Home កម្សាន្ត តូ​តា និង​ថៅក...

តូ​តា និង​ថៅកែ​ផលិតកម្ម Angkor Picture ត្រៀម​១០​ម៉ឺន​ដុល្លារ​រៀប​មង្គលការ​

​ភ្នំពេញ​៖ តារា​សម្តែង​ស្រី​ល្បី កញ្ញា ម៉ាក សែន​សូ​នី​តា ហៅ តូ​តា និង​ផលិតករ​ភាពយន្ត លោក ប៉ុល វិ​បូ ត្រៀម​ចូល​រោងការ​ហើយ នៅ​ពាក់កណ្តាល​ខែមីនា ខាងមុខ ដោយ​ពួកគេ​គ្រោងចាយប្រាក់​ប្រមាណ ១០ ម៉ឺន​ដុល្លារ​អាម៉េរិក ដើម្បី​រៀបចំ​ពិធី​មង្គល​ដ៏​ធំ​សម្បើម​មួយ​។​

​ក្រោយពី​ប្រកាស​ស្នេហ៍ ដោយ​បើកចំហ រវាង​តារា​សម្តែង​ស្រី​ស្រស់​សោភា កញ្ញា ម៉ាក សែន​សូ​នី​តា ហៅ តូ​តា និង​អតីត​ផលិតករ​ភាពយន្តពោះម៉ាយ លោក ប៉ុល វិ​បូ នោះ ពួកគេ​បានកំណត់​ថ្ងៃ​ចូល​រោងការជា​ផ្លូវការ​ហើយ គឺ នៅ​ថ្ងៃទី​១៦ ខែមីនា ឆ្នាំ​២០២០​។ ដូច​ការអះអាង​កន្លង​មក​មែន ពួកគេ​នឹង​ចូល​រោងការ នៅ​ឆ្នាំ​២០២០​នេះ ហើយ​មង្គលការ​រប​ស់ពួកគេ ត្រូវតែ​ធំដុំ ពោលគឺ​ភ្ញៀវ​ប្រមាណ​ជាង ១ ពាន់​នាក់ ចូលរួម​ដែល​ភាគច្រើន ជា​សិល្បករ និង​អ្នកជំនួញ​។ ពិធី​នេះ​ក៏​នឹងត្រូវ​ធ្វើឡើងនៅ​សណ្ឋាគារ​កម្រិត​ផ្កាយ​៥ គឺ​សណ្ឋាគារ​សុខា ភ្នំពេញ​។

​លោក ប៉ុល វិ​បូ បាន​លើកឡើងថា ជា​មង្គលការ​ថ្នាក់កណ្តាល​តែប៉ុណ្ណោះ ហើយ​ការចំណាយក៏​មិនទាន់​អាច​កំណត់​បាន​នោះទេ​។ ទោះជា​យ៉ាងណា តាម​ការ​បង្ហើប​របស់​អ្នក​ធ្លាប់​រៀបចំកម្មវិធី នៅ​សណ្ឋាគារ​លំដាប់​ផ្កាយ ៥ នេះ យ៉ាងហោចណាស់ក៏ត្រូវ​ត្រៀម​ចាយ​ប្រមាណ ១០ ម៉ឺន​ដុល្លារដែរ បូក​រួមទាំង​ការតុបតែង​ឆាក សម្អាងការ អាហារ និង​ស្រា​ទទួលភ្ញៀវ​។ ទោះជាយ៉ាងណា បញ្ហា​លុយកាក់​ចំណាយ​លើ​មង្គលការ មិនមែនជា​បញ្ហាសម្រាប់​ពួកគេ​ឡើយ ខណៈដែល​បច្ចុប្បន្នពួកគេ​មាន​ធនធាន មុខ​ជំនួញ​ក្នុង​ដៃ​រួចជាស្រេច​។​

​ងាក​មក​ការ​ប្រឡូក​សិល្បៈ​វិញ ស្វាមីនាង បាន​បើកឱកាស​ឲ្យ​នាង​ពេញទំហឹង​ក្រោយពេលរៀប​មង្គលការ​រួច​។ អនាគត​ស្វាមី​តូ​តា ប្រាប់ថា ក្រោយ​រៀបការ​រួច លោក​នៅ​មិនទាន់​កំណត់ទីតាំង​ដំណើរ​កម្សាន្ត​ក្រេបទឹក​ឃ្មុំ​នៅឡើយ គឺ​ចង់​ឲ្យ​ភរិយា ជា​អ្នកកំណត់​ហើយ​សម្រាប់ការទទួលយក​តំណក់ឈាម​រួមគ្នា​ដំបូង​នោះ លោក និង​ភរិយា ពិតជា​ត្រេកអរ​ប្រសិនបើរៀបការ​រួច​ភ្លាម មាន​តំណក់ឈាម​រួមគ្នា​ភ្លែត​នោះ​។​

​សូមបញ្ជាក់ថា ចំណង​ស្នេហ៍ រវាង​លោក ប៉ុល វិ​បូ និង​តារា​សម្តែង​តូ​តា​ត្រូវបាន​លេចចេញឡើងរយៈពេល ៥ ឆ្នាំ​មកហើយ ពោលគឺ​ក្រោយពី​នាង​បាន​ចូលរួម​សម្តែង​ក្នុង​ភាពយន្ត​ខ្នាតធំ​រឿង​”​ចន្ទ្រា​” របស់​ផលិតកម្ម​Angkor Picture ដែលជា​ផលិតកម្ម​របស់​អនាគត​ស្វា​មីនេះតែម្តង​។ ពួកគេ បានបង្ហាញ​ចំណង​ស្នេហ៍ ដោយ​បើកចំហក្រោយពី​លេចចេញ​ដំណឹង​នៅ ផ្ទះ​ក្រោម​ដំបូល​តែមួយ​នេះ​ផងដែរ​។ ថ្មីៗ​នេះ តូ​តា បាន​ងាក​ទៅធ្វើ​ជំនួញ​ជាមួយ​គូស្នេហ៍ ច្រើនជាង​លេង​សិល្បៈ ដូចជា បើក​ភោជនីយដ្ឋាន និង​ហាង​លក់​សម្លៀកបំពាក់​ដែល​ចំណាយ ទុន អស់​រាប់សែន​ដុល្លារ ទៀតផង​៕ ដោយ​៖ បូ​រិ​ន/Ha

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...