ក្រសួងការបរទេស​ប​ង្ហា​ញ​លទ្ធផល​កិច្ចប្រជុំ​ឧ​ត្ត​ម​មន្ត្រី​អាស៊ាន​-​នូវ៉ែល​ហ្សេ​ឡង់​លើក​ទី​២៧

ដោយៈ​មុនី​រ័ត្ន​/​ភ្នំពេញៈ​កិច្ចប្រជុំ​ឧ​ត្ត​ម​មន្ត្រី​អាស៊ាន​-​នូវ៉ែល​ហ្សេ​ឡង់​លើក​ទី​២៧​បាន​ប្រព្រឹត្តទៅ​កាលពី​ថ្ងៃទី​២០-២១​ខែកុម្ភៈ​ឆ្នាំ​២០២០​នៅ​ខេត្តសៀមរាប​ប្រទេស​កម្ពុជា​។​
​ក្នុងនាម​ជា​ប្រទេស​សម្របសម្រួល​ទំនាក់ទំនង​ដៃគូ​សន្ទនា​អាស៊ាន​-​នូវ៉ែល​ហ្សេ​ឡង់​កម្ពុជា​បានធ្វើ​ជា​ម្ចាស់ផ្ទះ​និង​ជា​ធ្វើ​សហប្រធាន​នៃ​កិច្ចប្រជុំ​ជាមួយ​ប្រទេស​នូវ៉ែល​ហ្សេ​ឡង់​។

​កិច្ចប្រជុំ​នេះ​ផ្តល់នូវ​កាលា​នុ​វត្ត​សម្រាប់​អាស៊ាន​និង​ប្រទេស​នូវ៉ែល​ហ្សេ​ឡង់​ដើម្បី​ពិនិត្យឡើងវិញ​នូវ​កិច្ចសហប្រតិបត្តិការ​និង​រៀបចំ​ទិសដៅ​នាពេល​អនាគត​។​ដើម្បី​ត្រៀម​រៀបចំ​កិច្ចប្រជុំ​កំពូល​ថ្នាក់​នាំ​អាស៊ាន​-​នូវ៉ែល​ហ្សេ​ឡង់ ដែល​នឹង​ប្រព្រឹត្តទៅ​នៅ​ថ្ងៃទី​៩ ខែមេសា ឆ្នាំ​២០២០ នៅ​ទីក្រុង​ដា​ណា​ង ប្រទេស​វៀតណាម​។​នេះ​បើ​យោងតាម​សេចក្តីប្រកាស​ព័ត៌មាន​របស់​ក្រសួងការបរទេស​និង​សហប្រតិបត្តិការ​អន្តរជាតិ កាលពី​ព្រឹក​ថ្ងៃទី​២១ ខែកុម្ភៈ ឆ្នាំ​២០២០​។​

​ក្រសួងការបរទេស​បាន​បន្តថា នៅក្នុង​សុន្ទរកថា​បើក​ក្នុងនាម​សហប្រធាន​នៃ​កិច្ចប្រជុំ លោក កាន់ ផា​រិ​ទ្ធ​រដ្ឋលេខាធិការ​និង​ជា​ឧ​ត្ត​ម​មន្ត្រី​អាស៊ាន​-​កម្ពុជា​បានបញ្ជាក់​ជាថ្មី​ម្តងទៀត​នូវ​ការប្តេជ្ញាចិត្ត​ឥត​ងាករេ​របស់​អាស៊ាន​ចំពោះ​ភាពជា​ដៃគូ​យុទ្ធសាស្ត្រ​អាស៊ាន​-​នូវ៉ែល​ហ្សេ​ឡង់​ដែល​បានផ្តល់​ផលប្រយោជន៍​ឱ្យ​គ្នា​ទៅវិញទៅមក​។

លោក​កាន់​ផា​រិ​ទ្ធ​បាន​សម្តែង​នូវ​ការពេញចិត្ត​យ៉ាងខ្លាំង​ចំពោះ​វឌ្ឍនភាព​ជាក់ស្តែង​ដែល​សម្រេចបាន​ក្នុងការ​អនុវត្ត​ផែនការ​សកម្មភាព​អាស៊ាន​-​នូវ៉ែល​ហ្សេ​ឡង់​ឆ្នាំ​២០១៦-២០២០​ដែលមាន​សកម្មភាព​ទាំងអស់​ចំនួន​៥៩​ត្រូវបាន​អនុវត្ត​។​លោក​បាន​បញ្ជាក់ថា​កម្ពុ​ជា​នឹងធ្វើ​ការ​យ៉ាង​ជិតស្និទ្ធ​ជាមួយ​បណ្តា​ប្រទេស​សមាជិក​អាស៊ាន​និង​ប្រទេស​នូវ៉ែល​ហ្សេ​ឡង់​ដើម្បី​រួមគ្នា​ដោះស្រាយ​នូវ​បញ្ហា​ប្រឈម​រួម​។​ដើម្បី​កសាង​ស​មិ​ទ្ឋ​ផល​ឱ្យទទួល​ជោគជ័យ​ជាមួយគ្នា​បន្ថែមទៀត​នាពេល​អនាគត​ក្នុង​បំណង​ថែទាំ​សន្តិភាព ស្ថិរភាព និង​លើកស្ទួយ​វិបុលភាព ក្នុង​តំបន់​។​

​លោក បេន​ចា​មីន ឃី​ង (Benjamin King) លេខាធិការ​រង ទទួលបន្ទុក​ទ្វីបអាមេរិក និង​ទ្វីប អាស៊ី នៃ​ក្រសួងការបរទេស និង​ពាណិជ្ជកម្ម​នូវ៉ែល​ហ្សេ​ឡង់ ជា​សហប្រធាន​នៃ​កិច្ចប្រជុំ បាន​អះអាង ជាថ្មី​នូវ​ការប្តេជ្ញាចិត្ត​របស់​នូវ៉ែល​ហ្សេ​ឡង់​ក្នុងការ​លើកកម្ពស់​ទំនាក់​ទំនង​អាស៊ាន​-​នូវ៉ែល​ហ្សេ​ឡង់​បន្ថែមទៀត​។​

​លោក​បានបញ្ជាក់​ពី​ការគាំទ្រ​របស់​នូវ៉ែល​ហ្សេ​ឡង់​ដល់​វិ​ជ្ឈ​ម​ភាព​អាស៊ាន​នៃ​ដំណើរការ​វិវឌ្ឍន៍​និម្មាបនកម្ម​តំបន់ ដើម្បី​ថែទាំ​សន្តិភាព ស្ថិរភាព និង​លើកស្ទួយ​វិបុលភាព ក្នុង​តំបន់​។ ទន្ទឹមនឹងនេះ លោក​ក៏មាន​សុទិដ្ឋិនិយម​ដូច​កម្ពុជា​ដែរ​ថា​ភាពជា​ដៃគូ​យុទ្ធសាស្ត្រ​អាស៊ាន​-​នូវ៉ែល​ហ្សេ​ឡង់​នឹង​ឈានដល់​កម្រិត​ថ្មី​មួយ​។​

ខណៈពេលដែល​នូវ៉ែល​ហ្សេ​ឡង់​បានធ្វើការ​យ៉ាង​ជិតស្និទ្ធ​ជាមួយ​អាស៊ាន​ដើម្បី​បញ្ចប់​ផែនការ​សកម្មភាព​ថ្មី​(២០២១-២០២៥)​លើ​វិស័យ​ជាក់ស្តែង​ថ្មីៗ​នៃ​កិច្ច​សហ​ប្រតិ​ប​
​ត្តិ​ការដែល​ឆ្លុះបញ្ចាំង​នូវ​កិច្ចសហប្រតិបត្តិការ​ស៊ីជម្រៅ​ជាមួយ​អាស៊ាន​លើ​សសរស្តម្ភ​ទាំង​៣​។

​លោក​ក៏បាន​បញ្ជាក់ថា​នូ​វែ​ល​ហ្សេ​ឡង់​ទន្ទឹងរង់ចាំ​ការរៀបចំ​ប្រកបដោយ​ជោគជ័យ​នៃ​កិច្ចប្រជុំ​កំពូល​ថ្នាក់​នាំ​អាស៊ាន​-​នូវ៉ែល​ហ្សេ​ឡង់​នាពេលខាងមុខ​នៅ​ទីក្រុង​ដា​ណា​ង​ក្រោម​ការសម្របសម្រួល​រប​ស់​កម្ពុជា​។​អង្គ​ប្រជុំបាន​ពិភាក្សា​អំពី​បញ្ហា​ជាច្រើន​ដែលជា​ផលប្រយោជន៍ និង​ជា​កង្វល់​រួម​។

​ប្រធានបទ​ដែល​កិច្ច​ប្រជុំបាន​ពិភាក្សា​ជាអាទិ៍​រួមមាន​៖​ការវិវត្ត​ថ្មីៗ​នៅក្នុង​អាស៊ាន​នៅក្នុង​ប្រទេស​នូវ៉ែល​ហ្សេ​ឡង់​និង​នៅ​តំបន់​ប៉ាស៊ីហ្វិក​ខាងត្បូង​ព្រមទាំង​បញ្ហា​ក្នុង​តំបន់​និង​អន្តរជាតិ​ដូចជា​ទស្សនទាន​ឥណ្ឌូ​-​ប៉ាស៊ីហ្វិក ឧបទ្វីប​កូរ៉េ បញ្ហា​ជ្រុលនិយម និង​ឧក្រិដ្ឋកម្ម​ឆ្លងដែន និង​ការប្រែប្រួល​អាកាសធាតុ ជាដើម​។

អង្គប្រជុំ​ក៏បាន​ពិនិត្យឡើងវិញ​ផងដែរ​នូវ​ភាពជា​ដៃគូ​យុទ្ធសាស្ត្រ​អាស៊ាន​-​នូវ៉ែល​ហ្សេ​ឡង់​ដោយបាន​ពិភាក្សា​អំពី​សកម្មភាព​មួយចំនួន​ដែល​អាចអនុវត្ត​រួមគ្នា​ដោយ​ផ្តោត​សំខាន់​លើ​ការគ្រប់គ្រង​ហានិភ័យ​គ្រោះមហន្តរាយ​ការតភ្ជាប់​និង​គំនិត​ផ្តួចផ្តើម​សម្រាប់​សមាហរណកម្ម​អាស៊ាន​។​អាស៊ាន​និង​នូវ៉ែល​ហ្សេ​ឡង់​បាន​ពិភាក្សា​លើ​ឯកសារ​សំខាន់​ចំនួន​ពីរ គឺ​៖ ១.

​សេចក្តីព្រាង​សេចក្តីប្រកាស​ទស្សនវិស័យ​រួម​ស្តីពី​ខួប​អនុស្សាវរីយ៍​លើក​ទី​៤៥​ឆ្នាំ​នៃ​ទំនាក់ទំនង​ដៃគូ​សន្ទនា​អាស៊ាន​-​នូវ៉ែល​ហ្សេ​ឡង់ ក្រោម​មូលបទ “​កេរដំណែល​មរតក​មិត្តភាព និង​អនាគត​រួមគ្នា​” ដែល​នឹងត្រូវ​អនុម័ត​នៅ​ក្នុងឱកាស​កិច្ចប្រជុំ​កំពូល​ថ្នាក់ដឹកនាំ​អាស៊ាន​-​នូវ៉ែល​ហ្សេ​ឡង់​នាពេលខាងមុខ នៅ​ទីក្រុង​ដា​ណា​ង ប្រទេស​វៀតណាម ។​

២. សេចក្តីព្រាង​ផែនការ​សកម្មភាព​ថ្មី (​ឆ្នាំ​២០២១-២០២៥) ដែល​នឹងត្រូវ​អនុម័ត​នៅក្នុង​ឱកាស​សន្និសីទ​ក្រោយ​កិច្ចប្រជុំ​រដ្ឋមន្ត្រីការបរទេស​អាស៊ាន​បូក​១​ជាមួយ​ប្រទេស​នូវ៉ែល​ហ្សេ​ឡង់​ដែល​នឹង​ប្រព្រឹត្តទៅ​នៅ​ខែសីហា​ឆ្នាំ​២០២០​នេះ​។​ឯកសារ​សំខាន់​ទាំងពីរ​នេះ​ផ្តល់​ជា​ឯកសារ​គោលការណ៍​ណែនាំ​ដើម្បី​តម្រង់ទិស​វិស័យ​ជាក់លាក់​ថ្មីៗ​នៃ​កិច្ចសហប្រតិបត្តិការ​រ​វាង​អាស៊ាន​និង​នូវ៉ែល​ហ្សេ​ឡង់​។​ដល់​កម្ពុជា​ចំពោះ​ការធ្វើ​បដិសណ្ឋារកិច្ច​ដ៏​កក់ក្តៅ​និង​ការរៀបចំ​ដ៏​ល្អប្រសើរ​រួមមាន​ពិធី​ពិសារ​អាហារ​ពេល​ល្ងាច​ជាមួយនឹង​ការសម្តែង​សិល្បៈ​របាំ​វប្បធម៌​-​ប្រពៃណី​ខ្មែរ​៕S/

​ ​ ​រូបថត​៖​កិច្ចប្រជុំ​ឧ​ត្ត​ម​មន្ត្រី​អាស៊ាន​-​នូវ៉ែល​ហ្សេ​ឡង់ លើក​ទី​២៧​

ទីតាំងផ្សាយពាណិជ្ជកម្ម

- Advertisment -

Most Popular

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...

រថយន្ត បុក​ម៉ូតូ បណ្តាលឱ្...

ដោយៈ សៅ វ៉ាន់ឌី / ព្រះ​វិ...

ផ្ទួនៗគ្នា បន្ទាប់ពី​ពុល​...

​ដោយៈ​ មុនី​រ័ត្ន ​/ ​ភ្ន...

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...