អត្រា​ស្លាប់​របស់​ទារក​និង​មាតា​បាន​ថយចុះ​ដោយសារ​ស្ត្រី​ជា​មាតា​ជួប​គ្រូពេទ្យ​បាន​ទៀងទាត់​

ដោយ​: គង់​ហេង / កំពង់ចាម​: លោក អ៊ុន ចាន់​ដា អភិបាលខេត្ត​កំពង់ចាម​បាន​ថ្លែងថា ផ្អែក​តាម​ការសិក្សា​រយ​:​ពេល​ប្រាំ​ឆ្នាំនេះ គឺ​អត្រា​ស្លាប់​របស់​ទារក និង​ស្ត្រី​ជា​មាតា​បាន​ថយចុះ​។ ដោយសារ​ស្ត្រី​ជា​មាតា​របស់​ទារក​បានមក​ទទួល​សេវា​ពិនិត្យ​សុខភាព​បាន ទៀងទាត់​តាម​ការកំណត់ របស់​គ្រូពេទ្យ​តាម​មណ្ឌល​សុខភាព និង​មន្ទីរពេទ្យ​នានា​នោះ​។​

​នៅក្នុង​ការចូលរួម​អបអរសាទរ​ទិវា​ជាតិ សុខភាព​មាតា ទារក និង​កុមារ ថ្ងៃទី ២១ ខែកុម្ភ​: ឆ្នាំ​២០២០ នៅ​មន្ទីរ​សុខាភិបាល​ខេត្តកំពង់ចាម នៅ​ចំពោះមុខ​ស្ត្រី​មាន​ផ្ទៃពោះ ស្ត្រី​សម្រាលកូន និង​កុមារ​សរុប​ប្រមាណ ១៥០​នាក់ លោក អ៊ុន ចាន់​ដា ជា​អភិបាលខេត្ត​នេះ​បាន​មានប្រសាសន៍ថា សូម​ឳ្យ​បងប្អូន​ស្ត្រី​ជា​មាតា​ទាំងឡាយ​ដែល​ទទួលបាន​ប្រាក់ឧបត្ថម្ភ​ចំនួន ១៥ លើក គឺ​មក​ទទួល​ការពិនិត្យ និង​ព្យាបាល​សុខភាព​ឲ្យ​បាន​តាម​ការកំណត់ និង​ណែនាំ​របស់​គ្រូពេទ្យ​។​

​លោក​អភិបាលខេត្ត​កំពង់ចាម​បាន​មានប្រសាសន៍ថា ប៉ុន្តែ​បញ្ហា​កញ្ចប់​ថវិកា​ដែល​ត្រូវ​ឧបត្ថម្ភ​តាម​ចំនួន​លើក​ខាងលើ គឺ​យើង​បាន​បង្វែរ​ឲ្យ​បងប្អូន​ទូទាត់​ជាមួយ​ខាង​មន្ទីរ​សង្គមកិច្ច​អតីតយុទ្ធជន និង​យុវនីតិសម្បទា​ខេត្តកំពង់ចាម​ចាប់ពី​ថ្ងៃទី ១ ខែកុម្ភ​: ឆ្នាំ​២០២០​។

​លោក អ៊ុន ចាន់​ដា បាន​មានប្រសាសន៍​ទៀតថា ជា​លទ្ធផល នៃ​ការចូលរួម​សកម្មភាព​គាំពារ​សង្គម​របស់​យើង គឺ​បានធ្វើ​អត្រា​ស្លាប់​របស់​ទារក​ពេល​ឆ្លងទន្លេ​បាន​ថយចុះ​ពី​ចំនួន ៣៥ នាក់មក​នៅត្រឹម​ចំនួន ប្រាំបួន នាក់​។ នេះ​បើ​យោងតាម​ការសិក្សា​របស់​មន្ត្រី​ជំនាញ​ពី​ឆ្នាំ​២០១៤ មកដល់​ឆ្នាំ​២០២០ ក្នុងចំណោម​ទារក​ចំនួន ១.០០០​នាក់​។​

​លោក​បាន​មានប្រសាសន៍​បន្តថា ក្នុងនោះ​ក៏មាន​អត្រា​ស្លាប់​របស់​ស្ត្រី​ជា​មាតា ក៏​ថយចុះ​ដែរ គឺ​ពី​ចំនួន ១៧០ នាក់មក​នៅត្រឹម ១៣០ នាក់ ក្នុងចំណោម​មាតា​ឆ្លងទន្លេ​ចំនួន​ប្រមាណ ១០​ម៉ឺន នាក់​។ កត្តា​ដែល​នាំ​ឳ្យ​អត្រា​ស្លាប់​របស់​ទារក និង​មាតា​ថយចុះ​ក្នុងពេល​សម្រាល ឬ​ឆ្លងទន្លេ​នេះ គឺ​ដោយ​ស្ត្រី​ជា​មាតា​បាន​ទៅ​ជួប​គ្រូពេទ្យ​តាម​មណ្ឌល​សុខភាព និង​មន្ទីរពេទ្យ​នានា​តាម​ការណែនាំ និង​ទៀងទាត់​។​

​លោក​បាន​មានប្រសាសន៍​បន្ថែមថា សំណូមពរ​ដល់​មេ​គ្រួសារ ក៏​ដូច​អាណាព្យាបាល​ទាំងអស់​មេត្តា​ផ្លាស់ប្តូរ​ឥរិយាបថ​ពី​ការ​ទៅ​ទទួល​សេវា​សុខភាព​បែប​ប្រពៃណី គឺ​ឆ្មប​បុរាណ ឬក៏​សម្រាលកូន​បែប​បុរាណ​ពុំមាន​ការប្រើប្រាស់​ថ្នាំ​ដែល​ធ្វើ​ឳ្យ​ស្ត្រី​ជា​មាតា​ទាំងឡាយ​នោះ សារជាតិ​វីតាមីន​ក្នុង​រាងកាយ​នោះ​។ ចាំបាច់​ណែនាំ ឬ​បញ្ជូន​មកកាន់​មន្ទីរពេទ្យ គឺ​ចៀសវាង​ការ​ប្រឈម​គ្រោះថ្នាក់ ការស្លាប់​របស់​ទារក និង​មាតា​នៅពេល​សម្រាល ឬ​ឆ្លងទន្លេ​នោះ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

ប៉ូលិស​ថៃ​ចោទប្រកាន់​មេដឹ...

ប្រែ​សម្រួលៈ​វាសនា​/​បាងក...

ស្ថានទូត​កម្ពុជាៈ មន្ទីរព...

ដោយៈ រ៉ា​ម៉ន / ភ្នំពេញៈ ក...

ឃាត់ខ្លួន​ជនសង្ស័យ​ម្នាក់...

​ដោយៈ ស​រិ​ទ្ធ / ភ្នំពេញៈ...

ក្មេងស្រី​អាយុ​មួយឆ្នាំ ប...

​ដោយៈ ស​រិ​ទ្ធ / កណ្ដាលៈ ...