ដោយ:វណ្ណៈ/ព្រះសីហនុ ៖ នាព្រឹកថ្ងៃទី២២ខែកុម្ភៈឆ្នាំ២០២០ តំបន់សមុទ្រមានព្យុះរលក ខ្លាំងគួរសម ដែលប្រជានេសាទអះអាងថា ជាព្យុះកក្តិកប៉ុន្តែមិនមានស្ថានភាពធ្ងន់ធ្ងរប៉ះពាល់ដល់ការនេសាទ ឬទូកដឹកទេសចរណ៍នោះទេ ។
ទោះជាយ៉ាងនេះក្តី ប្រជានេសាទ ទូកតូចៗ លក្ខណះគ្រួសារ បានត្អូញត្អែថារដូវខ្យល់ព្យុះកក្តិកតែងកើតមានរាល់ឆ្នាំ ពួកគាត់ក៏មានផលលំបាកខ្លាំងណាស់ដែរក្នុងការចេញធ្វើនេសាទ ព្រោះរលកធំៗ នៅសមុទ្រ។
មន្ត្រីនៃមន្ទីរធនធានទឹកនិងឧត្តុនិយមខេត្តព្រះសីហនុ បានប្រាប់ថា ព្យុះកក្តិក កើតមានចាប់ពីពេលទៀបភ្លឺ រហូតដល់ថ្ងៃបាក់រសៀល ទៀបស្រាក ដូចនេះអ្នកនេសាទ និងអ្នកធ្វើដំណើរតាមសមុទ្រអាចធ្វើទៅបាន តែថ្ងៃបាក់រសៀលតែប៉ុណ្ណោះ។
មន្ត្រីដដែលបន្តរថា ព្យុះកក្តិកនេះតែងកើតមានរៀងរាល់ឆ្នាំ ឲ្យតែដល់រដូវរំហើយ គ្រាន់តែមានពេលខ្លះ ខ្លាំងហើយពេលខ្លះក៏មានសភាពខ្សោយដែរ។
អាជ្ញាធរនិងសមត្ថកិច្ចពាក់ពន្ធ័បានអំពាវអោយអ្នកធ្វើដំណើរផ្លូវសមុទ្របង្កើនការប្រុងប្រយត្ន័ អំពីខ្យល់រដូវនិងរលកសមុទ្រខ្ពស់នេះ៕B/
