ដោយ: គូលែន / សៀមរាប: នៅថ្ងៃទី២១ ខែកុម្ភៈ ឆ្នាំ២០២០ នៅ ស្នងការដ្ឋាននគរនគរបាលខេត្តសៀមរាប បានរៀបចំកិច្ចប្រជុំស្តីពី លំហាត់សមយុទ្ធ របស់ ស្នងការដ្ឋាននគរនគរបាលខេត្តសៀមរាបនៅថ្ងៃទី២២ ខែកុម្ភៈ នេះនៅ បរិវេណអង្គរឃ្យុងយូ ខេត្តសៀមរាប។
លោក ឧត្តមសេនីយ៍ ទោ ទិត្យ ណារ៉ុង ស្នងការនគរបាលខេត្តសៀមរាប បាននិយាយថា ក្នុងការចូលរួម សមយុទ្ធនេះដែរ គឺមានគោលបំណង ដើម្បីប្រារព្ធពិធី អបអរសាទរទិវាជាតិ បង្ការ ពន្លត់អគ្គិភ័យ លើកទី៥ ត្រូវនឹងថ្ងៃទី២២ ខែកុម្ភៈ ឆ្នាំ២០២០ នៅបរិវេណអង្គរឃ្យុងយូ ក្នុងក្រុងសៀមរាប។ អាស្រ័យហេតុនេះ សូមបងប្អូនប្រជាពលរដ្ឋ មេត្តាជ្រាបជាពត៍មាន និងកុំមានការភ្ញាក់ផ្អើល ។
លោកបានបន្តថា កម្លាំងដែលចូលរួមគឺមានកងកម្លាំងការិយាល័យនគរបាលបង្ការ ពន្លត់អគ្គីភ័យ និងសង្គ្រោះ នៃស្នងការដ្ឋាននគរបាលខេត្តសៀមរាប នឹងនៅតាមបណ្តាអធិការ នៃអធិការដ្ឋាននគរបាលក្រុង/ស្រុក ចំនួន ០៤ និងកងកម្លាំងអង្គភាពពន្លត់អគ្គិភ័យ ផ្សេងៗទៀតដែលបានចូលរួមធ្វើការលំហាត់សមយុទ្ធ ក្នុងនោះមានដូចជា :
១- រថយន្តពន្លត់អគ្គិភ័យ ស្នងការដ្ឋាននគរបាលខេត្ត សៀមរាបចំនួន ០៤ គ្រឿង
២- រថយន្ដរថយន្តពន្លត់អគ្គិភ័យ អធិការដ្ឋាននគរបាលក្រុងសៀមរាបចំនួន ០១ គ្រឿង
៣- រថយន្ដរថយន្តពន្លត់អគ្គិភ័យ អធិការដ្ឋាននគរបាលស្រុកពួកចំនួន ០១ គ្រឿង
៤- រថយន្ដរថយន្តពន្លត់អគ្គិភ័យ អធិការដ្ឋាននគរបាលស្រុកអង្គរធំចំនួន ០១ គ្រឿង
៥- រថយន្ដរថយន្តពន្លត់អគ្គិភ័យ អធិការដ្ឋាននគរបាលស្រុកប្រាសាទបាគងចំនួន ០១ គ្រឿង
៦- រថយន្តពន្លត់អគ្គិភ័យ កងរាជអាវុធហត្ថខេត្តសៀមរាបចំនួន ០២ គ្រឿង
៧- រថយន្តពន្លត់អគ្គិភ័យ អាជ្ញាធរអប្សរាចំនួន ០២គ្រឿង
៨- រថយន្តពន្លត់អគ្គិភ័យ អង្គភាពនគរបាលការពារបេតិកភណ្ឌប្រចាំតំបន់អង្គរខេត្តសៀមរាបចំនួន ០១ គ្រឿង
៩- រថយន្ដពន្លត់អគ្គិភ័យ បុរីទេសចរណ៍ចំនួន ០១ គ្រឿង
១០- រថយន្ដពន្លត់អគ្គិភ័យ ភូមិវប្បធម៌កម្ពុជាចំនួន ០១គ្រឿង
១១- រថយន្ដគិលានសង្គ្រោះ មន្ទីរពេទ្យបង្អែកខេត្តសៀមរាបចំនួន ០១គ្រឿង៕ ល
