ដោយៈសុផល/ភ្នំពេញៈសំឡេងហ៊ោកញ្ជ្រៀវនិងទឹកមុខសប្បាយរីករាយពីអ្នកគាំទ្រកក្រុមSMALLWORLDSMALLBANDក្នុងឱកាសនៃការប្រកាសស្វាគមន៍ក្រុមចម្រៀងនេះជាទូតសុឆន្ទៈរបស់ទឹកក្រូចអាយស៍ បានបញ្ជាក់យ៉ាងច្បាស់អំពីការពេញចិត្តនិងត្រេកអរជាមួយនឹងព្រឹត្តិការណ៍នេះ។
កញ្ញានីរ័ត្នអ្នកគាំទ្រដ៏ស្មោះស្ម័គ្រម្នាក់ដែលមកចូលរួមកម្មវិធីបានឱ្យដឹងថា៖ «ខ្ញុំរំភើបខ្លាំងមែនទែន ខំមកចាំតាំងពីម៉ោង៣ដើម្បីបានជួបបងៗក្រុមតូច។អ្វីដែលសំខាន់បានជួបគាត់ផ្ទាល់ហើយបានកាដូឡើងច្រើននិងហត្ថលេខាទៀត»។
សម្រាប់ហ្វេនម្នាក់ទៀតលោកតារាវុធបានបង្ហាញអារម្មណ៍រំភើបយ៉ាងដូច្នេះថា៖«និយាយទៅខ្ញុំពេញចិត្តការរៀបចំទាំងអស់របស់ក្រុមហ៊ុនផលិតទឹកក្រូចអាយស៍ព្រោះអីខ្ញុំហ្នឹងហើយជាអ្នកចូលចិត្តញុំាទឹកក្រូចអាយស៍ ហើយចូលចិត្តក្រុម SMALLWORLD SMALLBAND ខ្លាំងហ្មង។ អីចឹងមកថ្ងៃនេះចំណេញខ្លាំង ហើយសប្បាយខ្លាំង»។
ចំណែក លោក រ៉ុងសុភីដេវីដ សមាជិកក្រុម SMALLWORLDSMALLBANDក្រុមតូចវិញបានឱ្យដឹងថា៖ «ខ្ញុំពិតជារីករាយដែលក្រុមខ្ញុំត្រូវបានជ្រើសរើសជាទូតសុឆន្ទៈរបស់ទឹកក្រូចអាយស៍ដែលជាភេសជ្ជៈកូឡាដែលទទួលបានការគាំទ្រខ្លាំង។ពួកយើងទាំង៤នាក់នឹងនាំមកនូវការកម្សាន្តដែលដឹកនាំដោយទឹកក្រូចអាយស៍តាមរយៈការប្រគំតន្ត្រី និង ព្រឹត្តិការណ៍ផ្សេងៗផងដែរ»៕S/
