Home ព័ត៌មានជាតិ សន្តិសុខ មាន​សំឡេង​ផ្ទ...

មាន​សំឡេង​ផ្ទុះ​២​ទៅ​៣​គ្រាប់​ទាំង​កណ្ដាលយប់ ពេល​សមត្ថកិច្ច​ចុះ​ចាប់​ថា​គ្រាន់តែ​ដុត​ផាវ​

ដោយ​: សម្បត្តិ / ភ្នំពេញ​: យុវជន​២​នាក់ ជិះ​រថយន្ត​ម៉ាក​សឺ​ដេ​ស​មួយគ្រឿង បាន​បង្ក​ឲ្យ​មាន​សំឡេង​ផ្ទុះ​២​ទៅ​៣​គ្រាប់ ដែល​គេ​សង្ស័យថា​ជាការ​ផ្ទុះអាវុធ បណ្ដាលឱ្យមាន​ការភ្ញាក់ផ្អើល​ដល់​ប្រជាពលរដ្ឋ ក៏​ដូច​សមត្ថកិច្ច​ចុះមក​អន្តរាគមន៍ ចាប់​ជនសង្ស័យ​ទាំងពីរ​នាក់​ធ្វើការ​សាកសួរ​។ ហេតុការណ៍​កើតឡើង​កាលពី​វេលា​ម៉ោង​១១​និង​៤០​នាទី​យប់ ថ្ងៃទី​២១ ខែកុម្ភៈ ឆ្នាំ​២០២០ ត្រង់ចំណុច​ស្តុ​ប​រោងកុន​អង្គរ​ចាស់ ក្នុង​សង្កាត់​អូរឫស្សី​ទី​៤ ខណ្ឌ​៧​មករា​។​

​ជនសង្ស័យ​ទាំង​២​នាក់ មិន​ត្រូវបាន​ស្គាល់​អត្តសញ្ញាណ​នោះទេ បាន​បើករថយន្ត​ម៉ាក ម៉ា​សឺ​ដេ​ស ពណ៌​ខ្មៅ ពាក់​ផ្លាកលេខ ភ្នំពេញ 2BC 6066 ។​

​ប្រភពពី​កន្លែងកើតហេតុ​បាន​ឲ្យ​ដឹងថា ដំបូង​ឡើយ​គេ​ឃើញ​រថយន្ត​ម៉ាក​សឺ​ដេ​ស​មួយគ្រឿង បើក​តាម​បណ្ដោយ​ផ្លូវ​២១៧ ទិសដៅ​ពី​លិច​មក​កើត ខណៈ​មកដល់​ចំណុចកើតហេតុ​ខាងលើ រួច​ក៏​បត់​ទៅ​ទិស​ខាងត្បូង ខាងក្រោយ​រោងកុន​អង្គរ​ចាស់​កន្លែងផ្ញើម៉ូតូ​ក៏មាន​ការផ្ទុះ​ចំនួន ២​ទៅ ៣​គ្រាប់​ទៀត បង្ក​ឲ្យ​មានការ​ភ្ញាក់ផ្អើល​ដល់​ស​ម​ត្ថ​កិច្ច ហើយក៏​ចុះមក​អន្តរាគមន៍​។ ភា្ល​មៗ​នោះ គឺមាន​យុវជន​ម្នាក់ ចេញពី​រថយន្ត​បង្ក​រត់​ចូល​ទៅខាង​ក្នុងផ្ទះ មួយសន្ទុះ​ក្រោយមក​ក៏​ចេញ​មកវិញ ហើយ​ក៏បាន​លើកដៃ​ឱ្យ​សមត្ថកិច្ច​ឆែកឆេរ សមត្ថកិច្ច​ក៏បាន​ឃាត់ខ្លួន​ទាំងពីរ​នាក់​យកទៅ​សួរ​នាំនៅ​ប៉ុស្តិ៍នគរបាល​រដ្ឋបាល​អូរឫស្សី​ទី​៤​។​

​ក្រោយពី​ពិនិត្យ​និង​សួរ​ហេតុផល​មក​យុវជន​ទាំង ២ នាក់​បាន​ឆ្លើយថា ជាការ​ដុត​ផាវ​បំផ្ទុះ​នោះទេ មិនមាន​ការបាញ់បោះ​មិនមាន​កាំភ្លើង​បាញ់​នោះទេ ហើយ​សមត្ថកិច្ច​ធ្វើ​កំណត់ហេតុ​រួច​បាន​បញ្ជូន​បន្តទៅ​អធិការដ្ឋាន​ខណ្ឌ​៧​មករា ដើម្បី​ចាត់ការ​ទៅតាម​នីតិវិធី​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

​ចិន​ពង្រឹង​វិធានការ​ទប់ស...

​ប្រែ​សម្រួល : កញ្ញា​ដា​ល...

រដ្ឋាភិបាល​ឥណ្ឌា​សុំ​ចរចា...

​ប្រែ​សម្រួលៈ​វាសនា​/​ញូ​...

កម្មវិធី​កំណប់​សហគមន៍ ជំរ...

​ដោយៈ ជា សីហៈ / ភ្នំពេញៈ ...