Home ព័ត៌មានជាតិ នយោបាយ អ្វី​ជា​វិធាន...

អ្វី​ជា​វិធានការ​របស់​រាជរដ្ឋាភិបាល​ក្នុង​ការជួយ​ដល់​សហគ្រាស​ធុន​តូច និង​មធ្យម​,​អាជីវកម្ម​ផ្សេងទៀត​ពិសេស វិស័យ​សំណង់ និង អចលនទ្រព្យ ?

សម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​

ដោយៈ​តារា​រិ​ទ្ធ​/​ភ្នំពេញៈ​សម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានបញ្ជាក់​ពី​ការគិតគូរ​អំពី​ការ​ទ្រទ្រង់​កំណើន ក្នុង​ទម្រង់​ជាការ​លើកទឹកចិត្ត​ដល់​វិស័យ​ដែល​នៅមាន​សក្តានុពល​សម្រាប់​ការរីកចម្រើន ជាអាទិ៍ សហគ្រាស​ធុន​តូច និង​មធ្យម ព្រមទាំង​ការជំរុញ​សកម្មភាព​អាជីវកម្ម​នៅក្នុង​វិស័យ​ផ្សេងទៀត ពិសេស វិស័យ​សំណង់​និង​អចលនទ្រព្យ​។​ការបញ្ជាក់​នេះ​កាលពី​ព្រឹក​ថ្ងៃទី​២៤​ខែកុម្ភៈ​ឆ្នាំ​២០២០​នៅ​វិមាន​សន្តិភាព​ទីស្តីការ​នាយករដ្ឋមន្ត្រី​ដែលជា​សារ​ជូន​ជនរួមជាតិ​ស្តីពី​វិធានការ​របស់​រាជរដ្ឋាភិបាល ដើម្បី​គ្រប់គ្រង​ផលប៉ះពាល់​ពី​ជំងឺ​រលាក​ផ្លូវដង្ហើម​ធ្ងន់ធ្ងរ (​ខូ​វិដ​-១៩) និង ការព្យួរ​ភាពអនុគ្រោះ​ពន្ធ​លើ​ទំនិញ​មួយចំនួន ក្រោម​កម្មវិធី «​ទំនិញ​គ្រប់មុខ លើកលែង​អាវុធ​» (EBA)​។​

​សម្តេច​តេ​ជោ​ហ៊ុនសែន​បាន​លើកឡើងថា​ជាមួយ​វិធានការ​ទ្រទ្រង់​កំណើន​បន្ថែម​ពី​វិធានការ​រយៈពេល​ខ្លី ដែល​បាន​ដាក់ចេញ​សម្រាប់​ជួយ​ដល់​វិស័យ​ទេសចរណ៍​, វិស័យ​កាត់ដេរ និង វិធាន​ការជួយ​ដល់ក​ម្មករ​-​និយោជិត​, រាជរដ្ឋាភិបាល​ក៏បាន​គិតគូរ​អំពី​ការ​ទ្រទ្រង់​កំណើន​ក្នុង​ទម្រង់​ជាការ​លើកទឹកចិត្ត​ដល់​វិស័យ​ដែល​នៅមាន​សក្តានុពល​សម្រាប់​ការរីកចម្រើន ជាអាទិ៍ សហគ្រាស​ធុន​តូច និង​មធ្យម ព្រមទាំង​ការជំរុញ​សកម្មភាព​អាជីវកម្ម​នៅក្នុង​វិស័យ​ផ្សេងទៀត ពិសេស វិស័យ​សំណង់ និង អចលនទ្រព្យ ។ រាជរដ្ឋាភិបាល​មាន​គោលបំណង​ប្រែក្លាយ​សហគ្រាស​ធុន​តូច និង មធ្យម ឱ្យទៅជា​កម្លាំងចលករ​ជំរុញ​កំណើនសេដ្ឋកិច្ច​, ផ្តល់​ការងារ​កាន់តែច្រើន​ដល់​ពលករ​កម្ពុជា និង មានលទ្ធភាព​ផលិត​នូវ​ទំនិញ​កាន់តែច្រើន​ជំនួស​ឱ្យ​ការ​នាំចូល ។


​សម្តេច​តេ​ជោ​ហ៊ុនសែន​បញ្ជាក់ថា​ក្នុង​គោលដៅ​នេះ រាជរដ្ឋាភិបាល​ដាក់ចេញ​នូវ​វិធានការ ដូចខាងក្រោម​៖
​ទី​១. រៀបចំ​បង្កើត​គណៈកម្មាធិកា​រ​សកម្មភាព​គោលនយោបាយ ដើម្បី​ជំរុញ និង អភិវឌ្ឍ​សហគ្រាស​ធុន​តូច និង មធ្យម ដែលមាន​សមាជិក​មក​ពី​ក្រសួង​-​ស្ថាប័ន​ពាក់ព័ន្ធ​សំខាន់ៗ​នៅក្រោម​ការ​-​ដឹកនាំ​ផ្ទាល់​របស់​ប្រធាន​គណ​:​ក​ម្មា​ធិ​ការ​គោលនយោបាយ​សេដ្ឋកិច្ច និង ហិរញ្ញវត្ថុ ។ គណៈកម្មាធិការ​នេះ នឹងដាក់​ចេញ​នូវ​វិធានការ​ជាក់ស្តែង​ពាក់ព័ន្ធ​នឹង​ការជំរុញ និង អភិវឌ្ឍ​សហ​-​គ្រាស​ធុន​តូច និង មធ្យម​, តាមដាន​ការអនុវត្ត និង ស្នើ​ដាក់ចេញ​នូវ​វិធានការ​កែសម្រួល តាម​ការចាំបាច់​។​
​ទី​២. ក្រសួង​សេដ្ឋកិច្ច និង ហិរញ្ញវត្ថុ ត្រូវ​ជំរុញ​ការដាក់​ឲ្យ​ដំណើរការ​ធនាគារ​សហ​គ្រាស​ធុន​តូច និង មធ្យម (SME Bank) ឱ្យបាន​ឆាប់​។​ទី​៣. រៀបចំ​ជា​កម្មវិធី​ហិរញ្ញប្បទាន​ពិសេស ដែលមាន​ទឹកប្រាក់រ​ហូ​តដល់ ៥០ លាន​ដុល្លារ​អាមេរិក តាមរយៈ​ធនាគារ​អភិវឌ្ឍ​ជនបទ (RDB) ដើម្បី​ផ្តល់​កម្ចី​មានការ​ប្រាក់​ទាប ដល់​សហគ្រាស​ធុន​តូច និង មធ្យម ក្នុង​វិស័យ​កែច្នៃ​ផលិតផល​កសិកម្ម​, វិស័យ​ក​សិ​-​ឧស្សាហកម្ម និង វិស័យ កសិកម្ម ដែលមាន​ដូចជា ការដាំ​បន្លែ​, ការ​ច​ញ្ចឹ​ម​សត្វ និង ការ​ច​ញ្ចឹ​ម​ត្រី ដើម្បី​អនុញ្ញាតឱ្យ​សហ​-​គ្រាស​ធុន​តូច និង មធ្យម​ទាំងនោះ មានលទ្ធភាព​ពង្រីក និង ធ្វើឱ្យ​ប្រសើ​ឡើង នូវ​ខ្សែ​ច្រវាក់​ផលិតកម្ម​របស់ខ្លួន ក្នុង​គោលដៅ​បង្កើត​ការងារ​បន្ថែម និង ពង្រឹង​ភាព​ប្រកួតប្រជែង​។​
​ទី​៤. រៀបចំ​យន្តការ​ចូលរួម​ធ្វើ​សហ​ហិរញ្ញប្បទាន (Co-financing) និង ចែករំលែក​ហានិភ័យ (Risk sharing) ដែលមាន​ទឹកប្រាក់រ​ហូ​តដល់ ៥០ លាន​ដុល្លារ​អាម៉េរិក តាមរយៈ​ធនាគារ​សហគ្រាស​ធុន​តូច និង មធ្យម (SME Bank) ដែលមាន​ដើមទុន​រួចហើយ ជាមួយ​គ្រឹះស្ថាន មីក្រូហិរញ្ញវត្ថុ និង ធនាគារពាណិជ្ជ​នានា សំដៅ​ជំរុញ​ការអភិវឌ្ឍ​សហគ្រាស​ធុន​តូច និង មធ្យម ក្នុង​ផ្នែក​កម្មន្តសាល និង សិប្បកម្ម សម្រាប់​ជំនួស​ឱ្យ​ការ​នាំចូល​, បម្រើ​សេចក្តីត្រូវការ​ក្នុងស្រុក ឬ ផ្តល់​ជា​ធាតុ​ចូល​នៅក្នុង​ការផលិត​របស់​ក្រុមហ៊ុន​ធំៗ ។ យន្តការ​នេះ នឹងមាន​រយៈពេល​មួយឆ្នាំ ហើយនឹង​ផ្តល់នូវ​ឥណទាន​ក្នុង​អត្រា​ការប្រាក់​ទាប ដល់​សហគ្រាស​ធុន​តូច និង​មធ្យម​។​
​ទី​៥. លើកលែង​ពន្ធ​ប្រថាប់ត្រា​សម្រាប់​អ្នកទិញ​ផ្ទះ ដែលមាន​ថ្លៃ​ទាប​ជាង​ប្រាំ​ពីរម៉ឺន​ដុល្លារ​អាមេរិក ក្នុង​រយៈពេល​មួយឆ្នាំ ដោយ​គិត​ចាប់ពី​ខែ កុម្ភៈ ឆ្នាំ ២០២០ ដល់​ខែ មករា ឆ្នាំ ២០២១ សម្រាប់​ក្រុមហ៊ុន​អភិវឌ្ឍន៍​លំនៅឋាន ដែល​បាន​ចុះបញ្ជី​នៅ​ក្រសួង​សេដ្ឋកិច្ច និង ហិរញ្ញវត្ថុ និង​នៅ​មន្ទីរ​សេដ្ឋកិច្ច និង ហិរញ្ញវត្ថុ ។​
​សម្តេចនាយក​រដ្ឋ​ម​មន្ត្រី​បាន​បន្តថា ទន្ទឹមនេះ រាជរដ្ឋាភិបាល​ក៏​សូម​អំពាវនាវ​ដល់​ក្រុមហ៊ុន​អភិវឌ្ឍន៍​លំនៅឋាន​ទាំងអស់ ឲ្យ​ចូលរួម​ជាមួយ​រាជរដ្ឋាភិបាល​ក្នុងការ​បញ្ចុះ​ថ្លៃ​ផ្ទះ ទៅតាម​លទ្ធភាព​ដែល​អាចធ្វើ​ទៅបាន ៕​សរន​

ទីតាំងផ្សាយពាណិជ្ជកម្ម

- Advertisment -

Most Popular