Home ព័ត៌មានជាតិ សេដ្ឋកិច្ច រថយន្ត​ម៉ា​ស្...

រថយន្ត​ម៉ា​ស្ដា​បើក​បុករ​ប៉ាំង​ថ្ម​ពុះ​ចែក​ទ្រូងផ្លូវ​បាក់​អស់​មួយ​កង់​

ដោយ​: ម៉ា​រ៉ា / ភ្នំពេញ​: រថយន្ត​ម៉ាក​ម៉ា​ស្តា​មួយគ្រឿង​បោះពួយ​ក្នុង​ល្បឿន​លឿន ជ្រុល​ទៅបុក​ក្បាល​ព្រួញ​ពុះ​ចែក​ទ្រូងផ្លូវ​បាក់​អស់​មួយ​កង់​ខ្ទាត​មក​កណ្ដាលផ្លូវ ចំណែក​រថយន្ត​បង្ក​បែក​កង់​ខាងមុខ​ទៅ​លែងរួច អ្នកបើកបរ​គេចខ្លួនបាត់​។ ហេតុការណ៍​នេះ កើតឡើង​កាលពី​វេលា​ម៉ោង ១១ និង ១០ នាទី​យប់​ថ្ងៃទី​២២ ខែកុម្ភៈ ឆ្នាំ​២០២០ ស្ថិតនៅតាម​បណ្ដោយ​ផ្លូវ​ព្រះសីហនុ នៅ​ខាងកើត​រោងកុន​គីរីរម្យ​ប្រមាណ​ជាង ១០០​ម៉ែត្រ ក្នុង​សង្កាត់​បឹង​កេងកង​ទី​២ ខណ្ឌ​បឹង​កេងកង​។​

​ការ​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុន​កើតហេតុ​គេ​ឃើញ​រថយន្ត​ម៉ាក ម៉ា​ស្តា​មួយគ្រឿង​ពណ៌​ស​ពាក់​ផ្លាកលេខ ភ្នំពេញ 2Y 8879 ធ្វើដំណើរ​ទិសដៅ​ពី​លិចទៅ​កើត​ក្នុង​ល្បឿន​លឿន លុះ​មកដល់​ចំណុចកើតហេតុ​ខាងលើ បាន​រេ​ចង្កូត​ទៅខាង​ឆ្វេង​ដៃ​ជ្រុល​ទៅបុក​ក្បាល​ព្រួញ​ពុះ​ចែក​ទ្រូងផ្លូវ​ពេញទំហឹង បណ្ដាល​ឲ្យ​បាក់​អស់​១​កង់​ខ្ទាត​មក​កណ្ដាលផ្លូវ ចំណែក​រថយន្ត​បង្ក​តង​ការខូចខាត​ផ្នែក​ខាងមុខ​ខាង​ធ្វេ​ង និង​បែក​កង់​ទៅមុខ​លែងរួច​។ ភ្លាមៗ​នោះ អ្នកបើកបរ​រថយន្ត​បាន​រត់គេចខ្លួន​ចេញពី​កន្លែងកើតហេតុ​បាត់ស្រមោល​។​

​ក្រោយ​កើតហេតុ សមត្ថកិច្ច​មូលដ្ឋាន​បាន​ចុះមក​ដល់​បាន​ទំនាក់ទំនង​ទៅ​សមត្ថកិច្ច​ជំនាញ ចុះមក​ធ្វើការ​វាស់វែង និង​ស្ទូច​រថយន្ត​បង្ក​ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ រង់ចាំ​ម្ចាស់​ចូលខ្លួន​មក​ដោះស្រាយ​គ្នា​ទៅតាម​ផ្លូវច្បាប់​៕ ល​

ទីតាំងផ្សាយពាណិជ្ជកម្ម

- Advertisment -

Most Popular