិតក្នុង​ក្រុង​សៀមរាប ខេត្តសៀមរាប​, នៅ​ទីប​ញ្ជា ការ​យោធភូមិភាគ​ទី​៥ ស្ថិតក្នុង​ក្រុង​បាត់ដំបង ខេត្តបាត់ដំបង​, នៅ​ទីបញ្ជាការ​យោធភូមិភាគ​ពិសេស ស្ថិតក្នុង ខណ្ឌដង្កោ រាជធានី​ភ្នំពេញ​, នៅ​ទីបញ្ជាការ​កងពលធំ​អន្តរាគមន៍​លេខ​២ ស្ថិត​ក្នុងស្រុក​បន្ទាយស្រី ខេត្ត​សៀម រាប និង​នៅ​ទីបញ្ជាការ​កងពលធំ​អន្តរាគមន៍​លេខ​៣ ស្ថិតក្នុង​ស្រុក​ជាំ​ក្សាន្ត ខេត្តព្រះវិហារ​។

សេចក្ដីជូនដំណឹង​បានបញ្ជាក់​ទៀតថា សម្រាប់​បេក្ខជន​ដែល​ត្រូវបាន​ជ្រើសរើស​ជាប់​ជា​ស្ថាពរ ត្រូវ​បង្ហាញមុខ ដើម្បី​ធ្វើការ​ហ្វឹកហ្វឺន​នៅ​ម៉ោង​៧​ព្រឹក​ថ្ងៃទី​២៧​និង​២៨ ខែកុម្ភៈ ឆ្នាំ​២០២០ នៅតាម​បណ្តា​ទីតាំង ដែល​បានកំណត់ ។

គួររំលឹកថា ការប្រឡង​ជ្រើសរើស​នាយទាហាន​ចូល​បំរើ​ក្នុង​ជួរ​កងយោធពល​ខេមរភូមិន្ទ​បានធ្វើ​ឡើង​នៅ​ថ្ងៃ ២២​ធ្នូ​ឆ្នាំ​២០១៩ ដោយមាន​បេក្ខជន​ដាក់ពាក្យ​ប្រឡង​ប្រមាណ​៨​ពាន់​នាក់ ក្នុងការ​ចម្រាញ់​យក​ចំនួន​៦២០​នាក់​៕សរន

ទីតាំងផ្សាយពាណិជ្ជកម្ម