ក្រុមការងារ​ចម្រុះ​នៃ​រដ្ឋបាល​សៀមរាប​បន្ត​កាត់​ខ្សែកាប​អាកាស​តាមផ្លូវ​សាធារណៈ​ក្នុង​ជំហាន​ទី​២

​ដោយ​គូលែន​/​សៀមរាប​:​កាលពី​ព្រឹក​ថ្ងៃទី​២០​ខែកុម្ភៈ​ឆ្នាំ​២០២០​ក្រុមការងារ​ចម្រុះ​នៃ​រដ្ឋបាល​ខេត្តសៀមរាប​សហការ​ជាមួយ​អង្គភាព​និយ័ត​ករ​ទូរ​គម​នាគមក​ម្ពុ​ជា​និង​ប្រតិ​ប​ត្ត​ករ​ទូរគមនាគមន៍​នានា​ក្នុង​ខេត្ត ដឹកនាំ​ដោយ​លោកស្រី​យូ​សុភា​អភិបាលរង​ខេត្តសៀមរាប​បាន​បន្ត​ចុះ​អនុវត្ត​ក្នុងការ​កាត់​ខ្សែកាប​អាកាស មក​ប្រើ​ខ្សែកាប​អុ​ប​ទិ​ក​ក្រោម​ដី​វិញ ក្នុង​ជំហាន​ទី​២ ។​

​ក្នុងការ​កាត់​ខ្សែកាប​អាកាស មក​ប្រើ​ខ្សែកាប​អុ​ប​ទិ​ក​ក្រោម​ដី​វិញ បានធ្វើ​ឡើង​នៅលើ​កំណាត់​ផ្លូវ​ទី​១៣ តាម​បណ្តោយ​ផ្លូវ​វត្ត​បូព៌​ចាប់ពី​ចំណុច​ស្ថានីយ​សាំង​តូ​តា​ល​រហូតដល់​ស្តុ​បកោះ​កេរ​និង​បន្តទៅ​ទល់នឹង​ស្ពាន​វត្ត​ពោធិ​លង្កា ដែលមាន​ស​ម្ងា​យ​ប្រវែង ៣.២០០​ម៉ែត្រ ដោយ​គិត​ទាំងសងខាង​ផ្លូវ ។​

​លោកស្រី​យូ​សុភា​អភិបាលរង​ខេត្តសៀមរាប​មានប្រសាសន៍ថា​នេះ​មិនមែនជា​លើក​ទី​១​ទេ​ដែល​ក្រុមការងារ​ចម្រុះ​រដ្ឋបាលខេត្ត ចុះមក​កាត់​ទម្លាក់​ខ្សែកាប​អាកាស​គ្រប់​ប្រភេទ​នៅតាម​ដងផ្លូវ​សាធារណៈ ។​ក្នុង​បំណង​កែលំអ​សោភ័ណភាព​ក្រុង​សៀមរាប​របស់​យើង​។​ដើម្បី​រក្សាបាន​នូវ​សុខ​សុវត្ថិភាព សណ្តាប់ធ្នាប់​សាធារណៈ​នៅតាម​ដងផ្លូវ ហើយ​សម្រាប់​ការ​កាត់​ខ្សែកាប​អាកាស មក​ប្រើ​។​

​លោកស្រី​យូ​សុភា​បាន​អំពាវនាវ​ដល់​បងប្អូន​ប្រជាពលរដ្ឋ​ដែលមាន​លំនៅដ្ឋាន​នៅ​អម​សងខាង​តាម​បណ្តោយ​ផ្លូវ​និង​អ្នក​ដែល​កំពុង​ប្រើប្រាស់​បណ្តាញ​ខ្សែកាប​នានា សូមមេត្តា​អ​ធ្យា ស្រ័យ​និង​យោគយល់ ព្រោះ​ការ​កាត់​ទម្លាក់​ខ្សែកាប​អាកាស​នេះ​អាច​នឹងមាន​ការរអាក់រអួល​ដល់​ការប្រើប្រាស់​នៅពេល​ក្រុមការងារ​អនុវត្តតាម​គម្រោង​ផែនការ​។​
​ពេល​បញ្ចប់​ការងារ​ប្រតិបត្តិ​ករ​នៃ​បណ្តា​ក្រុមហ៊ុន​ខ្សែកាប​នានា​នឹង​ភ្ជាប់​ប្រ​ព័​ន្ឋ​ប្រើប្រាស់​ក្រោម​ដី​ជូន​បងប្អូន​វិញ​ជាពិសេស​សូមឱ្យ​អាជ្ញាធរ​មូលដ្ឋាន​ភូមិ​សង្កាត់​សហការ​សម្របសម្រួល​ជាមួយ​ក្រុមការងារ​និង​ផ្សព្វផ្សាយ​ជូនដំណឹង​ដល់​បងប្អូន​ប្រជាពលរដ្ឋ​ឱ្យ​ពួកគាត់​ជ្រាប​ពី​សកម្មភាព​ការងារ​ដើម្បី​ការពារ​ពី​ហានិភ័យ​កើតឡើង​ជាយថាហេតុ​នៅពេល​ក្រុមការងារ​កំពុង​បំពេញភារកិច្ច ។​

លោក​សុខ សីហា ប្រធាន​មន្ទីរ​ប្រៃសណីយ៍​និង​ទូរគមនាគមន៍​ខេត្តសៀមរាប មានប្រសាសន៍ថា នេះ​ជា​ជំហាន​ទី​២​សម្រាប់​ការ​កាត់​ខ្សែកាប​អាកាស​តាមផ្លូវ​សាធារណៈ​ដែលមាន​១២​ផ្លូវ​ដោយ​ចាប់ផ្តើម​អនុវត្ត​នៅ​ថ្ងៃទី​២០​ខែកុម្ភៈ​ឆ្នាំ​២០២០​នឹង​គ្រោង​បញ្ចប់​នៅ​ដំណាច់ខែ​កុម្ភៈ​ឆ្នាំ​២០២១​ខណៈ​ជំហាន​ទី​១​យើង​បានចាប់ផ្ដើម​អនុវត្ត​ពីថ្ងៃ​ទី​១៦​ខែសីហា​ឆ្នាំ​២០១៨​ហើយ​បានបញ្ចប់​នៅ​ថ្ងៃទី​១៧ ខែកញ្ញា ឆ្នាំ​២០១៩ ដោយ​សម្រេចបាន ១១​ផ្លូវ មាន​ប្រវែង​សរុប ៦៣.៣០៥​ម៉ែត្រ ៕S/

ទីតាំងផ្សាយពាណិជ្ជកម្ម

- Advertisment -

Most Popular

សម្តេចនាយក​រដ្ឋមន្ត្រី​នឹ...

សម្តេចនាយក​រដ្ឋមន្ត្រី​នឹ...

អភិបាល​ខេត្តកំពត រក​ដំណោះ...

​ដោយៈ បូកគោ / កំ​ពតៈ នា​អ...

​ការិយាល័យ​ឥណទាន​កម្ពុជា​...

​ដោយៈ​សុផល​/​ភ្នំពេញ​៖​ជា...

មន្ត្រី​នាំពាក្យ​ក្រសួង​អ...

ដោយ​: ដេប៉ូ / ភ្នំពេញ​: ល...