លោក ប៉េ​ប ហ្គា​ឌី​អូ​ឡា បញ្ជាក់​ពី​ការ​ប្តូរផ្តាច់​ជាមួយ​ក្លិប​ម៉េ​ន​ឆេ​ស្ទ័​រ ស៊ី​ធី​

181
ចែករម្លែក

​លោក ប៉េ​ប ហ្គា​ឌី​អូ​ឡា (Pep Guardiola) បាន​អះអាងថា ក្រុម​ម៉េ​ន​ឆេ​ស្ទ័​រ​ស៊ី​ធី​នឹង​ប្រជែង​នៅ ក្របខ័ណ្ឌ​ឆេ​ម​ពាន​លី​កនៅ​រដូវ​កាល​ក្រោយ​ហើយ​គាំទ្រ​ក្លឹប​ក្នុង​ការតវ៉ា​នឹង​បម្រាម​ពីរ​ឆ្នាំ​។​
​ ​
​លោក ហ្វឺ​រ៉ា​ន សូ​រី​យ៉ា​ណូ (Ferran Soriano) នាយក​ប្រតិបត្តិ​ក្លិប​ស៊ី​ធី​អះអាងថា​ការ​ចោទប្រកាន់​របស់​ស្ថាប័ន UEFA ជុំវិញ​ការប្រើប្រាស់​ថវិកា​មិន​ត្រឹមត្រូវ​នោះ គឺ​គ្មាន​មូលដ្ឋាន​ទេ​។​
​ ​
ការអះអាង​របស់លោក សូ​រី​យ៉ា​ណូ ត្រូវបាន​គាំទ្រ​ដោយ​លោក ហ្គា​ឌី​អូ​ឡា បន្ទាប់ពី​ក្រុមស៊ី​ធី​យកឈ្នះ​ក្រុម វេស ហេម​(West Ham) ២-០ ខណៈពេល​លោក​ថ្លែង​ជុំវិញ​ការខកខាន ជា​លើកដំបូង​ពី​ក្របខណ្ឌ​បាល់ទាត់​កំពូល​នេះ​។​
​ ​
មុនពេល​បញ្ជាក់ថា លោក​នឹង​នៅ​ជា​អ្នកចាត់ការ លោក ហ្គា​ឌី​អូ​ឡា បាន​និយាយថា “​ខ្ញុំ​មាន​ទំនុកចិត្ត​ថា យើង​នឹង​លេង​នៅ​ក្របខ័ណ្ឌ​ឆេ​ម​ពាន​លី​កនៅ​រដូវ​កាល​ក្រោយ​។
​ ​
លោក​បាន​និយាយថា “​ប្រសិនបើ​ពួកគេ​មិន​បណ្តេញ​ខ្ញុំ​។ ខ្ញុំ​នឹង​នៅទីនេះ​យូរ​ជាង​នេះ​។ ខ្ញុំ​ចង់​នៅ​ជាមួយ​ក្លិប ដើម្បី​ការរីកចម្រើន​និង​រក្សា​កម្រិត​លេង​នេះ​ឲ្យ​បានយូរ​តាម​ដែល​អាច ធ្វើទៅបាន​។ ហេតុអ្វី​បានជា​ខ្ញុំ​ត្រូវ​ចាកចេញ​?”​។​
​ ​
ក្លិប Manchester City នឹង​ឧទ្ធរណ៍​លើ​សេចក្តីសម្រេច​របស់​ស្ថាប័ន UEFA​ជាមួយនឹង​តុលាការ ក្រុមប្រឹក្សា​អាជ្ញាកណ្តាល​ហើយ​សង្ឃឹមថា នឹង​ទទួលបាន​ដំណោះស្រាយ​មុន​រដូវក្តៅ​៕ ប្រែ​សម្រួល​: ពិសិដ្ឋ​

លោក ប៉េ​ប ហ្គា​ឌី​អូ​ឡា (Pep Guardiola)