Home ព័ត៌មានជាតិ វប្បធម៌ កម្ពុជា​ឆ្លៀត...

កម្ពុជា​ឆ្លៀត​ផ្សព្វផ្សាយ​ពី​ទេសចរណ៍​ដល់ទី​ផ្សារ​ឥណ្ឌូនេស៊ី នាឱកាស​ពិព័រណ៍​ទេសចរណ៍​អន្តរជាតិ​មួយ​

ដោយ​: មូល​សម្បត្តិ / ភ្នំពេញ​: ដោយ​មើលឃើញ​កម្ពុជា​ក្នុង​ដើមឆ្នាំ​២០២០​នេះ មានការ​ធ្លាក់ចុះ​ភ្ញៀវទេសចរ​បរទេស​ខ្លាំងពេក ដោយសារ​ផ្ទុះ​ជំងឺ​កូ​រ៉ូ​ណា​នៅ​ចិន បានធ្វើ​ឲ្យ​មន្ត្រី​ទេសចរ​មួយចំនួន​ចេញទៅ​ប្រទេសក្រៅ ដើម្បី​កៀងគរ ឃោសនា​ពង្រីក​ការផ្សព្វផ្សាយ​ពី​វិស័យ​ទេសចរណ៍​របស់ខ្លួន ទៅកាន់​ទីផ្សារ​ទេសចរ​ណ៍​ឥណ្ឌូនេស៊ី តាមរយៈ​ការចូលរួម​ក្នុង​ពិព័រណ៍​ទេសចរណ៍ អន្តរជាតិ​អា​ស្ទី​ន​ដូ (Astindo Travel Fair) លើក​ទី​១០ ដែល​បាននិងកំពុង​ធ្វើឡើង​ចាប់ពី​ថ្ងៃទី​២១-២៣ ខែកុម្ភៈ ឆ្នាំ​២០២០ នៅ​ទីក្រុង​ហ្សា​ការ​តា​។​

​ក្រុមការងារ​ក្រសួងទេសចរណ៍​កម្ពុជា ត្រូវបាន​ដឹកនាំ​ដោយ​លោក គុជ បញ្ញា​សា អនុរដ្ឋលេខាធិការ ជាមួយ​ផ្នែក​ឯកជន​បាន​ចូលរួម​ផ្សព្វផ្សាយ​ពី​វិស័យ​ទេសចរណ៍​កម្ពុជា ដើម្បី​ទាក់ទាញ​ទេសចរណ៍​ឥណ្ឌូនេស៊ី​មក​កម្ពុជា ឲ្យ​បាន​កាន់តែ​ច្រើនឡើង​ថែមទៀត​។​

​យោងតាម​ស្ថិតិ​របស់​ក្រសួងទេសចរណ៍​នៅ​ឆ្នាំ​២០១៩ កម្ពុជា​ទទួលបាន​ទេស​ចរ ឥណ្ឌូណេស៊ី​ចំនួន ៦៦,៨០៤​នាក់ កើនឡើង ១៩.៨​ភាគរយ ធៀប​នឹង​ឆ្នាំ​២០១៨​។ ឥណ្ឌូណេស៊ី គឺជា​ទីផ្សារ​ដ៏​ធំ​មួយ​ប្រចាំ​នៅ​តំបន់​អាស៊ីអាគ្នេយ៍ ដែលមាន​ប្រជាជន​សរុប​ប្រមាណ​ជាង ២៦៩​លាន​នាក់​។​

​ពិព័រណ៍ Astindo Travel Fair ជា​វេទិកា​ទេសចរណ៍ និង​ជា​ព្រឹត្តិការណ៍​ដ៏​ធំ​បំផុត​មួយ នៅក្នុង​ប្រទេស​ឥណ្ឌូនេស៊ី ដែល​ផ្តល់ឱកាស​ដល់​ធុរជន​ក្នុង​វិស័យ​ទេសចរណ៍​អាច​ជួប​ផ្ទាល់​ជាមួយ​អតិថិជន ដើម្បី​ទទួលបាន​ព័ត៌មាន​ទាក់ទង​នឹង​ការធ្វើដំណើរ​ទៅកាន់​គោលដៅ​ទេសចរណ៍​នានា ក្នុងប្រទេស​ឥណ្ឌូនេស៊ី និង​នៅក្រៅ​ប្រទេស ដូចជា​កម្ពុជា​ជាដើម​។​

​គួរ​កត់សម្គាល់ថា កម្ពុ​ជាមាន​ការតភ្ជាប់​ជើងហោះហើរ​ត្រង់​ពី​ឥណ្ឌូនេស៊ី តាមរយៈ​ក្រុមហ៊ុន​អាកាសចរណ៍ City Link ដែល​បានចាប់ផ្ដើម​ប្រតិបត្តិ​តាំងពី​ខែកក្កដា​ឆ្នាំ​២០១៩ ដោយបាន​នាំ​ភ្ញៀវទេសចរ​ឥណ្ឌូនេស៊ី និង​ទេសចរ​ប្រទេស​ទី​បី​មកកាន់​កម្ពុជា​យ៉ាងច្រើន​ថែមទៀត​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

ក្រសួង​ការងារ​ប្រកាស​អំពី...

ដោយ​៖ ដេប៉ូ / ភ្នំពេញ​៖ ន...

ម៉ាស​ដែល​សម្តេច​តេ​ជោ​ប្រ...

ដោយ​: ចាន់តូ / ភ្នំពេញ​: ...

រថយន្ដ​មន្ទីរ​សុខភាព​ខេត្...

​ដោយ​: វណ្ណៈ / ព្រះសីហនុ​...

ប្រជាពលរដ្ឋ​ប្រទះឃើញ​ពស់ថ...

ដោយ​: ស​រិ​ទ្ធ / ភ្នំពេញ​...