ដោយៈសុផល/ភ្នំពេញ៖ដើម្បីតបស្នងនូវការគាំទ្រអតិថិជនរបស់ខ្លួនក្រុមហ៊ុននាំចូលនិងចែកចាយម៉ូតូកង់បីម៉ាកTVSនៅក្នុងប្រទេសកម្ពុជាបានរៀបចំពិធីជប់លៀងនិងចាប់រង្វាន់ជូនអតិថិជនអ្នកប្រកបរបររត់ម៉ូតូកង់បីម៉ាកTVS។ពិធីចាប់រង្វាន់នេះធ្វើនៅមជ្ឈមណ្ឌលពិព័រណ៍កោះពេជ្រកាលពីល្ងាចថ្ងៃទី២០ ខែកុម្ភៈ ឆ្នាំ២០២០ ដោយមានអ្នកចូលរួមប្រមាណជិត២ពាន់នាក់ ។
ទន្ទឹមគ្នានោះដែរកម្មវិធីចាប់ផ្ដើមឡើងពីក្បួនដង្ហែយ៉ាងស្រស់ស្អាតរបស់ម៉ូតូកង់បីTVSជាច្រើនរហូតដល់ទៅជាង ៣០០ គ្រឿងនៅលើដងវិថីស្ថិតនៅទីតាំងសេវាកម្មជួសជុលម៉ូតូកង់បី TVS ដីឡូតិ៍លេខ ១២១៨ផ្លូវហាណូយភូមិឃ្មួញសង្កាត់ឃ្មួញខណ្ឌសែនសុខរាជធានីភ្នំពេញ។ធ្វើដំណើរឆ្ពោះទៅកាន់ទីតាំងកម្មវិធីចាប់រង្វាន់ធំបំណាច់ឆ្នាំនៅទីក្រុងកោះពេជ្រអាគារ G និង H។
លោកហ្គារីអ៊ីងនាយកគ្រប់គ្រងទូទៅនៃក្រុមហ៊ុនអិមដាប់បែលយូមេត្រូផលីធេនអ៊ីនធើណេសិនណល់ បានថ្លែងអំណរគុណដល់អ្នកចូលរួមទាំងអស់ដែលបានចូលរួមចាប់រង្វាន់ធំមហាលប្រចាំឆ្នាំរបស់ក្រុមហ៊ុនTVSកម្ពុជា។ការរីកចម្រើនរបស់ក្រុមហ៊ុនTVSនៅកម្ពុជាគឺដោយសារតែមានការគាំទ្រពីអតិថិជនទាំងអស់និងការខិតខំរបស់ថ្នាក់ដឹកនាំក្រុមហ៊ុនប្រចាំកម្ពុជានិងក្រុមហ៊ុនជាដៃគូរក៏ដូចជាតំណាងចែកចាយរបស់យើងនៅភ្នំពេញ និងនៅតាមបណ្ដាខេត្តផងដែរ ។
លោកបានបន្តថាក្រុមហ៊ុននឹងពង្រីកការចែកចាយបន្តទៀតនៅក្នុងប្រទេសកម្ពុជាដើម្បីផ្ដល់ជូនម៉ូតូកង់បីដែលមានគុណភាពប្រើប្រាស់បានយូរដល់ប្រជាជនកម្ពុជាជាពិសេសនោះគឺសម្រាប់បង្កើនប្រាក់ចំណូលរបស់ប្រជាពលរដ្ឋ តាមការដឹកជញ្ជូនអ្នកដំណើរការ ជាដើម ។
សូមបញ្ជាក់ថានៅក្នុងកម្មវិធីចាប់រង្វាន់នេះ ក្រុមហ៊ុនបានរកឃើញអ្នកឈ្នះរង្វាន់ធំគឺរថយន្ត Toyota Hilux Revo 2019 បានទៅលើឈ្មោះ នុត ធូ សន្លឹកឆ្នោតផ្សងសំណាងលេខ 010177 ។ម៉ូតូកង់បី TVS King Deluxe ស៊េរីឆ្នាំ២០២៩ចំនួន២រង្វាន់បានទៅលើឈ្មោះសុខចាន់នីសន្លឹកឆ្នោតផ្សងសំណាងលេខ 005050និងឈ្មោះជានតៃវ៉ាន់សន្លឹកឆ្នោតផ្សងសំណាងលេខ000895,។
ទឹកប្រាក់សុទ្ធ1.០០០ដុល្លារបានទៅលើឈ្មោះទ្រីកាក់សន្លឹកឆ្នោតផ្សងសំណាងលេខ003192,ទឹកប្រាក់សុទ្ធ500ដុល្លារបានទៅលើឈ្មោះ សោ អាត សន្លឹកឆ្នោតផ្សងសំណាងលេខ 000477 និងឈ្មោះ ស្រ៊ាង ភ័ក សន្លឹកឆ្នោតផ្សងសំណាងលេខ 004317, ព្រមជាមួយរង្វាន់ទូរសព្ទ័ដៃស្មាតហ្វូនXiaomi ម៉ូឌែលRedmiNote8Proចំនួន១០រង្វាន់និងរង្វាន់ជាច្រើនសន្ធឹកសន្ធាប់ទៀតបានរកឃើញអ្នកឈ្នះបន្តបន្ទាប់។
គួរបញ្ជាក់ផងដែរថាក្រុមហ៊ុនម៉ូតូកង់បីTVSបានចាប់រង្វាន់ប្រចាំខែចំនួន៧លើករួចមកហើយចាប់តាំងពីដើមខែមិថុនារហូតដល់ខែធ្នូឆ្នាំ២០១៩មុនការចាប់រង្វាន់បំណាច់ឆ្នាំធំចុងក្រោយនេះហើយក្រុមហ៊ុនក៏បានរកឃើញអ្នកឈ្នះរង្វាន់ម៉ូតូកង់បីTVSKingDeluxe2019ចំនួន១៤នាក់,ទូរស័ព្ទចំនួន២១នាក់និងរង្វាន់ប្រេងម៉ាស៊ីនMotulជាច្រើននាក់ផ្សេងទៀត។
កម្មវិធីខាងលើនេះប្រព្រឹត្តិទៅយ៉ាងរលូនបានក៏ដោយសារតែមានដៃគូសហការបង់រំលស់ធនាគារឯកទេសAEONនិងសហការឧបត្ថម្ភដោយក្រុមហ៊ុនទូរស័ព្ទXiaomiកម្ពុជានិងក្រុមហ៊ុនប្រេងម៉ាស៊ីន Motul កម្ពុជា ៕S/
