Home ព័ត៌មានអន្តរជាតិ មិនទាន់​បាន​ច...

មិនទាន់​បាន​ចូល​អង្គុយ​កៅអី​នាយករដ្ឋមន្ត្រី​ផង អាន់​វ៉ា យល់ថា​លោក​ត្រូវ​ដៃគូ​ក្នុងក្រុម​ចម្រុះ​ក្បត់​

​ប្រធាន​គណបក្ស ប៉ា​ទី គី​ឌី​ឡាន រ៉ា​ក​យ៉ាត (PKR)​លោក​អាន់​វ៉ា អ៊ីប្រាហ៊ីម បាន​អះអាង​កាលពី​ថ្ងៃអាទិត្យ​ទី​២៣​កុម្ភៈ​ថា រូបលោក​ត្រូវបាន​ដៃគូ​ក្នុង​ក្រុមចម្រុះ​​ប៉ា​កាតា​ន ហា​រ៉ា​ប៉ាន​(PH)​ក្បត់​ ដោយសារតែ​ពួកគេ​ព្យាយាម​រំលាយ​ចោល​រដ្ឋាភិបាល​បច្ចុប្បន្ន​ក្នុងពេល​លោក​រង់ចាំ​ពេលមកដល់​យ៉ាង​អន្ទះសាដើម្បី​ចូល​កាន់​​តំណែង​នាយករដ្ឋមន្ត្រី​ដូរ​វេន​ពី​លោក​មហា​ធៀ ម៉ូ​ហា​ម៉ា​ត​។​

​ការចោទប្រកាន់​នេះ​ធ្វើឡើង​ចំ​ពេល​មាន​លេចឮ​ពាក្យ​ចចាមអារ៉ាម​ថា ក្រុមចម្រុះ​កាន់អំណាច​ថ្មី​មួយ​នឹង​ត្រូវ​បង្កើតឡើង ដោយ​រួម​បញ្ចូល​គណបក្ស​Bersatu​គណបក្ស​UMNO គណបក្ស​PAS​និង​បក្ស​ផ្សេងទៀត​។​

​នៅក្នុង​ទំព័រ​ហ្វេ​ស​ប៊ុកមួយ លោក​អាន់​វ៉ា បាន​និយាយថា ខណៈ​នៅ​មិនទាន់​មាន​ការប្រកាស​ផ្លូវការ​នៅឡើយ​កាលពី​ថ្ងៃអាទិត្យ លោក​ត្រូវបាន​គេ​ផ្តល់​ព័ត៌មាន​​មក​ថា​មាន​អំពើ​ក្បត់​ហើយ​។​លោក​បាន​ទទួលស្គាល់ថា មាន​ការប៉ុនប៉ង​បំបែក​ក្រុមចម្រុះ​PH ដូច្នេះ​រដ្ឋាភិបាល​ថ្មី​មួយ​អាច​ត្រូវ​បង្កើតឡើង​។​

​លោក​អាន់​វ៉ា គ្រោង​ចូលគាល់​ស្តេច​នៅ​ថ្ងៃ​ចន្ទ​ទី​២៤​កុម្ភៈ ដើម្បី​រាយការណ៍​ថ្វាយ​ព្រះមហាក្សត្រ​អំពី​បច្ចុប្បន្នភាព​នយោបាយ​។​

​កាលពី​យប់​ថ្ងៃអាទិត្យ មាន​ការជួបជុំ​មួយ​រវាង​សមាជិក​សភា​មក​ពី​ក្រុម​នយោបាយ​បែកបាក់ រួម​មាន​អ្នក​នយោ​បាយ​មកពី​បក្ស​Bersatu, UMNO, PAS និង​​ក្រុម​បំបែក​ខ្លួន​មួយ​មក​ពី​បក្ស PKR ។​សារព័ត៌មាន​ម៉ាឡេស៊ី​ក៏​បាន​និយាយថា មេដឹកនាំ​គណបក្ស​ចំនួន​៦​បាន​ចូល​គាល់​ស្តេច​ម៉ាឡេស៊ី​កាលពី​ល្ងាច​ថ្ងៃ​អាទិត្យ​។​

​ជំនួប​នេះ​កើត​ឡើង​បន្ទាប់ពី​មាន​កិច្ចប្រជុំ​របស់​ក្រុមប្រឹក្សា​ប្រធាន​ក្រុមចម្រុះ​PH កាលពី​យប់​ថ្ងៃ​សុក្រ នៅ​ពេល​នាយក​រដ្ឋមន្ត្រី​មហា​ធៀ បាន​និយាយថា​«​មិនមាន​​ការកំណត់​កាលបរិច្ឆេទ​សម្រាប់​ដូរ​មេដឹកនាំ​ទៅកាន់​អ្នក​ស្នង គឺ​លោក​អាន់​វ៉ា ក្រោម​កិច្ច​ព្រមព្រៀង​មួយ​ក្នុងចំណោម​ដៃគូ​របស់​PH​ដើម្បី​ដណ្តើម​ជ័យជម្នះ​ក្នុងការ​​បោះឆ្នោត​កាលពី​ឆ្នាំ​២០១៨​ទេ​។​

​នៅពេល​ត្រូវ​បាន​សួរថា​ តើ​លោក​អាន់​វ៉ា​នឹង​ជា​នាយករដ្ឋមន្ត្រី​នៅពេល​បន្ទាប់​ឬ លោក​មហា​ធៀ បាន​និយាយថា​«​បញ្ហា​នេះ​មិន​កើត​មាន​ទេ​។​តំណែង​នេះ​គឺ​ខ្ញុំ​ជា​​អ្នកសម្រេច​បន្ទាប់ពី​កិច្ចប្រជុំ​Apec​ទៅ​»​។​

​ទោះជា​យ៉ាងណា​កន្លងមក លោក​មហា​ធៀ​បាន​អះអាង​ថា​លោក​នឹង​រក្សា​ពាក្យ​សន្យាថា​នឹង​ប្រគល់​តំណែង​ទៅកាន់​អ្នក​ស្នង​ពី​លោក​នៅ​ក្រោយ​កិច្ចប្រជុំ​Apec​នៅ​ខែ​វិច្ឆិកា​៕​ប្រែ​សម្រួល​៖​វាសនា​/Ha

អាន់​វ៉ា និយាយថា​លោក​ស្រឡាំងកាំង​នៅពេល​ដឹងថា លោក​ត្រូវ​គេ​ក្បត់ ពីព្រោះ​មាន​ការសន្យា​ប្រគល់​អំណាច​ជូន​លោក​

មហា​ធៀ បាន​សន្យា​ប្រគល់​អំណាច​ទៅ​អាន់​វ៉ា​ក្រោយ​លោក​ធ្វើ​នាយករដ្ឋមន្ត្រី​មួយរយៈ បើ​ក្រុមចម្រុះ​PH​ឈ្នះឆ្នោត តែ​ភាព​តានតឹង​ចេះតែ​កើន​ឡើង​រវាង​ក្រុម​​ប្រជែង​គ្នា​ក្នុង​រដ្ឋាភិបាល​

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...