មន្ទីរ​ធម្មការ និង​សាសនា ខេត្តសៀមរាប សហការ​ជាមួយ​សាលាខេត្ត​សៀមរាប រៀបចំ​កម្មវិធី សំណង់​ក្នុង​វត្ត​នីមួយៗ និង​កម្មវិធី​ក្នុង​ពុទ្ធសាសនា​

ដោយ​: គូលែន / សៀមរាប​: នៅ​ថ្ងៃ ទី​២១ ខែ កុ​ម្ភះ ឆ្នាំ ២០២០ នៅ​រដ្ឋបាល​ខេត្តសៀមរាប មាន​រៀបចំ​កិច្ចប្រជុំ​មួយ​ស្តីពី កម្មវិធី សំណង់​ក្នុង​វត្ត​នីមួយៗ និង​កម្មវិធី​ក្នុង​ពុទ្ធសាសនា ក្រោម​ព្រះអធិបតីភាព​ដ៏​ខ្ពង់ខ្ពស់ នៃ​ព្រះ​ធម្ម​សិរី អា​ភក​រោ ជុំ គឹម​ឡេង ព្រះ​សុ​មង្គល​សិលា​ចា​រ្យ មេគណ​ខេត្តសៀមរាប ជា​រាជាគណៈ​ថ្នាក់​កិត្តិយស និង ព្រះ​ធម្ម​កវី​វង្ស នង មាណ​វោ ព្រះ​មេគណ គណៈធម្មយុត្តិកនិកាយ ជា​ព្រះ​រាជាគណៈ​ថ្នាក់​ត្រី សហការ​ជាមួយ មន្ទីរ​ធម្មការ និង សាសនា ខេត្តសៀមរាប ដើម្បី​រៀបចំ​កម្មវិធី​ក្នុង​ពុទ្ធសាសនា នាពេល​ខាងមុខនេះ​។​

​ព្រះ​ធម្ម​សិរី អា​ភក​រោ ជុំ គឹម​ឡេង ព្រះ​សុ​មង្គល​សិលា​ចា​រ្យ មេគណ​ខេត្តសៀមរាប ជា​រាជាគណៈ​ថ្នាក់​កិត្តិយស បាន​មាន​សង្ឃដីកា​រថា កម្មវិធី​ប្រជុំ​ថ្ងៃនេះ​មាន​របៀបវារៈ​សំខាន់ៗ​ដែល​ត្រូវ​លើក​យកមក​ពិភាក្សា​ដូចខាងក្រោម​៖ ទី​១~​ការផ្សព្វផ្សាយ ០៩៣ ដែល​ចេញ​ដោយ សាលាខេត្ត​សៀមរាប ស្តី​ការ “(​កសាង​សំណង់​ក្នុង​វត្ត​នីមួយៗ “)​។​ត្រូវឱ្យ​មន្ត្រី​សង្ឃ និង មន្ត្រី​ជំនាញ​សហការគ្នា ជួយ​ចុះ​ត្រួតពិនិត្យ​រាល់ អគារ​ចាស់ៗ​ដែល​សាងសង់​យូរហើយ និង អគារ​កំពុង​សាងសង់​ថ្មី ព្រមទាំង គម្រោង​ប្លង់ ដែល​ត្រូវ​រៀបចំ​សាងសង់​ក្នុង​វត្ត​ថ្មីៗ​ទាំងអស់ ក្នុងនោះ រួមទាំង​កុដិ​ឈើ ថ្ម​ក្រោម​ឈើ​លើ ក៏ត្រូវ​ចុះ​ក្នុង​តារាងបញ្ជី​មួយ ដើម្បី​ងាយស្រួល មន្ត្រី​ជំនាញ​ចុះទៅ​ធ្វើ​ត្រួតពិនិត្យ ក្នុង​បំណង​បញ្ចៀស ការកើតមាន​គ្រោះថ្នាក់​ជាយថាហេតុ​ណាមួយ​កើតឡើង យើង​អាច​ផ្សព្វផ្សាយ​ដល់​ព្រះសង្ឃ​និង ក្រុម​ជាង​អ្នកម៉ៅការ​សំណង់ ឫ វិស្វករ ត្រូវ​សាងសង់​គោរព​ទៅតាម​ច្បាប់​ទាំងអស់គ្នា​។ យើង​ឃើញ​ហើយ​ក្នុងករណី បាក់​ប្លង់​សេ សាលាឆាន់​វត្ត​ក្នុង​ក្រុង​សៀមរាប​ថ្មីៗ​កន្លងទៅនេះ ដោយសារ​សំណង់​ដែល​ខ្វះ​អ្នកបច្ចេកទេស​នៃ​ការកសាង​ឱ្យបាន​ត្រឹមត្រូវ ទើប​បណ្តាលឱ្យ​គ្រោះថ្នាក់ ដល់​អាយុជីវិត​មនុស្ស មួយចំនួន​ទៅទៀត ហេតុនេះ ទើប​យើង​ផ្សព្វ​ផ្ស​សយ​ឱ្យ មានការ​ប្រុងប្រយ័ត្ន​ខ្ពស់បំផុត រាល់​ការកសាង ត្រូវតែ​ឆ្លងកាត់​ការត្រួតពិនិត្យ​នៃ​អ្នក​បច្ចេក​ទេ​ឱ្យបាន​ត្រឹមត្រូវ​ជាមុនសិន សឹម​ចាប់​ផ្តើមកសាង​ជា​ក្រោយ​។​

​ទី​២~​គ្រោង​រៀបចំ​អនុ​សំវ​ច្ឆ​រ​មហាសន្និបាត​លើក​ទី​២៨​។​
​តើ​គណៈសង្ឃ​ខេត្ត​គួរ​ធ្វើ​ប៉ុន្មាន​ថ្ងៃ​ទើប​សមរម្យ បើ​នៅ​រាជ​ធានា​ភ្នំពេញ គេ​រៀបចំ រយៈពេល​២ ថ្ងៃ​។ ឯ​យើង​ចង់បាន ២ ថ្ងៃ​ដែរ គួរ​ត្រៀមលក្ខណៈ​ទុកជាមុន​ឱ្យ​ហើយ ដូចជា រៀបចំ​ទី​តាំ​ធ្វើ​ពិធី​នោះ គួរ​ធ្វើ​កន្លែង​ណា​ដែល​សមរម្យ , អ្នកចូលរួម ទាំង​ព្រះសង្ឃ​និង អាចារ្យ គណៈកម្មការ​វត្ត ព្រះ​ទាំង​មន្ត្រី​រាជា​ត្រូវ​ចូលរួម​ផង , អ្នក​ជួយ​ផ្គត់ផ្គង់​បាយទឹក ម្ហូ​ម​អាហារ គួរ​តម្រូវឱ្យ​អនុគណ​តាម​ស្រុក​ជួយ​ក្នុង មួយ​ស្រុក​ចំនួន​ប៉ុន្មាន ទើប​អាច​ដំណើរការ​ទៅបាន​។ បើ​និយាយ ពី​ចំនួន​មនុស្ស​ដែល​ត្រូវ​និមន្ត និង​អញ្ជើញ​ចូលរួម​មិនតិចជាង ១៤៥០​អង្គ​/​នាក់​ទេ​។ ដូច្នេះ ថ្ងៃ នេះ​យើង​គ្រាន់តែ​ប្រជុំ​បង្ហាញ​ពី​គម្រោង​បើក នៅ​ខាងចុង​ខែមីនា ទើប​អាច​រៀបចំ កម្មវិធី​ទាន់ ជាពិសេស យើង​ត្រូវ​រក​វិធី​បែបណា ដើម្បី​មាន​ថវិកា​ជួយ​ផ្គត់ផ្គង់​សាលា​គណ ដើម្បី រៀបចំ​កិច្ច​ការសំខាន់​ក្នុង​ពុទ្ធសាសនា បាន​ប្រព្រឹត្តទៅ អាច​ទទួលយក​ខ្លឹមសារ ជាពិសេស ចប់​កម​កមវិធី​នេះ​ទៅ អាចជួយ​ឱ្យ ព្រះសង្ឃ និង​ពុទ្ធបរិស័ទ​យល់ដឹង​ទូលំទូលាយ​នូវ​ខ្លឹមសារ​ដ៏​សំខាន់​នៃ​ការផ្សព្វផ្សាយ​នេះ បាន​គ្រប់គ្រាន់​។​

​ទី​៣~​ការ​ជ្បែ​ង​ចែក​គ្រូ​កិច្ចសន្យា​ក្នុង​ពុទ្ធិកបឋមសិក្សា ។​
​ឆ្នាំ​២០២០​នេះ ខេត្តសៀមរាប​យើង គ្រូ​កិច្ចសន្យា​ក្នុង​ពុទ្ធិកបឋមសិក្សា គេ​កណ​ត់​ផ្តល់ឱ្យ​៩៥ គ្រូ​ទេ​។ ឥឡូវនេះ កំពុងតែ​ទ​ទទួល​ពាក្យ ផុតកំណត់​ថ្ងៃ ទី​២៤​។ ប្រឡង ធ្វើតេស្ត គ្រូ​ជាប់កិច្ចសន្យា នៅ​ថ្ងៃ ទី​២៨ វេលា​ពេលព្រឹក ទីកន្លែង​ប្រឡង នៅ​សាលា​ពុទ្ធិកវិទ្យាល័យ​រាជ​បូ​ណ៌​។ គ្រូ​កិច្ចសន្យា​នេះ បង្រៀន​រយះពេល ១០ ខែ ក្នុង មួយឆ្នាំ បើ​ព្រះ​អនុគណ​ស្រុក​ណាមួយ ចង់​បើក​សាលា​ពុទ្ធិកបឋមសិក្សា សូម​ប្រញាប់ប្រញាល់ ដាក់ពាក្យ​គ្រូ ជាប់កិច្ចសន្យា នេះ ឱ្យបាន​ថ្ងៃ​ផុតកំណត់ ដើម្បី​ងាយស្រួល ទទួលបាន​ប្រាក់ឧបត្ថម្ភ​គ្រូ​ជាប់កិច្ចសន្យា តាម​កាលកំណត់​មួយ​ម្តង​។​

​ទី​៤~​ការគ្រោង​រៀបចំ​បុណ្យ​វិសាខបូជា គួរ​ធ្វើ​ក្នុងនាម​ខេត្តសៀមរាប​។​
​កន្លងមក​សាលា​អនុគណ​ក្រុង​ជា​អ្នករៀបចំ តែ​ឥឡូវនេះ បើ យើង​ធ្វើ​ក្នុងនាម​សាលា​គណ​ខេត្ត សហការ​ជាមួយ មន្ទីរ​ធម្មការ និង​សា​សាសនា​ខេត្តសៀមរាប ដែល​មន្ត្រី​រាជ​គ្រប់​ស្ថាប័ន​ចូលរួម​ផង គឺ​ពិតជា​ការដែល​ទាក់ទាញ​ភ្ញៀវ​ទេសចរណ មក​ខេត្តសៀមរាប​យើង​កាន់តែ​សម្បូរ​ថែម​មួ​យក​ម្រឹត​ទៀត​។ ពីព្រោះ ខេត្តសៀមរាប ជា​ខេត្ត​ដែល​ទាប់​ទាង់​នឹង​ប្រាសាទបុរាណ​ច្រើន បើ​យើង​រៀម​រាបចំ​បុណ្យ​វិសាខបូជា​បានល្អ ក៏​ជាការ​ចូលរួមចំណែក​ដ៏​សំខាន់​ក្នុង វិស័យ​ទេសចរណ៍​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

បុរស​ម្នាក់​ជិះ​ម៉ូតូ​បញ្...

​ដោយៈ​ស​រិ​ទ្ធ​/​ភ្នំពេញៈ...

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...