Home ព័ត៌មានជាតិ នយោបាយ សម្តេច​តេ​ជោ​...

សម្តេច​តេ​ជោ​ប្រកាស​ដាក់ចេញ​នូវ​វិធាន​ការជួយ​វិស័យ​កាត់​ដេរ​និងកម្មករ កម្មការិនី

សម្តេច​តេ​ជោ​ហ៊ុនសែនប្រកាស​ដាក់ចេញ​នូវ​វិធាន​ការជួយ​វិស័យ​កាត់​ដេរ​និងកម្មករកម្មការិនី

ដោយៈ​តារា​រិ​ទ្ធ​/​ភ្នំពេញៈ​សម្តេច​អគ្គមហាសេនាបតី​តេ​ជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ប្រកាស​ចេញ​នូវ​វិធានការ​មួយចំនួន​ទាក់ទង​នឹង​ការជួយ​គាំទ្រ​ដល់​វិស័យ​កាត់ដេរ​ដែល​កំពុងស្ថិត​ក្នុងស្ថានភាព​ថ្មី​។​ការបញ្ជាក់​នេះ​កាលពី​ព្រឹក​ថ្ងៃទី​២៤​ខែកុម្ភៈ​ឆ្នាំ​២០២០​ នៅ​វិមាន​សន្តិភាព​ទីស្តីការ​នាយករដ្ឋមន្ត្រី​ ដែលជា​សារ​ជូន​ជនរួមជាតិ​ស្តីពី​វិធានការ​របស់​រាជរដ្ឋាភិបាល ដើម្បី​គ្រប់គ្រង​ផលប៉ះពាល់​ពី​ជំងឺ​រលាក​ផ្លូវដង្ហើម​ធ្ងន់ធ្ងរ (​ខូ​វិដ​-១៩) និង ការព្យួរ​ភាពអនុគ្រោះ​ពន្ធ​លើ​ទំនិញ​មួយចំនួន ក្រោម​កម្មវិធី «​ទំនិញ​គ្រប់មុខ លើកលែង​អាវុធ​» (EBA)​។​

សម្តេច​តេ​ជោ​ហ៊ុនសែន​បាន​បញ្ជាក់ថា ​វិធាន​ការជួយ​វិស័យ​កាត់ដេរ​សម្លៀកបំពាក់​, ស្បែកជើង និង​កា​បូ​ប​ ​វិស័យ​កាត់ដេរ​ក៏​ទទួល​នូវ​ផលប៉ះពាល់​ច្រើន​ពី​ការភ័យខ្លាច​ជំងឺ​ខូ​វិដ​-១៩​។​ដោយសារ​រោងចក្រ​នៅ​ប្រទេស​ចិន​ភាគច្រើន​មិនទាន់​បើក​ដំណើការ​ពេញលេញ​នៅឡើយ ដែល​ធ្វើឱ្យ​ការផ្គត់ផ្គង់​ទៅកាន់​ទី​​ផ្សារ​ផ្សេងទៀត រួមទាំងប្រទេស​កម្ពុជា​ផង មាន​ភាព​យឺត​យ៉ាវ ហើយ​ប្រឈម​នឹង​ការខ្វះ​វត្ថុធាតុដើម​សម្រាប់​ការផលិត ។ សម្តេច​បន្តថា​ មកដល់ពេលនេះ​មាន​រោងចក្រ​មួយចំនួន​តូច​បានចាប់ផ្តើម​គិតគូរ​ពី​ការព្យួរ​សកម្មភាព​ផលិត​កម្ម សម្រាប់​រយៈពេល​ខ្លី ។ ទន្ទឹមនេះ​, ការព្យួរ​ភាពអនុគ្រោះ​ពន្ធ​លើ​ទំនិញ​មួយចំនួន នៅក្រោម​កម្មវិធី EBA ក៏​នឹង​បង្ក​ផលប៉ះពាល់​ខ្លះ​ទៅលើ​ការផលិត​របស់​រោងចក្រ​មួយចំនួន​តូច​ដែរ ។ ហេតុនេះ​ដូច​វិស័យ​ទេសចរណ៍​ដែរ​រាជរដ្ឋាភិបាល​ដាក់ចេញ​នូវ​វិធានការ​មួយចំនួន​សម្រាប់​ជួយ​គាំទ្រ​ដល់​វិស័យនេះ ដែលជា​គោលការណ៍ វិធានការ​ទាំងនោះ ត្រូវបាន​រៀបចំ​សំដៅ​ជួយ​ទាំង​រោងចក្រ​-​សហគ្រាស និងកម្មករ​-​និយោជិត ដែល​ទទួលផល​ប៉ះពាល់​, ទាំងពី​ជំងឺ​ខូ​វិដ​-១៩ និង ទាំងពី​ការព្យួរ EBA ។​

​សម្តេច​បញ្ជាក់ថា​ ជាមួយ​គោលដៅ​ខាងលើ ខ្ញុំ​សូម​ជម្រាបជូន​នូវ​បណ្តា​វិធានការ​សម្រាប់​ជួយ​ដល់​រោងចក្រ​-​សហគ្រាស ដែល​ទទួលរង​ផលប៉ះពាល់​ពី​ការខ្វះ​វត្ថុធាតុដើម និង ពី​ការព្យួរ EBA ដូចខាងក្រោម​៖
​ទី​១. ពិនិត្យ​ផ្តល់ជូន​ការលើកលែង​ពន្ធ (Tax holiday) អាច​ពី ៦ ខែ ទៅ ១ ឆ្នាំ សម្រាប់​រោងចក្រ​- សហគ្រាស ដែល​ទទួលរង​ផលប៉ះពាល់​ធ្ងន់ធ្ងរ ទៅតាម​កម្រិត​ភាព​ធ្ងន់ធ្ងរ​នៃ​ផលប៉ះពាល់​ជាក់​ស្តែង​លើ​រោងចក្រ​នីមួយៗ ដែល​បណ្តាលមកពី​ការខ្វះ​វត្ថុធាតុដើម​ផលិត ឬ​/​និង ការព្យួរ EBA (​ក្រសួង​សេដ្ឋកិច្ច និង ហិរញ្ញវត្ថុ ត្រូវ​ដឹកនាំ​សម្របសម្រួល​រៀបចំ​រូបមន្ត និងគោលការណ៍​ជាក់លាក់ សម្រាប់​ការវាយតម្លៃ​ផ្តល់​ការលើកលែង​ពន្ធ​នេះ​)​។​

ទី​២. អនុញ្ញាតឱ្យ​រោងចក្រ​មិន​បង់ប្រាក់​វិភាគទាន​ធានារ៉ាប់រង​របប​ហានិភ័យ​ការងារ និងថែទាំ​សុខ​ភាព (​ប​សស​) ក្នុងអំឡុងពេល​រោងចក្រ​ព្យួរ​អាជីវកម្ម​។​ទី​៣. សម្រាប់​រោងចក្រ​-​សហគ្រាសដែល​ផ្អាក​សកម្មភាព​ផលិត​រយៈពេល​ខ្លី ដោយសារ​ខ្វះ​វត្ថុធាតុដើម​, រោងចក្រ​-​សហគ្រាស​ត្រូវ​ចេញ​ប្រាក់ខែ​ចំនួន ៤០​ភាគរយ នៃ​ប្រាក់ខែ​អប្បរ​មា​របស់​កម្មករ​-​និយោជិត (​ដែលមាន​ចំនួន ១៩០ ដុល្លារ​អាម៉េរិក សម្រាប់​ឆ្នាំ ២០២០) ខណៈ​រាជរដ្ឋាភិបាល​នឹងចូលរួម​ចំណែក ២០​ភាគរយ នៃ​ប្រាក់ខែ​អប្បរ​មា​បន្ថែម (​សរុប ៦០​ភាគរយ នៃ​ប្រាក់ខែ​អប្បបរមា​) ។ ដើម្បី​បានទទួល​នូវ​ការ​ឧបត្ថម​នេះ ក្មួយៗ​ជា​កម្មក​-​និយោជិត​ត្រូវ​ចូលរួម​វគ្គ​បណ្តុះបណ្តាល​ខ្លីៗ​រវាង​ពី ១ ទៅ ២ សប្តាហ៍ ដែល​រៀបចំ​ដោយ​ក្រសួង​ការងារ និង បណ្តុះបណ្តាល​វិជ្ជាជីវៈ នៅតាម​បណ្តា​រោងចក្រ​-​សហគ្រាស​។​
​ទី​៤. ក្រសួង​ការងារ និង បណ្តុះបណ្តាល​វិជ្ជាជីវៈ ត្រូវ​សហការ​ជាមួយ​សមាគម​រោងចក្រ​កាត់ដេរ កម្ពុជា (GMAC) និង ដៃគូ​ពាក់ព័ន្ធ ដើម្បី​ជំរុញ​ការផ្សព្វផ្សាយ​ឱ្យបាន​ទូលំទូលាយ អំពី​លទ្ធផល​ការងារ​របស់ «​គម្រោង​រោងចក្រ​កាន់តែ​ប្រសើរ​នៅ​កម្ពុជា (Better Factories Cambodia-BFC)» ដើម្បីឱ្យ​អ្នកបញ្ជា​ទិញ​បានដឹងថា ទំនិញ​ពី​កម្ពុជា​មានការ​គោរព​នូវ​សិទ្ធិមនុស្ស​, សិទ្ធិ​ការងារ​, មាន​លក្ខខណ្ឌ​ការងារ​ល្អប្រសើរ និងមិនមាន​ការប្រើប្រាស់​ព​លកម្ម​កុមារ ។​

​សម្តេច​តេ​ជោ​ហ៊ុនសែន​បាន​បន្ត​ថា សម្រាប់​វិធាន​ការជួយ​ដល់​ក្មួយៗ​ជា​កម្មករ​-​និយោជិត ដែល​បាត់បង់​ការងារ និងមិនទាន់​អាច​រក​ការងារ​ថ្មី​បាន ឬ ចង់​ផ្លាស់ប្តូរ​ការងារ​នាពេល​អនាគត​, ក្រសួង​ការងារ និងបណ្តុះបណ្តាល​វិជ្ជាជីវៈ ត្រូវ​រៀបចំ​កម្មវិធី​បណ្តុះបណ្តាល​ជូន​ដល់​ក្មួយៗ ដែល​រួមមាន​ដូចខាងក្រោម​៖
​ទី​១. ផ្តល់​សេវា​ជួយ​រក​ការងារ​ឲ្យ​កម្មករ​ធ្វើ តាមរយៈ​ទីភ្នាក់ងារ​ជាតិ​មុខរបរ (NEA) ដែល​អាចជួយ​ជំរុញ​កម្មករ​-​និយោជិត ដែល​បាត់បង់​ការងារ​ឱ្យ​ចាប់យក​ការងារ​ថ្មី​បាន​ឆាប់រហ័ស​។​ទី​២. បណ្តុះបណ្តាល​ជំនាញ​ទន់ (Soft skills) រយៈពេល​ខ្លី​ពី ១ ដល់ ២ សប្តាហ៍ ដល់ក​ម្មករ​-​និយោជិត ដែល​បាត់បង់​ការងារ និងមិនទាន់​រក​ការងារ​ធ្វើឡើង​វិញ​បាន​។​ទី​៣. បណ្តុះបណ្តាល​ជំនាញ​បច្ចេកទេស​រយៈពេល ៤ ខែ ដើម្បី​បំពាក់​ជំនាញ​ថ្មី និងផ្តល់​ភាព​ងាយ​​ស្រួល ក្នុង​ការរក​ការងារ​ធ្វើក្នុង​វិស័យ​មិនមែន​កាត់ដេរ​។​ទី​៤. ផ្តល់ជូន​ដល់​សិក្ខាកាម ដែល​ត្រូវបាន​ជ្រើសរើស និង ទទួលបាន​ការបណ្តុះបណ្តាល នូវ​ប្រាក់ឧបត្ថម្ភ ចំនួន ១២០ ដុល្លារ ក្នុង​មួយខែ សម្រាប់​រយៈពេល ៦ ខែ (៤ ខែ​សម្រាប់​ការ​-បណ្តុះបណ្តាល និង ២ ខែ​សម្រាប់​ទុក​បម្រុង​ក្នុងអំឡុងពេល​រក​ការងារ​ធ្វើ​មិនទាន់បាន​) ៕​សរន​/Ha

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រី​ក្រសួងបរិស្ថា...

​ដោយៈ ដេប៉ូ / ភ្នំពេញៈ រដ...

កម្មករ​រោងចក្រ​៦​នាក់​របួ...

​ដោយ​:​វ​ណ្ណះ​/​ព្រះសីហនុ...

បុគ្គលិក​កាស៊ីណូ រលក​ធំ ប...

ដោយៈ​វ​ណ្ណះ​/​ព្រះ​សី​ហុៈ...

Spursឡើង​មក​លេខ​១ ក្រោយ​ស...

​ប្រែ​សម្រួល : កញ្ញា​ដា​ល...