ខេត្តកំពង់ឆ្នាំង ប្រារព្ធធ្វើទិវាជាតិ​ បង្ការ និងពន្លត់អគ្គិភ័យលើកទី៥​

138
ចែករម្លែក

ដោយៈទេព កង្រី/កំពង់ឆ្នាំង ៖ ខេត្តកំពង់ឆ្នាំងមានរៀបចំប្រារព្ធពិធីទិវាជាតុិបង្កា និងពន្លត់អគ្គីភយ័លើកទី៥។

ពិធីនេះបានធ្វើឡើងនៅព្រឹកថ្ងៃទី២២ ខែកុម្ភៈ ឆ្នាំ២០២០ ខេត្តកំពង់ឆ្នាំងបានប្រារព្ធទិវាជាតិបង្ការនិងពន្លត់អគ្គ្គីភ័យនៅទីលានបាល់ទាត់មុខសាលាខេត្តកំពង់ឆ្នាំង ក្រោមអធិបតីភាព អភិបាលរង ខេត្តកំពង់ឆ្នាំង លោកអមសុភា ដោយមានការចូលរួមពីមន្ត្រីរាជការកងកម្លាំងប្រដាប់អាវុធ សិស្សានុ សិស្ស និងប្រជាពលរដ្ឋចំនួន​១.២២៦នាក់។

ស្នងការរងទទួលការងារបង្ការនិងពន្លត់អគ្គិភ័យនៃស្នងការដ្ឋាននគរបាលកខេត្តកំពង់ឆ្នាំងលោកឧ្ត្តមសេនីយ៍ត្រី លុយឌីណា បានអោយដឹងថាៈទិវាជាតិបង្ការ និងពន្លត់អគ្គិ​ភ័យ ធ្វើឡើងដើម្បីជំរុញដល់ប្រជាពលរដ្ឋមានការប្រុងប្រយ័ត្នខ្ពស់ចំពោះ គ្រោះអគ្គិភ័យដែលកើតឡើងជាយថាហេតុនេះ។

ក្រៅពីសកម្មភាពជួយអន្តរាគមន៍ មន្រ្តីជំនាញបានចុះធ្វើការផ្សព្វផ្សាយ អប់រំ ណែនាំ ម្ចាស់​រោងចក្រសហគ្រាស និងប្រជាពលរដ្ឋអំពីរបៀបនៃការសង្រ្គោះបឋម ព្រមទាំងបង្ហាត់​បង្រៀន អំពីរបៀបនៃការប្រើប្រាស់បំពង់ពន្លត់អគ្គិភ័នៅពេលមានអគ្គិភ័យកើតឡើងជាយថាហេតុផងដែរ។

មានប្រសាសន៍នៅក្នុងឱកាសនោះ អភិបាលរងខេត្តកំពង់ឆ្នាំងលោក អម សុភា បានមានប្រសាសន៍ថា គ្រោះអគ្គីភ័យ ពិតជា បានបង្កនូវ វិនាសកម្ម បាត់បង់អាយុជីវិត ធ្លាក់ខ្លួនពិការ ភាពចំពោះបងប្អូនប្រជាពលរដ្ឋ និងធ្វើអោយខាតបង់ ទ្រព្យសម្បត្តិរដ្ឋ សាធារណៈ និងឯកជនផងដែរ។

អភិបាលរងខេត្តបានប្រសាសន៍បន្តទៀតថាៈ ការបង្ការពន្លត់អគ្គីភ័យគឺជាករណីកិច្ចគ្រប់មន្ទីរ អង្គភាព ផ្នែកឯកជន និង ប្រជាពលរដ្ឋ ត្រូវមានស្មារតីប្រុងប្រយ័ត្នខ្ពស់ចំពោះគ្រោះអគ្គីភ័យ និង ចូលរួមពន្លត់អគ្គិភ័យនៅពេលមានគ្រោះអគ្គិភ័យកើតមានឡើងនិងត្រូវបង្កើនការផ្សព្វផ្សាយច្បាប់ស្តីពីបង្ការ និង ពន្លត់អគ្គិភ័យនិងលិខិតបទ​ដ្ឋានគតិយុត្តនានានិងធ្វើការអប់រំណែនាំដល់ប្រជាពលរដ្ឋឲ្យបានយល់ដឹងអំពីវិធានការណ៍បច្ចេកទេសបង្ការនិងពន្លត់អគ្គិភ័យនៅគ្រប់សណ្ឋាគារផ្ទះសំណាក់ ភោជនីយដ្ឋាន ក្រុមហ៊ុនក្លឹប កម្សាន្តតាមផ្សារនិងអាជីវកម្មនានាគឺត្រូវបំពាក់ប្រព័ន្ធសុវត្ថិភាពបង្ការពន្លត់អគ្គិភ័យឲ្យបានត្រឹមត្រូវតាមបច្ចេកទេស។

អភិបាលរងខេត្តកំពង់ឆ្នាំងលោក អម សុភា បានអំពាវនាវដល់គ្រប់ស្ថាប័ន មន្ត្រីរាជការ និង វិស័យឯកជនប្រជាពលរដ្ឋត្រូវមានការប្រុងប្រយ័ត្នខ្ពស់កុំឲ្យកើតមានអគ្គិភ័យនេះក្នុងនោះដែរអាជ្ញាធដែនដីគ្រប់ជាន់ថ្នាក់ក៏ត្រូវបង្កើននូវការចាត់វិធានផ្សព្វផ្សាយ អប់រំ ណែនាំ ដល់ប្រជាពលរដ្ឋ ក្នុងដែនសមត្ថកិច្ចរបស់ខ្លួនឲ្យមានការប្រុងប្រយ័ត្ន គ្រប់វិនាទីចំពោះដើមចោទ ដែលអាចបង្កកើតមានអគ្គីភ័យដូចជាភ្លើងចង្ក្រានភ្លើងចង្កៀង ភ្លើងទៀនធូប ភ្លើងព្រៃ ភ្លើងបារី រំសែវជាតិផ្ទុះប្រេងឥន្ធៈឧស្ម័នចំហេះសារធាតុគីមីដែលជាវត្ថុងាយឆេះសំខាន់លើបច្ចេកទេសក្នុងការតប្រព័ន្ធបណ្តាញអគ្គីសនីនៅតាមលំនៅដ្ឋានសណ្ឋាគារផ្ទះសំណាក់ ក្រុមហ៊ុន ភោជនីយដ្ឋាន និង ក្លឹបកំសាន្តជាដើម។ ក្នុងនោះត្រូវចូលរួមសហការជាមួយអាជ្ញាធរ និង សមត្ថកិច្ចជំនាញ ក្នុងការអនុវត្តវិធានការណ៍ទប់ស្កាត់កុំអោយមានគ្រោះ ថ្នាក់អគ្គិភ័យកើតឡើង៕B/

អាជ្ញាប័ណ្ណចែកចាយផ្តាច់មុខ