Home ព័ត៌មានអន្តរជាតិ ខេត្ត​៤​បន្ទា...

ខេត្ត​៤​បន្ទាប​កំរិត​ឆ្លើយតប​គ្រាអាសន្ន​កូរ៉ូណា​វីរុស​នៅពេ​លចិន​ជំរុញ​អោយ​រោងចក្រ​បើក​ដំណើរការ​វិញ​

​ខេត្ត​ចិន​ចំនួន​៤ រួម​មាន​យុន​ណាន ,​ហ្កាង​ទុង​,​សាន់​ស៊ី​និង​គុយ​ចូ​វ កាលពី​ថ្ងៃ​ចន្ទ​ទី​២៤​កុម្ភៈ​បាន​បន្ទាប​វិធានការ​ឆ្លើយតប​ទល់​នឹង​កូរ៉ូណា​វីរុស​Covid-19 ដោយ​​ខេត្ត​យុន​ណាន និង​គុយ​ចូ​វ បន្ថយ​វិធានការ​ពី​កំរិត​១​មក​នៅត្រឹម​៣ រីឯខេត្ត​ហ្កាង​ទុង​និង​សាន់​ស៊ី​បន្ថយ​ពី​កំរិត​១​មក​នៅត្រឹម​២​។​

សូមបញ្ជាក់ថា ​ចិន​មាន​ប្រព័ន្ធ​ឆ្លើយតប​៤​កំរិតសំរាប់​គ្រាអាសន្ន​សាធារណៈ ដែល​កំណត់​ទំហំ​និង​កំរិត​វិធានការ​អនុវត្ត​សំរាប់​ទប់ស្កាត់​និង​គ្រប់គ្រង​ជម្ងឺឆ្លង ដោយ​កំរិតទី១​​ទាម​​ទារ​ការចាត់វិធានកា​រ​ម៉ឺងម៉ាត់​បំផុត​។​

​ខេត្ត​ហ្កានស៊ូ បាន​បន្ទាប​កំរិត​ចាត់វិធានការ​កាលពី​ថ្ងៃ​សុក្រ និង​កាលពី​ថ្ងៃ​សៅរ៍ ខេត្ត​លី​អាវ​នី​ញ​បាន​បញ្ចុះ​កំរិត​ចាត់វិធានការ​ផងដែរ​។​

​ក្នុងពេល​ជាមួយគ្នា ប្រធានាធិបតី​ចិន លោក​ស៊ី ជីន​ពីង និង​មេដឹកនាំ​កំពូលៗ​របស់​ចិន​បាន​អំពាវនាវ​អោយ​រោងចក្រនិងក្រុមហ៊ុន​បន្ត​ដំណើរកា​រ​ផលិតកម្ម​របស់​​គេ​ឡើង​វិញ ដើម្បី​ប្រទេស​អាច​សំរេច​បាន​គោលដៅ​កំណើន​និង​ការអភិវឌ្ឍ​សេដ្ឋកិច្ច​នៅ​ឆ្នាំ​២០២០​។​

​ពួក​មន្ត្រីខេត្ត​ចិន​បាន​អនុវត្ត​តាម​បទបញ្ជា​របស់​ស៊ី ដោយ​ពី​ខេត្ត​មួយ​ទៅ​ខេត្ត​មួយ​ពី​តំបន់​មួយ​ទៅ​តំបន់​មួយ​បាន​បន្ទាប់​កំរិត​ឆ្លើយតប​គ្រាអាសន្ន​បន្ទាប់ពី​​មូលដ្ឋាន​ឧស្សាហកម្ម​ជាតិ​ជាង​ពាក់កណ្តាល​នៅ​គាំងស្ញេញ​ក្រោយ​ការ​ឈប់សម្រាក​ចូលឆ្នាំថ្មី​។​

​បន្ទាប់​ពី​បណ្តា​ដង​វិថី​ស្ងាត់ឈឹង​គ្មាន​សកម្មភាព​មនុស្សនិង​ហាង​បិទ សញ្ញា​នៃ​ជីវិត​បាន​បង្ហាញ​ឡើងវិញ​នៅតាម​ខ្សែក្រវាត់​ផលិតកម្ម​ឧស្សាហកម្ម​នៅក្នុង​តំបន់​​ឆ្នេរ​របស់​ប្រទេស​ចិន​។​នៅ​ចម្ងាយ​ប្រមាណ​៦០០​គីឡូម៉ែត្រ​ពី​ប្រភព​ផ្ទុះ​ជម្ងឺ គឺ​ក្រុង​វូ​ហាន អ្នក​លក់ដូរ​និង​អតិថិជន​នៅ​ផ្សារ​យី​វូ ក្នុង​ខេត្ត​ហ្សេ​ជាំង ត្រូវបាន​ធ្វើតេស្ត​កំដៅ​ខ្លួន​នៅ​ច្រកចូល​​ផ្សារ ក្រោយ​ផ្សារ​លក់ដុំ​ទំនិញ​ឧស្សាហកម្ម​ដ៏​ធំ​នេះ​បើក​ដំណើរការ​ឡើងវិញ​។​

​តំរូវការ​ថាមពល​ក៏​ចាប់ផ្តើម​កើនឡើង​នៅ​ចិន​ដោយ​រោងចក្រ​អគ្គិសនី​ធំៗ​ចំនួន​៦​បាន​រាយការណ៍​អំពី​ការប្រើ​ធ្យូងថ្ម​កើនឡើង​៧​ភាគរយ​កាលពី​ថ្ងៃ​២០​កុម្ភៈ​ធៀប​​នឹង​មួយ​ថ្ងៃមុន​។​

​តែ​កម្លាំង​ពលកម្ម​នៅ​ជា​បញ្ហា​។​

​ឌុ​ង លីវ អនុប្រធាន​រោងចក្រ​មួយ​នៅ​ក្រុង​ហ្វ៊ុយ​ជៀ​ន​បាន​និយាយថា «​រោងចក្រ​របស់​យើង​កំពុង​បាត់​កម្មករ​ជាច្រើន ដូច្នេះ​យើង​អាច​ដំណើរការ​ផលិត​មានកំ​​រិត​»​។​

​ស្ថិតិ​ផ្លូវការ​បង្ហាញថា រោងចក្រ​ប្រមាណ​៧០​ភាគរយ​នៅតាម​បណ្តា​ខេត្ត​ដូចជា​សាន់​ទុង​,​ហ្សេ​ជាំង​និងជាំង​ស៊ូ ឥឡូវ​បានចាប់ផ្តើម​ដំណើរការ​ឡើងវិញ តែ​ភាគច្រើន​ផលិត​នៅក្រោម​សមត្ថភាព​នៅ​ឡើយ​ដោយសារ​ខ្វះ​កម្មករ​៕​ប្រែ​សម្រួល​៖​វាសនា​

បណ្តារោងចក្រចិនភាគច្រើនចាប់ផ្តើមដំណើរឡើងវិញតែនៅបាត់កម្មករ

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...