ដោយ៖សន សក្តា/កំពងឆ្នាំង៖ សម្តេចចៅហ្វាវាំងគង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះប
រមរាជវាំងអមដំណើរដោយលោកគុយសុផលទេសរដ្ឋមន្ត្រីរដ្ឋមន្ត្រីទទួលបន្ទុកកិច្ចការទូទៅនៃក្រសួងព្រះបរមរាជវាំងនៅថ្ងៃទី២០ខែកុម្ភៈឆ្នាំ២០២០បានអញ្ជើញចុះត្រួតពិនិត្យអំពីដំណើរការសាងសង់ផ្លូវលេខ៥០C២ ភ្ជាប់ពីឃុំផ្លូវទូក មកឃុំច្រណូក ស្រុកកំពង់លែង ខេត្តកំពង់ឆ្នាំង ។
លោកសំចាន់ថនអភិបាលស្រុកកំពង់លែងបានឱ្យដឹងថាផ្លូវដែលកំពុងដំណើរការសាងសង់ដោយក្រុមកងវិស្វកម្មសម្តេចឪនេះ ជាផ្លូវជាតិលេខ៥០C២ មានប្រវែង១៥គីឡូម៉ែត្រ ភ្ជាប់ពីឃុំផ្លូវទូក មកឃុំច្រណូក ស្រុកកំពង់លែង ដែលជាព្រះរាជអំណោយ ព្រះករុណាព្រះបាទសមេ្តចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ។
លោកអភិបាលស្រុកបានបញ្ជាក់ថាផ្លូវជាតិលេខ៥០C២នេះគឺជាផ្លូវដែលមានសារៈប្រយោជន៍ខ្លាំងបំផុតក្នុងការធ្វើចរាចរនិងដឹកជញ្ជូនកសោផលរបស់ប្រជាពលរដ្ឋពីតំបន់ដាច់ស្រយាលមកកាន់ទីផ្សារ នៅក្នុងរដូវប្រាំង។ហើយនៅពេលប្រជាពលរដ្ឋមានជំងឺឈឺថ្កាត់ផ្សេងៗអាចធ្វើដំណើរបានឆាប់រហ័សមកកាន់មណ្ឌលសុខភាព។នេះជាប្រវតិ្តសាស្ត្រសម្រាប់ប្រជាពលរដ្ឋអ្នករស់នៅឃុំផ្លូវទូកដែលអាចធ្វើដំណើរតាមផ្លូវគោកពីឃុំផ្លូវទូកមកដល់ស្រុកកំពង់លែងបាន ។
លោកសំចាន់ថនបានអោយដឹងទៀតថាកន្លងមកផ្លូវនេះជារទេះពិបាកក្នុងការធ្វើដំណើរដែលភាគច្រើនប្រជាពលរដ្ឋធ្វើដំណើរតាមផ្លូវទឹកដែលនៅរដូវប្រាំងជួបបញ្ហាកំប្លោកនៅជិតផ្លូវទឹកមិនអាចធ្វើដំណើរបានស្រួលនោះទេ ។
នៅក្នុងឱកាសនោះសម្តេចចៅហ្វាវាំងគង់សំអុល ឧបនាយករដ្ឋមន្ត្រី រដ្ឋមន្ត្រី ក្រសួងព្រះបរមរាជវាំងបានពាំនាំនូវព្រះរាជបណ្តាំផ្ញើរសាកសួងសុខទុក្ខពីព្រះករុណាព្រះបាទសមេ្តចព្រះបរមនាថនរោត្តមសីហមុនីព្រះមហាក្សត្រនៃព្រះរាជាណាចក្រកម្ពុជាចំពោះក្រុមការងារកងវិស្វកម្មសម្តេចឪ ដែលបានលះបង់ កម្លាំងកាយ កម្លាំងចិត្ត ចុះមកបំពេញការងារសាងសង់ផ្លូវលេខ៥០C២ ជូនប្រជាពលរដ្ឋនៅតំបន់ដែលជួបការលំបាកនេះ ។
សម្តេចចៅហ្វាវាំងគង់សំអុលបានមានប្រសាសន៍ផ្តាំផ្ញើរដល់ក្រុមការងារកងវិស្វកម្មសម្តេចឪត្រូវយកចិត្តទុកដាក់ថែទាំសុខភាពជាប្រចាំគឺហូបស្អាតផឹកស្អាតនិងរស់នៅស្អាតនងខិតខំបំពេញភារកិច្ចដោយយកចិត្តទុកដាក់ដើម្បីអោយដំណើរការសាងសង់ផ្លូវ១ខ្សែនេះបានឆាប់រួចរាល់សម្រាប់ប្រជាពលរដ្ឋប្រើប្រាស់។នៅក្នុងឱកាសនោះដែរសម្តេចបានផ្តល់ជូនថវិកាភេសជ្ជៈទឹកបរិសុទ្ធដល់ក្រុមការងារកងវិស្វកម្មដែលកំពុងបំពេញ៕S/
