Home ព័ត៌មានជាតិ នយោបាយ សម្តេច​តេ​ជោ ...

សម្តេច​តេ​ជោ ហ៊ុន សែន ៖ កម្ពុជា​នឹងមិន​ស្នើសុំ​ត្រឡប់មកវិញ EBA ២០​ភាគរយ​នោះទេ​

ដោយ​៖​តារា​រិ​ទ្ធ​(​ភ្នំពេញ​)៖ នៅ​ព្រឹក​ថ្ងៃទី​២៤ ខែកុម្ភៈ ឆ្នាំ​២០២០​នេះ​សម្តេច​អគ្គមហាសេនា បតី​តេ​ជោ ហ៊ុន សែន នាយករដ្ឋមន្ត្រី​កម្ពុជា​បាន​ថ្លែង​បញ្ជាក់ថាកម្ពុជា​នឹងមិន​ស្នើសុំ​ត្រឡប់មកវិញ​នូវ EBA ២០% នោះទេ​។សម្តេចនាយក​រដ្ឋមន្ត្រី​កម្ពុជា​បានប្រកាស​គោលជំហរ​ច្បាស់ៗ​ថា​កម្ពុជា​នឹងមិន​ចរចា​ស្នើសុំ​ការអនុគ្រោះ​ពន្ធ​ពី​អឺរ៉ុប​វិញ​នោះទេ ។ សម្តេច​បាន​ថ្លែង​បែបនេះ​នៅ​សន្និសីទ​សារព័ត៌មាន​ដែល​រៀបចំឡើង​នៅ​ទីស្តីការ​នាយករដ្ឋមន្ត្រី​។​

​សម្តេច​តេ​ជោ​នាយករដ្ឋមន្ត្រី ហ៊ុន សែន បាន​អះអាងថា​ការសម្រេច​ដក​ការអនុគ្រោះ​ពន្ធ ២០ ភាគរយ​ពី​កម្ពុជា​គឺជា​រឿង​របស់​សហភាព​អឺរ៉ុប​ហើយ​កម្ពុជានឹងមិន​ធ្វើការ​ស្នើសុំ​ឬ​សម្របសម្រួល​ណាមួយ​និយាយ​ឱ្យ​ខ្លី​គឺ​មិន​ធ្វើតាម​ការចង់បាន​រប​ស់​អឺរ៉ុប​ដើម្បី​ទទួលបាន​ការអនុគ្រោះ​នេះ​មកវិញ​នោះទេ ។​សម្តេច​តេ​ជោ​នាយករដ្ឋមន្ត្រី​បានប្រកាស​ដាច់​ណាត់​ថា​កម្ពុជា​សុខចិត្ត​បង់ពន្ធ​ប្រមាណ ១០០ លាន​ដុល្លារ​អាមេរិក​សម្រាប់​នាំ​ទំនិញ​ទៅកាន់​ទីផ្សារ​អឺរ៉ុប តែ​កម្ពុជា មិន​យក​អធិតេយ្យភាព​របស់ខ្លួន​ទៅ​ដោះដូរ​ជាដាច់ខាត ។

​សម្តេច​តេ​ជោ​ក៏បាន​ផ្តាំ​ទៅ​អ្នកនយោបាយ​នៅ​កម្ពុជា​កុំ​សង្ឃឹមថា​ខ្មោច​ដែល​ងាប់​ទៅហើយនោះ​វា​អាច​រស់​ឡើងវិញ​អោយសោះ​សូមកុំ​រង់ចាំ ! ។​សម្តេច​បាន បញ្ជាក់​បន្ថែមថា​កម្ពុជា​បាន​ត្រៀម​ស្មារតី​ទៅលើ​បញ្ហា​ការបាត់បង់ EBA ប្រមាណ​ជា ២០% នេះ​រួចរាល់​ហើយ ។​

​សម្តេច​តេ​ជោ​នាយករដ្ឋមន្ត្រី ហ៊ុន សែន បានប្រកាសថា​កម្ពុជា​មិនអាច​ធ្វើតាម​សហ ភាព​អឺរ៉ុប​បានទេ​។សម្តេច​ក៏​គូសបញ្ជាក់​ដែល​ទំនង​សំដៅ​ទៅលើ​ករណីលោក កឹម សុខា ដែល​តុលាការ​កំពុងដំណើរកា​រ​កាត់ទោស​ថា សម្តេច​មិន​ដោះដូរ​ដោយ​ការដោះលែង​ដើម្បី​ទទួលបាន​អនុគ្រោះ​ពន្ធ​មកវិញ​នោះឡើយ ។សម្តេច​បន្តថា​អ្នក​ដែល​ប្រព្រឹត្ត​ខុសច្បាប់​គឺ​ត្រូវតែ​ទទួលទោស​តាមច្បាប់គេ​ផ្តាច់ EBA ពី​កម្ពុជា​គឺជា​ច្បាប់​របស់គេតែ​យើង​កាត់ទោ ស​អ្នក​ដែល​ចង់​បំផ្លាញ ជាតិ​របស់​យើង​ជា​ច្បាប់​របស់​យើង ។ មិនតែប៉ុណ្ណោះ​សម្តេច​ប្រមុខ​រាជរដ្ឋាភិបាល​ក៏បាន​ថ្លែង​បែប​ចំអក​ទៅកាន់​ក្រុម​អតីត​អ្នកនយោបាយ​បក្សប្រឆាំង​ថា គណបក្ស​សង្គ្រោះ​ជាតិ​ដែល​ងាប់​ទៅហើយនោះ មិនអាច​រស់​ឡើងវិញ​បាន​នោះទេ ។សម្តេច​សង្កត់ធ្ងន់ថា​អ្វីៗ​មិនអាច​ដើរ​ថយក្រោយ​វិញ​បានឡើយ ច្បាប់គឺ​ច្បាប់កាត់ទោស​រួចហើយ​ គឺ​ត្រូវ​យកទៅដាក់​ពន្ធនាគារ​៕

ទីតាំងផ្សាយពាណិជ្ជកម្ម

- Advertisment -

Most Popular