​គ្រោះថ្នាក់​ចរាចរ​៩​លើក​បង្ក​ឱ្យ​មនុស្ស​ស្លាប់​៧​នាក់​និង​របួស​៦​នាក់​

181
ចែករម្លែក

ដោយៈ​សាវ​រក្ស​/​ភ្នំពេញ​៖​យោងតាម​របាយការណ៍​ពី​នាយកដ្ឋាន​នគរ​បាលច​រាចរ​និង​សណ្ដាប់ធ្នាប់​សាធារណៈ​នៃ​អគ្គស្នងការដ្ឋាន​នគរ​បាល​ជាតិ​បង្ហាញថា គ្រោះថ្នាក់​ចរាចរ​ផ្លូវគោក​ទូទាំងប្រទេស គិតពី​រសៀល ម៉ោង​២ ថ្ងៃទី​២០​ដល់​ម៉ោង ២​រសៀល នៅ​ថ្ងៃទី​២១​ខែកុម្ភៈ ឆ្នាំ ២០២០ បណ្តាល ឱ្យ​មនុស្ស ស្លាប់ ៧ នាក់ ( ស្រី ម្នាក់​) និង បង្ក​ឱ្យ រងរបួស ធ្ងន់ ១ នាក់ និង របួសស្រាល ៥ នាក់ ។

​របាយការណ៍​បន្តថា នៅក្នុង​ករណី​គ្រោះថ្នាក់​ចរាចរ​ខាងលើនេះ បង្ក ឲ្យ មានការ ខូចខាត យានយន្ត សរុប ជាច្រើន​គ្រឿង ក្នុងនោះ​មាន​ម៉ូតូ​, រថយន្ត​តូច​-​ធំ និង​យាន​ផ្សេងៗ​ជាច្រើន​គ្រឿង​ទៀត ។​
​រីឯ​មូលហេតុ​បណ្តាល​ឲ្យ​កើតមាន​ហេតុការណ៍​គ្រោះថ្នាក់​ចរាចរ​គឺ​បណ្តាលមកពី​បើកបរ​លើស​ល្បឿន កំណត់ , មិន គោរព សិទ្ធិ បត់​មិន ប្រកាន់​ស្តាំ​ជាដើម ។

តាម ទិន្នន័យ គ្រោះថ្នាក់ ចរាចរណ៍ ផ្លូវគោក ទូទាំងប្រទេស ថ្ងៃនេះ បាន បញ្ជាក់ថា គ្រោះថ្នាក់ ដែល បង្ក ឲ្យ មាន មនុស្ស ស្លាប់ និង របួស សរុប ចំនួន ១៣ នាក់ នៅ ថ្ងៃទី ២១ ខែកុម្ភៈ នេះ គឺ កើតឡើង ដោយសារ ហេតុការណ៍ ប៉ះទង្គិច ចំនួន ៩ លើក ៕S/​