​សិស្ស​នៅ​វិទ្យាល័យ​ស្វាយ​លើ​ចំនួន​៧​នាក់​បាន​ដួលសន្លប់​

159
ចែករម្លែក

ដោយ​គូលែន​/​សៀមរាប​:​យ៉ាងហោចណាស់​ក៏មាន​សិស្សស្រី​ចំនួន​៧​នាក់ នៃ​វិទ្យាល័យ​ស្វាយ​លើ បាន​ដួលសន្លប់​ដោយ​ពុំមាន​មូលហេតុ​។​ករណី​សិស្សស្រីៗ​ដួល​សន្ល​ន់​នេះ​បាន​កើតឡើង​កាលពី​វេលា​ម៉ោង​១០​ព្រឹក​ថ្ងៃទី​២១​ខែកុម្ភ​: ឆ្នាំ​២០២០​នេះ​ស្ថិតនៅក្នុង​វិទ្យាល័យ​ស្វាយ​លើ​ស្រុក​ស្វាយ​លើ ខេត្តសៀមរាប​។​

លោក​វរសេនីយ៍ទោ​ស៊ុន​ថៃ​អធិការនគរបាល​ស្រុក​ស្វាយ​លើ​បាន​និយាយថា​នៅវេលា​ម៉ោង​១០​និង​០០​នាទី​ព្រឹក​ថ្ងៃទី​២១​ខែកុម្ភ​:​នេះ​មាន​ករណី​សិស្សសាលា​ដូ​ល​សន្លប់​នៅ​វិទ្យាល័យ​ស្វាយ​លើ​ក្នុងស្រុក​ស្វាយ​លើ​ចំនួន​៧​នាក់​ក្នុងនោះ​ស្រី​ទាំងអស់​។​ក្រោយពី​កើតហេតុ​សិស្ស​ទាំងនោះ​ត្រូវបាន​បញ្ជូន​ទៅកាន់​មន្ទី​ពេទ្យ​ស្រុក​សូទ្រនិគម ដើម្បី​សង្គ្រោះ​។

​លោក​បាន​បន្តថា​តាម​ការបញ្ជាក់​ពី​ប្រធាន​មណ្ឌល​សុខភាព​ស្វាយ​លើ​បាន​និយាយថា​សិស្ស​ទាំងនោះ​មាន​សុខភាព​ខ្សោយ​។​តាម​ការបញ្ជាក់​របស់​លោកនាយក​សាលា​គាត់​បាន​និយាយថា​មកពី​សិស្ស​ទាំងនោះ​តម​អាហារ​ពេលព្រឹក​ដើម្បី​សម្រក​គីឡូ​។​ចំពោះ​មូលហេតុ​ជាក់លាក់​យ៉ាងណា​យើង​មិនទាន់​ដឹង​ច្បាស់​ទេ​ព្រោះ​សិស្ស​ទាំងនោះ​កំពុង​បញ្ជូន​ទៅកាន់​មន្ទីរពេទ្យ​ស្រុក​សូទ្រនិគម​ដើម្បី​ព្យាបាល​៕S/

​រូបភាព​: សិស្ស​នៅ​វិទ្យាល័យ​ស្វាយ​លើ​ចំនួន​៧​នាក់ បាន​ដួលសន្លប់​៕​គូលែន​