ដោយមុនីរ័ត្ន/ភ្នំពេញៈសម្តេចនាយករដ្ឋមន្ត្រីហ៊ុនសែននាយករដ្ឋមន្ត្រីបានចេញអនុក្រឹត្យតែងតាំងមុខតំណែងនាយនគរបាលថ្នាក់ឧត្តមសេនីយ៍ចំនួន៧រូបចំណុះអគ្គស្នងការដ្ឋាននគរបាលជាតិនៃក្រសួងមហាផ្ទៃ។យោងតាមអនុក្រឹត្យចុះថ្ងៃទី១៤ខែកុម្ភៈឆ្នាំ២០២០បានឱ្យដឹងថានាយនគរបាលថ្នាក់ឧត្តមសេនីយ៍ចំនួន ៧រូប ដែលត្រូវតែងតាំងមានដូចជា:
១. លោកឧត្តមសេនីយ៍ឯក មួង សុធា ជាអគ្គស្នងការរងនគរបាលជាតិ។២. លោកឧត្តមសេនីយ៍ឯក អ៊ី សុខឃីជាអគ្គស្នងការរងនគរបាលជាតិ។៣.លោកឧត្តមសេនីយ៍ឯកឡោសុឡេងជាអគ្គស្នងការរងនគរបាលជាតិ។៤.លោកឧត្តមសេនីយ៍ឯកជុំសាវុឌ្ឍជាប្រធាននាយកដ្ឋានអង្គរក្ស(ជំនួសលោកនាយឧត្តមសេនីយ៍ទូចណារ៉ុថដែលចូលនិវត្តន៍)។
៥.លោកឧត្តមសេនីយ៍ឯកសំស៊ីយ៉ានជាប្រធាននាយកដ្ឋាននគរបាលការពារ។៦.លោកឧត្តមសេនីយ៍ទោ ឈុន ចាន់សុខា ជាប្រធាននាយកដ្ឋានបច្ចេកទេស និងវិទ្យាសាស្ត្រ(ជំនួសលោកឧត្តមសេនីយ៍ឯក មួងសុធាឡើងជាអគ្គស្នងការរងនគរបាលជាតិ)។៧.លោកឧត្តមសេនីយ៍ទោធូសារឿនជាប្រធាននាយកដ្ឋានប្រឆាំងភេរវកម្មនិងឧក្រិដ្ឋកម្មឆ្លងដែន(ជំនួសលោកឧត្តមសេនីយ៍ឯកអ៊ីសុខឃីឡើងជាអគ្គស្នងការរងនគរបាលជាតិ)៕S/
