Home កីឡា ជំនួប​រវាង ឡុ...

ជំនួប​រវាង ឡុង សំណាង និង ដែន ភិ​ឈី​ត ដេញ​ចុះ​ទឹក​៣ ដោយ​មិន​ប្រកាស​លទ្ធផល​

ដោយ​៖ រ៉ូ​ហ្សា
​ភ្នំពេញ​៖
ជំនួប​លើស​ង្វៀន ខា​រ៉ា​បាវ​របស់ អាស៊ីអាគ្នេយ៍ នា​រសៀល​ថ្ងៃទី​២២ កុម្ភៈ កន្លងទៅនេះ រវាង​អ្នក​ប្រដាល់​កម្ពុជា ឡុង សំណាង ក្លិប​សាល​វ័​ន្ដ​កីឡា ជាមួយ​អ្នក​ប្រដាល់​ថៃ ដែន ភី​ឈី​ត (Den Phechhit) ត្រូវ​លោក​អាជ្ញាកណ្ដាល បណ្ដេញ​ចុះ​ពីស​ង្វៀន នៅ​ទឹក​ទី​៣ ដោយសារតែ​ការប្រកួត​
​របស់គេ ខុស​ប្រក្រតី ។​

​ពាក្យ​ដែលថា ខុស​ប្រក្រតី មានន័យថា វ៉ៃ​មិន​អស់ពី​សមត្ថភាព ។ មុននឹង​បណ្ដេញ​ចុះ​ពីស​ង្វៀ​ម លោក​អាជ្ញាកណ្ដាល បាន​ព្រមាន ២ លើក​រួចទៅហើយ​។ នៅ​ទឹក​ទី​៣ អាជ្ញាកណ្ដាល បាន​រាប់ ៨ ទៅលើ ដែន ភី​ឈី​ត បន្ទាប់មក ក៏​បណ្ដេញ​ចុះ​ពីស​ង្វៀន​ទាំង ២ នាក់ នៅក្នុង​ទឹក​ទី ៣ តែម្ដង ។​

​យក្ស​ផ្លែ ទិសពាយ័ព្យ ក្លិប​បូរី​រាជសីហ៍​មាន​រិ​ទ្ធ ប្រកួត​ចាញ់​អ្នក​ប្រដាល់​ថៃ ចំណូល​ថ្មី ខុន ផ​ប់​ដាយ (Khon Phopday) ដោយ​ពិន្ទុ បន្ទាប់ពី​ប្រកួត​គ្នា ៥ ទឹក ពេញ​មក​នោះ ។ យក្ស​ផ្លែ ជា​អ្នក​ប្រដាល់ ដែលមាន​អំណួត និង​ពូកែ ឌឺ ចំអក ដាក់​គូប្រកួត តែ​ប៉ះ​ជាមួយ ខុន ផ​ប់​ដាយ គេ​ជា​អ្នកលេង​មែនទែន គេ​បាន​បំបាក់​អំណួត យក្ស​ផ្លែ បាន​ដោយ​ពិន្ទុ ។​

ទិដ្ឋភាព​ប្រកួត​

​ជំនួប​លើស​ង្វៀន Boostrong Fighter on Fire នា​ព្រឹក​ថ្ងៃទី​២៣ កុម្ភៈ​វិញ​នោះ ក្នុងជំនួប​ជាមួយ អ្នក​ប្រដាល់​បរទេស ចំនួន ៣ គូ កម្ពុជា ឈ្នះ​បាន​មួយគូ ស្មើ​មួយគូ និង ចាញ់​មួយគូ ។​

​អ្នក​ប្រដាល់ តូច ទូ មកពី​សមាគម​ប្រដាល់ ក្រសួងការពារជាតិ បាន​ផ្ដួល​អ្នក​ប្រដាល់ ជនជាតិ​អាមេរិកកាំង ដែល​ហាត់​នៅ​ស្រុកថៃ នៅ​ទឹក​ទី​២ ។ តូច ទូ បាន​វាយប្រហារ​ជើង​ក្រោម របស់​អ្នក​ប្រដាល់​អាមេរិកកាំង ម៉ារ​ទីន អា​ឡែ​ន (Martin Allen) បណ្ដាល​ឲ្យ​ខូច​ជើង មិនអាច​បន្ត​ការប្រកួត​បាន នៅមុន​ស្នូរ​ជួង បញ្ចប់​ទឹក​ទី​២ ។​

​អ្នក​ប្រដាល់ រិ​ន សារ​ដ្ឋ ក្លិប​កងទ័ពជើងទឹក ប្រកួត​បាន​ត្រឹម​ស្មើ​ពិន្ទុ ជាមួយ​អ្នក្រ​ដាល់​ថៃ អាវុធ ឡេ​ក (Awouth Lek) ដោយ​ពិន្ទុ បន្ទាប់ពី​ពួកគេ​ខិតខំ​តស៊ូ ៥ ទឹក​ពេញ​មក​នោះ​។ អ្នក​ប្រដាល់​ទាំង ២ រូបនេះ ប្រកួត​គ្នា ក្នុង​ប្រភេទ​ទម្ងន់ ៦៣,៥០ គីឡូក្រាម ។ សារ​ដ្ឋ បាន​ព្យាយាម​ប្រើ​កែង និង ជង្គង់ ដើម្បី​ផ្ដួល អាវុធ​ ​ឡេ​ក តែ​អ្នក​ប្រដាល់​ថៃ រូបនេះ ក៏​កាន់តែ​អស្ចារ្យ​ដែរ គេ​បាន​វាយ​សង​វិញ ធ្វើ​ឲ្យ​សារ​ដ្ឋ វេទនា​ម្ដងៗ​។ បន្ទាប់ពី​ប្រកួត​គ្នា ៥ ទឹក​ពេញ​នោះ លទ្ធផល​ចុងក្រោយ គឺ​បាន​ត្រឹម​ស្មើ​ពិន្ទុ​គ្នា​ប៉ុណ្ណោះ ។​

ទិដ្ឋភាព​ប្រកួត​ ,

​ពុ​យ វណ្ណៈ ក្លិប​ឃ្លាំងមឿង​កីឡា ប្រកួត​ចាញ់​ពិន្ទុ អ្នក​ប្រដាល់​ជើង​ខ្លាំង​ថៃ ចេក សា​យ៉ា​ម (Chek sayam) ដោយ​ពិន្ទុ​ដាច់ បន្ទាប់ពី​ប្រកួត​គ្នា ៥ ទឹក​ពេញ​នោះ ។ ចេក សា​យ៉ា​ម ជា​អ្នកលេង​ឆ្លងដែន មួយរូប ដែល​គេ​សាង​ជ័យជំនះ បាន​ច្រើនណាស់ លើស​ង្វៀន នៅ​ស្រុក​ខ្មែរ ។ ការប្រកួត ប្រសិនបើ​សា​យ៉ា​ម ចាញ់​នោះ ក៏​គេ​ធ្វើ​ឲ្យ​ដៃគូ​វេទនា​ដែរ ។​

​លើស​ង្វៀន​អធិរាជ កម្លាំង​រេ​ដ​អាន នា​យប់​ថ្ងៃទី​២៣ កុម្ភៈ អ្នក​ប្រដាល់​កម្ពុជា ប្រកួត​ឈ្នះ អ្នក​ប្រដាល់​ថៃ ទាំង​២ រូប ដោយ​ពិន្ទុ​ដូចគ្នា​តែម្ដង ។ ម៉ន សា​ម៉េ​ត ក្លិប​កងចក្រ​រាជសីហ៍ ប្រកួត​ឈ្នះ​អ្នក​ប្រដាល់​ថៃ ប៊ូ វី (Bou Vy) ដោយ​ពិន្ទុ បន្ទាប់ពី​ប្រកួត​គ្នា ៥ ទឹក​ពេញ មក​នោះ ។ អ្នក​ប្រដាល់​ទាំង ២ រូបនេះ ប្រកួត​គ្នា ក្នុង​ប្រភេទ​ទម្ងន់ ៦០ គីឡូក្រាម ។​

​ឡុង ជិន ក្លិប​ម្កុដ​រាជសីហ៍ ប្រកួត​ឈ្នះ​អ្នក​ប្រដាល់ សេន មរកត (Sen Morokorth) ដោយ​ពិន្ទុ ។ អ្នក​ប្រដាល់​ទាំង ២ រូបនេះ ប្រកួត​គ្នា ក្នុង​ប្រភេទ​ទម្ងន់ ៦០ គីឡូក្រាម ៕v

ទីតាំងផ្សាយពាណិជ្ជកម្ម

- Advertisment -

Most Popular